ISAIA 7:2 - Hawa Naga Bible 2001

² Siria nolaungx bix kuex Israel ghaq vraungx nuex shex httax yaq thaungc Yuda hokhvmx waz kox nuex httuiuc koq tueq, piq nuiyc piq miqsaz htenc kuex pinhtumc hiyaz kawc yawc wuez tueq, tsuinghez kuex raungguil rueq tvmoay yaq pulx jungx ikhoc kvkhuirc wuez tueq.

ASII LAKDAP Bible (BSI)

² Riita ümtiikiiwa Juda mung hokhamwe raq Siria mung phenlabi ka Israil mung hiqrai niishe saühoto nguta tsütsa ka taitaq, apaiq nai asengi mungmaiqse tlotli ka pinthum phiip ajiip raq tsaito. Raüta rahai wan raüjaq pero jam kho tiibai wantlaq ikha tiikhaito.

ISAIA 7:2 Referencias Cruzadas

2 SAMUEL 7:16

Msuiuz msaz hez kuex mkaq muinz httax wvnc vtueq, mmungtan kuex ngaz rueq tvsuip nuex httuiuc laz pattup tv-phaungx ngaungx shaungx. Mnoz hokhvmx daungraungc kuex mkaq muinz htumx kaz tuex rvmuq,’ ” ngoz tueq jungx tueq.

1 HOKHVMX 11:32

Solomon kuex ngvy nvrc waz Dawid ningkhvnc nuex muinz, Israel wvmungx tuimx nuex ngvy tvkoc ngoz tueq ngaz rueq vthvl taq Yerusalem ghaqyungx ningkhvnc nuex muinz, miqphvnx phvnx shiz dvyx lvp shuex.

1 HOKHVMX 12:16

Hokhvmx waz rueq tsuingshiq kvjaz tay kuq muq kuex miq htenc rueq khiz vtueq, tsuingshiq rueq, “Dawid nuiyc piq yuimx wuinz kuex legay ix! Naungshiq tvkoc tsuingshiq rueq yvmx shex lac rvkuq phvnx? Israel miqsaz htenc lex, yuimx nuex yek waung wuez ix! Rehoboam kuex piq pumz nuiyc piq mkvlawc kueq!” ngoz tueq guyc wuez tueq. Kvkhoc Israel miqsaz rueq khawx lvlx wvnc vtueq,

1 HOKHVMX 13:2

Tishox rueq nvr tueq rulc rv-ngvlc shvmmax waz rueq: “O shomrawx lex, shomrawx lex, Yehowa rueq jungx tueq kuex vkhoc rvtueq: vmuingc Josia ngoz yaq nox washiz kuex Dawid taungx nuex jawx shuex. Piq kuex kvmluimx lvmx phvnc vguez shomrawx nuex mnoz tvkoc shomc nawk kuy shomc kuq ruiux, vshuimc vlvmc jix shomc waz bix kuex mhtauk nuex thvt vtueq miq ruk vrawz htenc muinz mnoz htauk nuex jauk kv-phux,” ngoz tueq.

2 KAÜWA WERAÜ 25:10

Kvkhoc rvtueq Amazia rueq vshap vruez nolaungx bix kuex tvyek gay ruiux yuimx nuex yek wuez tvkoc tsuinghez muex jungx kuq tueq. Kvkhoc rvkoq tueq Yuda miqsaz htenc vkhuip vkhaq laz juing tsuinghez khaq vtueq miqmac yuimx nuex yek waung wuez tueq.

2 KAÜWA WERAÜ 28:12

Ghaqkhux kox Mungtan kuex shunshvlc jix miq waz bvlic rvtueq Jehohanan saz Azaria, Meshilemot saz Berekia, Shallum saz Jehizakia nuiyc Hadlai saz Amasa hez rueq nolaungx bix kvmoay shay yaq lvmz htenc kuex tuingshaung khawx tueq.

Tvtsvmc 11:1

Yehowa nuex kvwungx httaz tvkoc ngaz rueq tvluimc vshaungx. “Wushawx vshiz ikhoc kuz vkanx htenc kvyuq baz kuiuz,

TAKSU LAK 28:1

Layx bac jix kuex tsuingshiq yurc jix vguez rvhvt maq yuz wuez yaq, yuq muinz vtsuing vrux jix miq kuex hangsic ikhoc khvmc yaq.

ISAIA 11:13

Israel mungtan kuex Yuda muex mkaq muinz khunnyerx shuex rvmuq, Yuda mungx jix muinz Israel ralx muex yaungx tuex rvmuq.

ISAIA 22:22

Ngaz rueq piq kuex Dawid suiuz vsaz wawc hokhvmx waz khung nuex hunghtaungx yaq vrangx vpangx kuex piq muex kuq shaungx. Piq rueq yuimx saqpix kuex shuimx shuex, piq rueq daz taq shuex kuex uraq muinz shauk shuex rvmuq, piq rueq shauk taq shuex kuex uraq muinz daz shuex rvmuq.

ISAIA 37:27

Kvruex yuq httax yaq mungx miqsaz htenc luimc vkawc nulx wvnc vtueq; tsuingshiq kuex hiyaz kvkhuirc kawc yawc wuez yaq. Tsuingshiq lotlaz kuex tvnx nuex kemz yaq httuingx vnamx, rvmuq ngoz ruiux yuimx khux htauk nuex kemz yaq httuingx kuex vkalx shaldungc raungguil rueq yvp gay tueq ikhoc yaungx kaz tueq.

ISAIA 37:35

Ngaz kuex ngvy shauk pumz tvtsanc nganc nuiyc ngvy nvrc waz Dawid muex vkuq bomkhvmc ningkhvnc nuex, vruex ghaqyungx kuex tv-phaungx ngaungx vtueq tvguing tvwungx kuq shaungx,’ ngoz tueq.”

ISAIA 6:13

Kvruex mungx kvyuq miq kuex pasen 10 tanc dvyx shex kvjungx ruiux muinz, piq muinz tvbac gay rvhumc tuex; tsuingshiq kuex vduiuz vruez gay khauk rauk jungx khuiuq ikhoc yaungx tuex,” ngoz tueq tvralc phuex. (Pulx jungx khuiuq kuex Tishox vpiq miqsaz vnyalx tvjvp phaungc wvnc ngoc rvtueq.)

ISAIA 7:13

Esaia rueq, “Majuiuc kuex Hokhvmx Dawid suiuz vsaz hez lex, tay shuinz. Miq rueq nanx yaq kuex thuinz tvbac kuy kuex vbac, nuimshiq rueq Tishox nanx yaq kvmuinz thuinz tvbac gay roc haz?

ISAIA 7:17

“Israel mungx kuex Yuda mungx wawc rv-phvlc wvnc tueq maq phaungc vtueq, majuiuc nuex httuiuc laz yaungx wvnc muq phvnx kuilc vdaz raungwuic htenc kuex nuimshiq htauk nuex muinz, nuimshiq phvnx vmaq htenc htauk nuex muinz, honoc hokhvmx yuimx taungx htenc nuex muinz Yehowa rueq tvdung shuex. Vpiq rueq Asiria hokhvmx waz kuex shvlx laq shuex.

ISAIA 7:5

Siria rulc vdvmz Israel nuiyc kvwawc hokhvmx waz kuex vbac yauk shuimc tvkoc dvnc wuez yaq.

ISAIA 8:12

“Miq rueq dvnc yaq kvyuq nauk lomx naungx kaz, tsuingshiq hiz yaq phvnx kvmac nauk hiz kaz.

ISAIA 9:9

Israel miqsaz lotlaz nuiyc Samaria ghaqyungx nuex httaz yaq miq pumz tek vtueq vpiq rueq shuimx wvnc tueq yauk shuimc kuex tuiuz wvnc wuez shuex. Majuiuc kuex tsuingshiq ngamc ngax vtueq thuinz tvyungx wuez yaq. Tsuingshiq rueq,

Hosea 12:1

Israel miqsaz rueq raungnvp maq raungx tvyac laz shuimx yaq phvnx ruip saz kuex khuec guez nuiyc vbac gay juing dvyx rvtueq. Vkhawc vlvlc nuiyc yauk laungc yalawx phvnx kuex tsuingshiq nuex pinhtumc paung wvnc tueq. Tsuingshiq rueq Asiria rulc bomshuit taq ruiux Ejip miqsaz rulc pvkac pvylvyc yauk shuimc vdvmz nuex shuimx tueq.”

Matthew 2:3

Herod hokhvmx rueq kvruex lvmz kuex tay vtueq piq nuiyc Yerusalem miqsaz lotlaz thuinz phez yvp wuez tueq.