ISAIA 1:14 - ASII LAKDAP Bible (BSI)

¹⁴ Ümniiraq Ngi ma Jipi Jinye dong poi klo wan tlaü thun nai apii ranaiq haitlan thun kriika Ngi raq pinthum shulii tiikang. Arthun arka Ngi ma hekiilai jonghea, howan lot mang she.

Hawa Naga Bible 2001

¹⁴ Ngaz rueq nuimshiq wawc nyalx moalx htenc nuiyc vsawc raungnuiyq htenc kuex ngaz rueq shuiuc vshaungx; kvruex kuex tvgvrc tsvrc lvmz kuex ngaz rueq nanx vtueq hunnyex vtaungx.

ISAIA 1:14 Referencias Cruzadas

1 KAÜWA WERAÜ 23:31

Kiimaq Asii Niitiitsak ranaiq na ümtiikiiwa honglu wa na chaq chang kuq wan tlaq kra, kiimaq Jinye Dong Poi na, kiimaq laihin poi awii klo wan tlaq akhing na jaqsham thun kra tsangshiq arang riito. Kiimaq arthun jaqsham wan akhingtek na Lewinok ka maiq ümchuwe raq sham chang wa kra miitu tri ka hairaüta thüto. Kiimaq Lewinok raq Tatiwe shomnoq wan jaqsham ka pattup sham wan chang nguta arang kuqto.

ISAIA 29:1

Shiikeawe berong-wacha, Jerusalem ka miqto she! Dawit raq piitiip tei wan chang chela ka miqto she! Rawii wiishi lo wiinai lo ka misaü wan laq. Rawii liipan na phaq asea poi ümchu klo chang wa kra klo raüta milea wanlaq.

ISAIA 29:2

Kra raütiitiq Shiikeawe raq “Shiikeawe berong-wacha” ngutlaq kriishe laimiq mitiithen baiq. Kiijaq maiq ka agi asii aho anyi watrangli she miraq. Kiimaq chela tlotli ka berong-wacha ikha maiq tiijai phongli she miraq.

ISAIA 43:24

Ümniiraq Ngi miitu homseng honglu rimaü dea, riimakla ümngampü maq itsan tiihea maü dea. Shatmaq kra rii na ümniiraq Ngi ka ümngarai homa ma tiipat wan laü; ümniiraq Ngi ka ümshut ümphit homa maq tiipat wan laü.

ISAIA 61:8

Tatiwe raq ngutlo, “Ngi raq tingting kappe sham kra lungwiitiikang. Kiimaq Ngi raq ji maq nishishi haihü Kiimaq mat atsa kloti ka liiro mang. Ngi raq isenginok ka tsapkapkap maq poksi mikuqha Lata tsangshiq rai pattup pat-sa miitu tong mishongha.

ISAIA 66:23

Jipi Jinye Dong Poitek na kiimaq Niitiitsak ranaiqtek na, mungmaiqse ka mungtek wa Ngi shomnoq wa arjaq Jerusalem na miwa,” nguta Tatiwe raq ngutlo.

ISAIA 7:13

Kiijiishe Isaia raq treto, “Tailaq, ümchaü, Dawit Hokhamwe saüse phan lei. Ümniiraq maiq ma tsütsa tiisitlaü shatmaq maiqse raq laa maq anin riiwantlaq, riita ikhla Shiikeawe raq ninrattlaq kra thittlaiphok shea miniqsiqhaü?

Hosea 2:11

Ngi raq apaiq raq poi thun klotlaq kra, rawiitek nai jipitek poi klotlaq thun kra, kiimaq apaiq raq Asii Niitiitsak Ranaiq poi klotlaq kra, kiimaq apaiq raq Shiikeawe shomnoq akhing poi klotlaq thun kra, wiitashe mitiithen baiqha.

Hosea 5:7

Tsangshiq raq Tatiwe kai shishe wanto. Tsangsetiim ka siqphinsekong howanto, tsangsetiim ka Tatiwe rü riimak she. Arkha na tsangshiq nai tsangmung ka Tatiwe raq ashthen she mirbaiq.

AMO LUIK DVP (AMOS) 2:13

“Liirong laq, arningkhan ümchaü san, ngi raq namshiq ka, hiq na tiibumhap she mibuk ha. Kiimaq namshiq ka, minsaü leng na tuptup ama tsamthong lai raq, apat ikha, agam agu she mitiipat ha.

AMO LUIK DVP (AMOS) 5:21

Tatiwe raq ngutlo, “Namshiq raq ngi shomnoq wan poi klo tlan, kra ngi raq ninlot mang!

JEKERIA 11:8

Shatmaq ngi ka sku rümti maiq wetsam kriirai, kiq ram wan lot mang she riikang. Tsangtsam raq ngi ka kai ngeng seng wanto. Kriikha niishe, jipi lüshi liipan niili, ngi raq tsangtsam ka ajo riibaiq kang.

MALAKI 2:17

Namshiq bomtsi kriimiili Tatiwe ni tiibiili bom tlan. Shatmaq namshiq raq, “Naishiq raq apaiq ni ka jamkho tiibiibaiq kai?” nguta ngutlan. Namshiq raq, “Tati Ningkun Ajong Pinthumwe miika ümchuwa ashut kloti wiita ka ahea siisaq. Riikhaqli miika, Tatiwe apaiq miika apeowiqli,” nguta ngutlan. Riimak la namshiq raq, “Riita, tingting Shiikeawe ka ümbano?” nguta bom lanta Tatiwe ni tiibii tlan.