Adlezenn 33:3 - Bibl Koad 21: Ar Bibl e Brezhoneg evit ar Vretoned Ya, karout a ra ar pobloù, e holl sent a zo ez torn. En em zalc'het int ouzh da dreid, resevet o deus da gomzoù. |
Dastumit en-dro din va re leal, c'hwi hag hoc'h eus graet un emglev ganin dre un aberzh.
A-dra-sur em eus lakaet va c'halon da gement-se, evit sklêrijennañ kement-se ha penaos ar re reizh hag ar re fur, hag o oberoù, a zo e dorn Doue, hag ar garantez hag ar gasoni, met an dud n'anavezont netra eus kement a zo dirazo.
Kae ha youc'h ouzh divskouarn Jeruzalem, o lavarout: Evel-henn e komz an AOTROU: Soñj am eus ac'hanout, eus hegarated da yaouankiz, eus karantez da zimeziñ, pa zeues war va lerc'h er gouelec'h, en un douar na veze ket hadet.
A-bell en deus an AOTROU en em ziskouezet din, o lavarout: Da garet em eus a garantez peurbadus, setu perak em eus hiraet va madelezh ez keñver.
Hag e tiazezin ganto un emglev peurbadus, ne zistroin ket diouto, ober a rin vad dezho, va doujañs a lakain en o c'halon, evit na zistroint ket diouzhin.
Ho karet em eus, eme an AOTROU, hag e lavarit: E petra ec'h eus hor c'haret? Ezaü, ha ne oa ket breur Jakob? Koulskoude em eus karet Jakob,
Houmañ he doa ur c’hoar anvet Mari, en em zalc’has azezet ouzh treid Jezuz hag a selaouas e gomzoù.
A-benn tri devezh e kavjont anezhañ en templ, azezet e-touez an doktored, o selaou anezho hag oc’h ober goulennoù outo.
Neuze an dud a zeuas evit gwelout ar pezh a oa c’hoarvezet. O vezañ deuet da gavout Jezuz, e kavjont an den ma oa aet kuit an diaouled anezhañ, azezet ouzh treid Jezuz, gwisket hag en e skiant vat, hag e voent leuniet a spont.
Me a zo Yuzev, ganet e Tars e Kilisia, met savet on bet er gêr-mañ ouzh treid Gamaliel ha desket gant rusted e lezenn hon tadoù, o vezañ gredus evit Doue evel m’emaoc’h-c’hwi holl hiziv.
Rak ur bobl santel ez out evit an AOTROU da Zoue. An AOTROU da Zoue en deus da zibabet evit ma vi dezhañ ur bobl ispisial, a-douez an holl bobloù a zo war-c'horre an douar.
Dre m'en deus karet da dadoù, en deus dibabet o lignez war o lerc'h hag en deus lakaet ac'hanout da vont kuit eus an Ejipt dirazañ e-unan dre e c'halloud bras,
Setu ar gourc'hemennoù, ar reolennoù hag ar barnedigezhioù en deus gourc'hemennet an AOTROU ho Toue deskiñ deoc'h, evit ma reot diouto er vro ma'z eot e-barzh d'he ferc'hennañ,
Bet oc’h hon heñvelerien ha re hon Aotrou, o vezañ resevet ar ger e-touez kalz a c’hlac’haroù, gant levenez ar Spered-Santel,
c’hwi hag a zo miret gant galloud Doue, dre ar feiz, evit ar silvidigezh prest da vezañ diskuliet en amzerioù diwezhañ.
Diwall a ra treid e re garet-mat, met ar re fall a zo dilavar en deñvalijenn, rak an den ne greñvaio ket gant e nerzh e-unan.