ISAIA 1:13 - ASII LAKDAP Bible (BSI)

¹³ Ümniiraq ümchuwa honglu kuq wan tlaü kriika jamlai athü arii min ahü she. Ümniiraq homseng honglu kuqtlaü tsangngii kra shulata Ngi ka ishuli she sikito. Ümniiraq Jipi Jinye Poi thun, kiimaq Apii Ranaiq Poi thun, kiimaq noqku na shomnoq wan thungtlan thun kra chhilata ümchaü sanha ninlot mangshe. Arthun klowan tlaü arka ümngarai phong krai triishot laüta kuq wan tlaü.

Hawa Naga Bible 2001

¹³ Nuimshiq rueq shomc kuy juing htenc laq ruiux muinz, kvruex kuex khuec guez dvyx. Nuimshiq rueq wvr maq jauk vshuinx vhomc vtumc thuingc kuex ngaz rueq shuiuc vshaungx. Nuimshiq rueq Yac Nyalx phuiuz vsvy moalx, Vguilc Raungnuiyq htenc nuiyc nawk palx htungx moalx kuex ngaz rueq nanx lawc lot mauk; kvhtenc kvruex lotlaz kuex nuimshiq rueq shuimx wvnc tuit mvrax htenc ningkhvnc nuex bac wvnc tueq.

ISAIA 1:13 Referencias Cruzadas

2 HOKHVMX 4:23

“Riita ümniika ümchaü ranaiq lala jam nguta kai wa?” nguta awese raq waito. “Ümchaü ranaiq ka Niitiitsak ranaiq min riimak, kiimaq Jinyedong Poi min riimak kata.” “Jam raamak,” nguta apaiq raq treto.

1 KAÜWA WERAÜ 23:31

Kiimaq Asii Niitiitsak ranaiq na ümtiikiiwa honglu wa na chaq chang kuq wan tlaq kra, kiimaq Jinye Dong Poi na, kiimaq laihin poi awii klo wan tlaq akhing na jaqsham thun kra tsangshiq arang riito. Kiimaq arthun jaqsham wan akhingtek na Lewinok ka maiq ümchuwe raq sham chang wa kra miitu tri ka hairaüta thüto. Kiimaq Lewinok raq Tatiwe shomnoq wan jaqsham ka pattup sham wan chang nguta arang kuqto.

Tvtsvmc 78:40

Tsangshiq raq kumtsaiphii binjü maq jang pahea apaiq kiq khii sru wanto; tsangshiq raq apaiq tsan jang pahea tiibi wanto!

DUNGWVNC 12:16

Apha wan ranaiq na kiimaq ramiishi ngo ranaiq na hali namshiq ka shomnoqkai noqku na kai ratlo. Kra ranaiq thun bala namshiq raq minshiiqkai raamak. Shatmaq namshiq raq phaqsea kloliika amai.

TAKSU LAK 21:27

Ashutwe raq akuq honglu ka, Tatiwe raq tao mak. Akhek ka tsan na ajiq tiima raüta, honglu akuq kra saisitlo.

TAKSU LAK 7:14

“Ngi raq honglu min kuq kang she; kiimaq honglu ngamrea min lam wan kang she.

ISAIA 66:23

Jipi Jinye Dong Poitek na kiimaq Niitiitsak ranaiqtek na, mungmaiqse ka mungtek wa Ngi shomnoq wa arjaq Jerusalem na miwa,” nguta Tatiwe raq ngutlo.

ISAIA 66:3

“Maiqse riika maiqmii raq aroro kli klotlo. Tsangshiq ma honglu na minsaü pongwe take nai maiqse take wan ka mrenli. Tsangshiq miika skuranse honglu na take nai hikaü dangkong tiingo buk kriika adam siili. Tsangshiq miika wong-hong luke wan nai waq tiijai hongluke wan kriimin adamli. Kiimaq tsangshiq miika homseng hongluke wan nai sumla phra shomnoq ka mrensiili. Tsangshiq ka maiqphai asi klo raüta shomnoq wantlaq kriima pinthum peotlo.

AJONJÜ 2:6

Apaiq shomnoq chang Jam, bunlak buncha tiibun baiqto. Apaiq raq asii liipan ranaiq thun, nai Asii Niitiitsak Ranaiq lang akhing, wiita tangta baiqto. Atsankhiq moho sintsang ka, Hokhamwe nai ramwebi ma, pilichhaq tiihoto.

EJEKIEL 20:39

Tati Rakaü Hiqwe raq nguto, “Riita, ümchaü namshiq wiitarü Israilnok lei, maiqmii kli polosiq rong liina! Namshiq sumla phra thun kra noqsiq rong liina! Ahea kata! Shatmaq Ngi raq namshiq ma phaq thaq nithak lata sontiikang. Arjai miishe ka namshiq raq ibom tai chang she miraq. Lanta namshiq sumla phra thun ma kongphiq kuq lanta, imang asii ka tiibi tlan kra atsaq chang she miraq.

Hosea 2:11

Ngi raq apaiq raq poi thun klotlaq kra, rawiitek nai jipitek poi klotlaq thun kra, kiimaq apaiq raq Asii Niitiitsak Ranaiq poi klotlaq kra, kiimaq apaiq raq Shiikeawe shomnoq akhing poi klotlaq thun kra, wiitashe mitiithen baiqha.

Yoel 1:14

Amang maq achujaü wan miitu aming kuq ronglaq. Lanta mungmaiqse ka adam na thung ronglaq! Juda mungti welabi thun wiita adam na riitam ronglaq. Namshiq Tatiwe Shiikeawe Shomjam na, riitam wan ronglaq. Lanta Tati jaq wa aholülü maq tiitai jaü ronglaq.

Yoel 2:15

Jajon hiqlam maq lerong tsürong laq. Lanta mungmaiqse ka adam mirtam laq, dungsea tlea achu jaü aming kuq ronglaq!

LEWI 26:31

Ngi raq nam chela thun ka hiqmiq changkhü miishe mitiija baiqha. Namshiq raq sumla noq tlan hiqba thun kra wiita mitiithen baiqha. Kiimaq namshiq raq Ngi ma honglu takuq tlan thun kriika tao mang she mirha.

MALAKI 1:10

Tati Ningkun Ajong Pinthumwe raq ngutlo, “Namshiq phong wa weshi ra raq Shomjam kilü thun ka shabaiq raüjaq ahea riichang wa nguta tiima tiikang. Kra nguraü ka namshiq raq athii ahü honglu thun ka iberongwacha na chaqki man mirhan wa. Ngi ka namshiq ma itsan heamak. Namshiq raq honglu kuq tlan ka tao mang.

WEAWEA 10:2

“Mung maiqse ka adam na triitam hea ma nai piitiip ka run wan akhing na tsü ma, kampho ngam maq lerong anai tiiqlaq.

Matthew 15:9

Tsangshiq raq ngi shomnoq wan tlaq kriika atuli. Tsangshiq raq maiqse thungtri kra shrinkuq raüta nangnga, ngi raq akuq thungtri shrinkuq tiikai nguta tiima tlo!’ ”

Luke 11:42

“Namshiq Phorisinok ma pinthum phiiptsi chang asi! Namshiq raq Shiikeawe ma aroq khu wa honglu ka jurai liirai süse tapan jaq thun kra, kiimaq weashaü tiihom phaq chang sang asong jaq thun kra kuq tlan. Shatmaq, tri raü sham kriika shiiting rai man riitlan. Kiimaq Shiikeawe ma lungwii tsantsii ka thü wan man, shishe tlan. Arthun ahata, akhek jaqsham ka. Ara tiitsuq miishetiq abi jaqsham chongtiikai thun kra sham han chang wa.

1 Corinthians 11:17

Riita arjaq ümchaü chongkuq tiikang bomtsi khu thaq niika, ngi raq namshiq ma ashomra sea chang ka ahü. Ara jamkhano ngukla, namshiq raq Shiikeawe shomnoq riitam nga tlan akhing na, namshiq kamasham rilung na atiihea wanko ka riimak maq, atiibi wanko khoti riitlan.

Ephesians 4:30

Maiq ma bom abi bom lanta, Asii Wenyi tsan naq tiibi rongkiq. Asii Wenyi namkhum na sitlaq kriika, namkhum ka Shiikeawe riishe nguta, Shiikeawe raq jaqkhaq raü atiipakuq. Arka Ranaiqshi Akhing na, Shiikeawe raq namshiq ka mitiichhii kuq dea nguta, Shiikeawe raq miithii ashong kuq wan.

Philippians 1:15

Kiitiina, maiq wiijamti phunobi riika, i jaqsham jong tlaq kra, lüm haijaq nguta, tsangshiq khunniitsi ma, Jesuq Tsütsa kra chongkuq tlo. Kiimaq tsangshiq ka, ngi rai riikhii wan tlo. Kiimaq, maiq wiijamti raq riiwe kla, tsantsii ahea rüm raü tiidea, ngi ma khrum kewan lam maq nguta, Tsütsa Ahea kra chongkuq tlo.