Adlezenn 4:37 - Bibl Koad 21: Ar Bibl e Brezhoneg evit ar Vretoned

³⁷ Dre m'en deus karet da dadoù, en deus dibabet o lignez war o lerc'h hag en deus lakaet ac'hanout da vont kuit eus an Ejipt dirazañ e-unan dre e c'halloud bras,

Adlezenn 4:37 Referencias Cruzadas

2 Danevelloù 16:9

Rak daoulagad an AOTROU a astenn o sell war an holl zouar, evit kreñvaat a re a zo o c'halon a-grenn dezhañ. Graet ec'h eus evel un den diskiant diwar-benn kement-se, hag ez po brezelioù en amzer da zont.

Salmoù 32:8

Me az lakaio skiantek, me a gelenno dit an hent ma tleez kerzhout warnañ, da ren a rin, va lagad a vo warnout.

Salmoù 34:15

Distro diouzh an droug ha gra ar mad, klask ar peoc'h hag heuilh anezhañ.

Salmoù 44:3

Gant da zorn ec'h eus kaset kuit pobloù evit o diazezañ, bruzunet ec'h eus pobloù evit reiñ lec'h dezho.

Ermaeziadeg 12:41

Hag a-benn pevar c'hant ha tregont vloaz, deiz evit deiz, c'hoarvezout a reas penaos holl armeoù an AOTROU a yeas kuit eus bro Ejipt.

Ermaeziadeg 12:51

C'hoarvezout a reas eta an deiz end-eeun, ma tennas an AOTROU mibien Israel eus bro Ejipt hervez o armeoù.

Ermaeziadeg 13:14

Pa c'houlenno ouzhit da vab un deiz: Petra eo kement-se? Lavarout a ri dezhañ: Gant e zorn kreñv an AOTROU en deus hon tennet eus an Ejipt, eus an ti sklavelezh;

Ermaeziadeg 13:3

Moizez a lavaras d'ar bobl: Ho pet soñj eus an deiz-se, ma'z oc'h aet kuit eus an Ejipt, eus an ti sklavelezh, rak an AOTROU en deus ho tennet ac'hane gant un dorn kreñv. Ra ne vo ket debret bara goet.

Ermaeziadeg 13:9

Kement-se a vo dit evel un arouez war da zorn hag evel un eñvor etre da zaoulagad, evit ma vo lezenn an AOTROU ez kenoù, rak an AOTROU en deus da dennet gant un dorn kreñv eus an Ejipt.

Ermaeziadeg 33:14

An AOTROU a lavaras: Va bezañs a yelo ganit hag e roin dit diskuizh.

Izaia 43:4

Peogwir ez out prizius dirak va daoulagad, hag ez out bet enoret, hag e karan ac'hanout, e roin tud evidout, ha pobloù evit da vuhez.

Izaia 63:9

En o holl enkrezioù eo bet enkrezet, ael e zremm en deus o dieubet, eñ e-unan en deus o dasprenet en e garantez hag en e drugarez, o harpet en deus, o douget en deus en deizioù a wechall.

Jeremiaz 31:1

En amzer-se, eme an AOTROU, e vin Doue holl diegezhioù Israel, hag e viot va fobl.

Jeremiaz 31:3

A-bell en deus an AOTROU en em ziskouezet din, o lavarout: Da garet em eus a garantez peurbadus, setu perak em eus hiraet va madelezh ez keñver.

Malaki 1:2

Ho karet em eus, eme an AOTROU, hag e lavarit: E petra ec'h eus hor c'haret? Ezaü, ha ne oa ket breur Jakob? Koulskoude em eus karet Jakob,

Niveroù 20:16

Kriet hon eus d'an AOTROU ha klevet en deus hor mouezh. Kaset en deus un ael ha lakaet en deus ac'hanomp da vont kuit eus an Ejipt. Setu, emaomp e Kadesh, kêr e penn da harzoù.

Romaned 9:5

a zo deuet eus lignez an tadoù, ha diouto eo deuet Krist hervez ar c’hig, an hini a zo Doue dreist an holl draoù, benniget da virviken. Amen.

Adlezenn 10:15

ha nemet ouzh da dadoù eo, en em stagas an AOTROU evit o c'harout. War o lerc'h, a-douez an holl bobloù, dibabet en deus ac'hanoc'h, o lignez, evel m'emañ hiziv.

Adlezenn 23:5

Met an AOTROU da Zoue ne fellas ket dezhañ selaou Balaam, hag an AOTROU da Zoue a droas evidout ar vallozh e bennozh, dre ma kar ac'hanout an AOTROU da Zoue.

Adlezenn 33:12

Ha diwar-benn Benjamin e lavaras: An hini a zo karet-mat gant an AOTROU, a chomo e surentez en e gichen. E c'holoio bemdez, hag en em zalc'ho etre e zivskoaz.

Adlezenn 33:3

Ya, karout a ra ar pobloù, e holl sent a zo ez torn. En em zalc'het int ouzh da dreid, resevet o deus da gomzoù.

Adlezenn 4:34

Hag-eñ ez eus esaeet un doue dont da gemer e-unan ur bobl a-greiz ur bobl all dre amprouennoù, sinoù, mirakloù ha stourmadegoù, dre un dorn kreñv hag ur vrec'h astennet, ha dre spontoù bras, evel kement en deus graet an AOTROU ho Toue en Ejipt dindan ho taoulagad?

Adlezenn 7:6

Rak ur bobl santel ez out evit an AOTROU da Zoue. An AOTROU da Zoue en deus da zibabet evit ma vi dezhañ ur bobl ispisial, a-douez an holl bobloù a zo war-c'horre an douar.

Adlezenn 9:5

N'eo ket en abeg da'z reizhder ha da eeunder da galon emaout o vont da berc'hennañ ar vro, met en abeg da zrougiezh ar pobloù-se eo e kas anezho kuit an AOTROU dirazout, hag evit kadarnaat ar gomz en deus touet an AOTROU da'z tadoù, da Abraham, da Izaak ha da Jakob.