DUNGWVNC 12:16 - ASII LAKDAP Bible (BSI) Apha wan ranaiq na kiimaq ramiishi ngo ranaiq na hali namshiq ka shomnoqkai noqku na kai ratlo. Kra ranaiq thun bala namshiq raq minshiiqkai raamak. Shatmaq namshiq raq phaqsea kloliika amai. Hawa Naga Bible 2001 Vphaungc raungnuiyq kvkaq nuiyc raungx mvshix raungnuiyq kvkaq nuimshiq rvtuimx vtueq nawk palx wuez shuinz. Kvruex raungnuiyq phuiuz svy tvkoc tvhungx htaungx shuinx maq lvy vtueq vganc kuex shuimc kay mvy muq. |
Kiimaq apaiq raq tsangshiq ma nguto, “Tatiwe raq aming kuqto, anap ranaiq ka apii ranaiq, niitiitsak ahai chang. Arka apaiq ma akiinong kuq wan ranaiq. Namshiq winsii ako chang sitlaq ka ko ronglaq, kiimaq namshiq raq kham maq alum chang ka lum ronglaq. Jamlai wa chantlaq kriika anap ranaiq miitu pong na rai lanta thübaiq ronglaq.”
Tsan na tiitsang ronglaq, Ngi, Tatiwe raq namshiq ma ranaiq shi ka niitiitsak ahai miitu kuqkang. Kra ningkhan tiina Ngi raq ratrok ranaiq angu na namshiq ma aphaq sea chang dung ka ranaiq nai miitu hongli chang jang wraptek kuq tiikang. Krai mren ramiishi angu niika maiq loweatek maiqmii ümbano sitlan kriijaq li siraatlo. Apaiq ka jam wa kinphai na dongkai maimak.”
Ratrok ranaiq angu niika tsangshiq raq rahin jaq na riichom wantlaq kra nam ma thep liip raüta riichom wanlili riichang. Raüta phaqsea ka tiije wan lili riichang.”
Shatmaq ramiishi ranaiq ka Ngi ma akiinongkuq niitiitsak ranaiq. Kra ranaiq ka jurmin minshiiqkai maimak. Ümniiraq lo, ümsetiim raq lo, üm disetiim raq lo, üm nyamsekong raq lo, riimakla pong mungti thun üm mung na siti raq lo jiimin minshiiqkai maimak.
“Pi Maq Shohü Winsii Phaq Poi kra lang ronglaq. Ngi raq jamkho aming kuq kang, kra phan phan Abib jipi lü na ramiishi na saüli Pi Maq Shohü Winsii kra phaq ronglaq. Jamkhano ngukla kra jipi lü na namshiq ka Ejip mung wa laüwan lan.
Ümniiraq ümchuwa honglu kuq wan tlaü kriika jamlai athü arii min ahü she. Ümniiraq homseng honglu kuqtlaü tsangngii kra shulata Ngi ka ishuli she sikito. Ümniiraq Jipi Jinye Poi thun, kiimaq Apii Ranaiq Poi thun, kiimaq noqku na shomnoq wan thungtlan thun kra chhilata ümchaü sanha ninlot mangshe. Arthun klowan tlaü arka ümngarai phong krai triishot laüta kuq wan tlaü.
Kra ranaiq namshiq phong wa jurmin maiqmii joli jaqsham ka shamkai maimak. Shatmaq adam na riitam lanta noqku na shomnoq ronglaq. Namsaü namsetiim raq pattup miitu tsangshiq ka ümriiba na shong nga raü min ara poi ka klo wanruq ratlo.
Ara poi phaho ranaiq na namshiq ka tarü adam na riitam lanta noqku maq shomnoq ronglaq. Kiimaq namshiq ranaiqtek joli jaqsham tlan ka ashi min shamkai maimak.
Poi phaho ranaiq na namshiq ka noqku miitu adam riitam chang. Kiimaq laihin jaq naq sham rongkiq.
Tsamwi Poi apha wan ranaiq na, ümtiikiiwa ümniiraq tsamnye bunwong wong honglu ka Tatiwe ma kuqtlaü akhing na, namshiq ka noqku lom tarü riitam chang. Kiimaq laihin jaqsham kai maimak.
Jipi lümiishi angu na kra jipi wa apha wan ranaiq na namshiq ka noqku lom riitam ronglaq. Kiimaq laihin jaqsham maimak. Kra ranaiq lerong thun ka tsü chang.
Jipi lümiishi wa raroqshi ri rabiingi angu ranaiq na noqku lom riitam ronglaq. Tatiwe shreng ara poi ka ramiishi na saüli klo ronglaq kiimaq jaq naq sham rongkiq.
Kiitiikaq Jehudinok welabi raq Pilat jaq wa pumsongkham na atübaiq wetiim hok kriika, atiingoq bukkai chang, raüta amaa ka pumsongkham wa atiisat diibaiq chang nguta aming jaüto. Tsangshiq raq kra aming jaü wataq kriika, kra ranaiq ka liipan Rabiingi ranaiq riito. Kiimaq, tsangshiq raq Asii Niitiitsak ranaiq na, maiq maa ka pumsongkham na tiipaq shat ka thüro mak phan. Akhek ka kra watlaq Asii Niitiitsak ranaiq kriika, akhek atiitsang asii ranaiq riito. Kriikha maq, kra aming ka jaüto.
Kra jai miimin ratrok na saüli ka, ümniiraq winsii ka pi maq shohü maq lum laüta phaqlaq. Kiimaq ramiishi ranaiq niika namshiq ka adam na riitam lanta Tatiwe üm Shiikeawe ka shomnoq laq. Kiimaq kra ranaiq ümniiraq minshiiq kai maimak.