DUNGWVNC 14:10 - Hawa Naga Bible 2001

¹⁰ Israel miqsaz rueq hokhvmx waz nuiyc piq nolaungx bix kaz yaq kuex khiz vtueq, tsuingshiq kuex pinhtumc hiyaz ningkhvnc nuex vromc kuy tvkoc Yehowa kox wawc guyc sez thoz wuez tueq.

ASII LAKDAP Bible (BSI)

¹⁰ Kiimaq Israilnok raq Ejip mung hokhamwe nai asengi phenlabi phong ka tsangshiq khat kai akai rai kra chhito. Kra chhi raüta tsangshiq ka phiipraq tsaito. Kiimaq tsangshiq ka Tatiwe ma aho anyi khrum kuqlaq nguta hoq trangto.

DUNGWVNC 14:10 Referencias Cruzadas

2 KAÜWA WERAÜ 18:31

Kvkhoc rvtueq Hokhvmx Jehoshaphat kuex tsuingshiq rueq khiz vtueq, piq kuex Israel hokhvmx waz shvmx ngoz tueq tsuingshiq lotlaz rueq tvmaung wuez vtueq piq kuex khvt muex ngoz tueq tsuinghez rueq kvroz khvt wuez tueq. Yuq muinz piq guyc koq tueq Yehowa Tishox rueq piq kuex palc wvnc ningkhvnc nuex, ralx hez kuex piq kox wawc kvroz wvnc wuez tueq.

NEHEMIA 9:9

“Nuiyshiq jix vwaz tamx Ejip mungx nuex kuilc daz rvhumc yaq kuex mnoz rueq khiz toq; Svmuktvrax Yuix Shawx Jumx maq tsuingshiq muex romc kuy tvkoc guyc yaq kuex mnoz rueq tay toq.

Tvtsvmc 106:44

Yuq muinz tsuingshiq rueq guyc sez thoz koq tueq Yehowa rueq tay vtueq, tsuingshiq kuilc daz yaq kuex vpiq rueq rvwvl kuq tueq.

Tvtsvmc 107:13

Kvkaq tsuingshiq kuilc daz rvhumc tueq nuex Yehowa muex ramc thoz koq tueq, vpiq rueq tsuingshiq jamjaux rvhumc yaq mungx wawc tsuingshiq kuex palc wvnc tueq.

Tvtsvmc 107:19

Kvkaq tsuingshiq kuilc daz rvhumc tueq nuex Yehowa muex ramc thoz tueq, vpiq rueq tsuingshiq jamjaux rvhumc yaq mungx wawc tsuingshiq kuex palc wvnc tueq.

Tvtsvmc 107:28

Kvkaq tsuingshiq kuilc daz rvhumc tueq nuex Yehowa muex ramc thoz koq tueq, vpiq rueq tsuingshiq jamjaux rvhumc yaq mungx wawc palc wvnc tueq.

Tvtsvmc 107:6

Kvkaq tsuingshiq kuilc daz rvhumc tueq nuex Yehowa kox wawc guyc sez thoz tueq, vpiq rueq tsuingshiq jamjaux yaq kvwawc tsuingshiq kuex palc wvnc tueq.

Tvtsvmc 34:17

Tsuingrux jix htenc rueq Yehowa kuex gvl ruiux yuq vpiq rueq tvralc vtueq, vpiq rueq tsuingshiq kuilc daz yaq lotlaz wawc tsuingshiq kuex tvguing wvnc yaq.

Tvtsvmc 53:5

Yuq muinz Tishox rueq vpiq miqsaz htenc muex ralx yaungc jix hez ruk vrawz htenc kuex nyanc shanc nyanc shix tvyaungc gay shuex ningkhvnc nuex, tsuingshiq kuex laukshiz muinz rvhumc muq phvnx hisungx juing kuex tvrvhumc shuex. Tishox rueq tsuingshiq kuex tvdux gay ruiux, Israel miqsaz rueq tsuingshiq kuex vsuingc suing taungx gay shuex.

Tvtsvmc 81:7

Nuimshiq kuilc daz rvhumc tuit nuex, ngaz gvl phuinx tueq, ngaz rueq nuimshiq kuex palc wvnc phaungx. Raunghtiq raungguil mungx nuex ngaz kvhttuiyq yaq baung maq, ngaz rueq nuimshiq muex tvralc phaungx. Meriba yuix ruilx maq ngaz rueq nuimshiq muex taruiyx phaungx.

DUNGWVNC 13:17

Ejip hokhvmx waz rueq miq htenc kuex tvkaz koq tueq, Tishox rueq tsuingshiq kuex Philistin nuex kay juing lvmx vnyek maq shvlx laq muq. Tishox rueq, “Tsuingshiq ralx khvt lvy juing kuex khiz vtueq, tsuingshiq thuinz kv-phelc ruiux Ejip nuex yek waungc kuex ngaz rueq roc mauk,” ngoz tueq tvmaung tueq.

DUNGWVNC 15:25

Moshe rueq Yehowa kox wawc daungdaungx vjux thoz koq tueq, Yehowa rueq piq muex pulx htaq vshiz tvkhic kuq tueq, piq rueq pulx htaq kvruex yuix nuex tuip koq tueq, yuix khuip kuex yuix ruimx muex yaungx kaz tueq. Yehowa rueq kvruex hong kvmaq, tsuingshiq rueq phvnc tvkoc tvrac htenc kuex kuq tueq, vpiq rueq tsuingshiq kuex taruiyx lawc tueq.

ISAIA 26:16

Yehowa lex, mnoz rueq mmiqsaz htenc muex murx tvgurc vshuiux, tsuingshiq kuex pinhtumc kuilc daz vtueq mnoz kox wawc vjux thoz wuez tueq.

ISAIA 7:2

Siria nolaungx bix kuex Israel ghaq vraungx nuex shex httax yaq thaungc Yuda hokhvmx waz kox nuex httuiuc koq tueq, piq nuiyc piq miqsaz htenc kuex pinhtumc hiyaz kawc yawc wuez tueq, tsuinghez kuex raungguil rueq tvmoay yaq pulx jungx ikhoc kvkhuirc wuez tueq.

JEREMIA 22:23

Lebanon wawc vwvnc ruippulx htenc hvlwvl nuex mnoz kvguing httax lvp tuiux; yuq muinz wuic khic thuiuz rvhumc yaq nyuiuz ikhoc thuiuz sac rueq mnoz kuex tvthuiuz sac shuex nuex mnoz kuex mtanc khvnc menjenc sac juing wuez!

TRI CHONGKE 9:7

“Kumtsvy tvnx nuex httax wvnc tuit ikaq Yehowa nuimshiq Tishox muex tvkhaq tuit kuex mkaq muinz rvwvl tvmaung hvt rvshuinz. Nuimshiq kuex Ejip mungx maq kaz wvnc tuit raungnuiyq maq phaungc vtueq, vruex hong nuex httuiuc kaz tuit raungnuiyq nuex httuiuc laz vpiq muex khawx lvlx wvnc tuit.

JOSHUA 24:6

Ngaz rueq nuimshiq jix vwaz htenc kuex Ejip mungx wawc shvlx wvnc tauk nuex, Ejip miqsaz rueq tsuinghez yix nuex renc htenc nuiyc mvre htenc maq yurc tueq. Yuq muinz nuimshiq jix vwaz hez kuex Yuix Shawx Jumx nuex httuiuc kaz tueq nuex,

JOSHUA 24:7

romc kuy tvkoc ngvy kox wawc guyc sez thoz wuez tueq, kvkaq ngaz rueq tsuingshiq nuiyc Ejip miqsaz hvlwvl nuex raungx tv-nyauk gay tauk. Ngaz rueq Ejip miqsaz htauk nuex svmuktvrax yuix daungx tvkaz vtueq tvluimz gay tauk. Ejip miqsaz kuex yvmx khoc lac rvgay tauk nguinx nuimshiq rueq tuiuz yaq. “‘Nuimshiq kuex kumtsvy tvnx nuex loayc hvlc httax wvnc tuit.

1 John 4:18

Lungwawc thuinz nuex vhiz sungx thuinz httax muq, hunghtaungx mvrc yaq lungwawc thuinz rueq vhiz sungx thuinz kuex tvdux yurc gay yaq. Kvkhoc ngoz ruiux kuex vhiz sungx thuinz httax yaq waz kuex lungwawc thuinz hunghtaungx mvrc lvmz vguez, yvmx khoc lac ngoz ruiux lec vhiz sungx thuinz kuex murx tvgurc rvhumc juing nuex seng yaq.