DUNGWVNC 16:23 - ASII LAKDAP Bible (BSI)

²³ Kiimaq apaiq raq tsangshiq ma nguto, “Tatiwe raq aming kuqto, anap ranaiq ka apii ranaiq, niitiitsak ahai chang. Arka apaiq ma akiinong kuq wan ranaiq. Namshiq winsii ako chang sitlaq ka ko ronglaq, kiimaq namshiq raq kham maq alum chang ka lum ronglaq. Jamlai wa chantlaq kriika anap ranaiq miitu pong na rai lanta thübaiq ronglaq.”

Hawa Naga Bible 2001

²³ piq rueq, “Yehowa rueq ngoc invp raungnuiyq kuex vsawc nyec tvkuiyq raungnuiyq, vpiq muex lekuy rax ngoz tueq. Majuiuc raungnuiyq wanx shoay juing httax ruiux muinz shuz shuinz, vshungc vlumc juing httax ruiux muinz shunglumc shuinz. Phuiuz svy lot yix kvjungx yaq kuex invp raungnuiyq tvkoc taq shuinz, kvkhoc ruec tvkoc Yehowa rueq nvr yaq,” ngoz tueq.

DUNGWVNC 16:23 Referencias Cruzadas

NEHEMIA 9:13

Ramungtan maq Sinai pum na satki laü. Laüta ümsengi ma Thungtri ahea, kiimaq sung atsii ahea chongphan kuq laü.

NEHEMIA 9:14

Asii Niitiitsak Ranaiq ranaiq ka asii maq, lang ronglaq nguta, tsangshiq ma, ümniiraq shrinkuq wan laü. Kiimaq ümluqkhapse Mosheq lümaq, tsangshiq ma ümtri raü, khakuq wan laü.

DUNGWVNC 16:19

Mosheq raq tsangshiq ma nguto, “Jurmin arwa phanshi ra ka anap miitu nguta thü maimak.”

DUNGWVNC 23:12

“Liipan shi wa ratrok na saüli min ka shiiqlaq. Shatmaq ramiishi ranaiq niika minshiiqkai maimak. Kra rii haütiq ümdise kong kiimaq pong mungti ümjaqshamti kra nai ümnyamse kong raq niitiitsak ahai miraq.

DUNGWVNC 31:15

Namshiq raq minshiiq miitu liipanshi wa ratrok asi. Shatmaq ramiishi ranaiq kriika Ngi rii, Ngi miitu apii ranaiq nguta akiinongke wan kun she. Jurwa kra ranaiq na minshiiqtlaq kriiti ka atsea baiq raa dongdii.

JEREMIA 17:22

Riimakla, tsangshiq maiqmii jam wa Asii Niitiitsak Ranaiq na chiiphai na hupsam hoho maimak. Kiimaq tsangshiq raq Asii Niitiitsak Ranaiq na jaqsham kai maimak. Ngi raq tsangtitiim ma aming kuqkang kra phan phan ara ranaiq ka asii ranaiq nguta lang ratlo.

LEWI 23:3

Namshiq raq minshiiq miitu ka ratrok asi. Shatmaq ramiishi ranaiq ka tsan na tiitsang ronglaq. Kriika Asii Niitiitsak Ranaiq. Kra ranaiq ka niitiitsak ranaiq. Kra ranaiq jaq naqsham rongkiq. Shatmaq noqku na riitam lanta shomnoq ronglaq. Asii Niitiitsak Ranaiq ka Tatiwe rii. Namshiq ka ümriiba na sihan jiimin, arka Tatiwe rii.

WEAWEA 11:7

(Manna ka asham lü ma petsi alai aransetiim ikha. Rong ka alü kiimaq mintiitii.

WEAWEA 11:8

Kriika rawa na bang roktlaq krai tsangshiqnok piitiip mong na roktlo. Anap ranap niishe nokmaiqse ka ki raüta tsangshiq piitiip tro kiiwa manna ka riichom kitlo. Raüta tham na tiibun thaütlo. Riimakla wong win ikha tham na thaütlo. Raüta kham maq lumtlo. Raüta kek ikha phintsiip tsiip wa na diim phaqtlo. Kra sum ka winsii olip tai maq ako ikha asumwiq phaqtlo.)

Luke 23:56

Raütiishe, tsangshiq ka jam niishe jang wanto. Kiimaq maiq ma na nyat kai miitu, süse tapan nai homseng win ka tiije rit thüto. Thungri na chongtlaq kra phanphan, Asii Niitiitsak ranaiq ka apii haito.

TRI CHONGKE 5:12

“‘Asii Niitiitsak Ranaiq ka langlaq. Kiimaq asii thülaq. Ngi Tatiwe üm Shiikeawe raq aming kuqkang kra phan phan thülaq.

Revelation 1:10

TATIWE ranaiq na, Wenyi raq ngi ka kunli rom wanto. Kiimaq ngi raq i jai nü na lerong tsüwa trang ikha, nirang chat-hit-hit maiq bom kra taikang.