DUNGWVNC 14:11 - Hawa Naga Bible 2001

¹¹ Tsuingshiq rueq Moshe muex ngoc, “Ejip mungx nuex luip ruiuz khux vguez rvtueq haz? Mnoz rueq nuiyhez kumtsvy tvnx vyuq tvthueyc gay muex haz shvlx laq phux? Lawc shuiuz mnoz rueq nuiyshiq kuex Ejip mungx wawc tvdung shvlx wvnc vtueq yvmx lac ruez vphux!

ASII LAKDAP Bible (BSI)

¹¹ Kiimaq tsangshiq raq Mosheq ma nguto, “Riita Ejip mung na maiq maa lap chang hiq ahü sha? Ümniiraq naishiq ka ara kumtsaiphii rumnyangkhi arjaq mitsailaq ngutiisha sheaho laü? Liilaq, ümniiraq naishiq ka Ejip mungwa tsuqho laüta jamlai wa riilaü kra!

DUNGWVNC 14:11 Referencias Cruzadas

RAPHA HIQWA LAK 43:6

Yaku rueq, “Nuimhez rueq nuimnox washiz httax yaq lvmz kuex yvmx khoc lac jungx kuq tuinx, ngvy thuinz vtanc khvnc tvkuilc daz juing kuex yvmx khoc lac rvkuq laq phuinx?” ngoz tueq ngoz kuq tueq.

DUNGWVNC 13:17

Ejip hokhvmx waz rueq miq htenc kuex tvkaz koq tueq, Tishox rueq tsuingshiq kuex Philistin nuex kay juing lvmx vnyek maq shvlx laq muq. Tishox rueq, “Tsuingshiq ralx khvt lvy juing kuex khiz vtueq, tsuingshiq thuinz kv-phelc ruiux Ejip nuex yek waungc kuex ngaz rueq roc mauk,” ngoz tueq tvmaung tueq.

DUNGWVNC 32:1

Miq htenc rueq kanx kvyuq Moshe kuex loayc hvlc httax kaz vtueq svt kaz muq shex kuex khiz vtueq, tsuinghez kuex Arun kox nuex komc tuimz rvtuimx kaz vtueq, “Nuiyshiq kuex Ejip mungx wawc tvdungc shvlc lvy jix waz Moshe kuex yvmx khoc wuez yaungx vtvnx nuiyshiq rueq tuiuz miq; kvkhoc rvtueq nuiyshiq muex lvmx shvlc kuy jix tishox vshiz kuex tvhungx guirx kuq koq,” ngoz tueq thoz wuez tueq.

DUNGWVNC 5:21

Tsuinghez rueq Moshe nuiyc Arun muex ngoc, “Nuimhez rueq yvmx wuez ruez vshuinx Yehowa rueq khiz yaq, hokhvmx waz nuiyc piq miq vyungx vlaungx bix htenc rueq nuiyhez kuex shuiuc pac tvkoc, nuimnueyc rueq ruez vshuinx ningkhvnc nuex Yehowa rueq jix nuimnueyc muex murx mtvgurc kv-phuinx. Nuiyhez kuex tvthvy gay tvkoc nuimnueyc rueq tsuinghez muex yaung kuex noalc kuq gay tuit shex,” ngoz tueq jungx tueq.

DUNGWVNC 5:22

Kvruex yimaq Moshe rueq Yehowa muex jungx yek tueq, “Yehowa lex, yvmx rvtueq lac mmiqsaz muex kuilc daz tvrvhumc vshuiux? Ngaz kuex vyuq yvmx ngoz tueq lac tvkaz phux?

WEAWEA 11:1

Miq htenc rueq miqmac rvhumc wvnc yaq vkuilc vdaz htenc kvruex ningkhvnc nuex Yehowa muex kvbot nyvnx wuez tueq. Yehowa rueq tay vtueq, vthuinz khvy thuiuz muex tsuingshiq htauk nuex wvr tvdvy tueq. Tsuingshiq phungc nuex khamc gay vtueq jerak tvsuip wawc baungshiz kuex tvbac gay tueq.

WEAWEA 11:15

Ngaz rueq yauk shuimc vruex gurc pic juing ngoz ruiux kuex mnoz rueq ngaz muex menjenc vtueq, majuiuc dvyx tvthueyc gay ruiux kuilc daz htemc rvmc vruex wawc tvdung wvnc koq,” ngoz tueq thoz tueq.

WEAWEA 14:22

vruex hez vmaq lvy vtueq ukhaq muinz kvruex mungx kvyuq nyuip mvy muq, tsuingshiq kuex phelez yaq ngvy ngauz vngax kvruex muinz, Ejip mungx maq nuiyc yaruix tvnx maq ngaz rueq shuimx wvnc tauk vwangc juing phvnx htenc kuex khiz ruiux muinz, tsuingshiq rueq ngaz muex lauk wvruip ruip wvlc guez waqguez tvyaungc vtueq, ngvy kvjaz muinz tay wuez muq.

WEAWEA 16:41

Nvp yix raungnuiyq mungx miqsaz wvtaungx rueq Moshe nuiyc Arun muex ngoc, “Nuimnueyc rueq Yehowa miqsaz wvyvmc kuex thvt gay tuit,” ngoz tueq mvrax tvgurc wuez tueq.