Israel a lavaras da Jozef: Setu, ez an da vervel met Doue a vo ganeoc'h, hag e tistroio ac'hanoc'h da vro ho tadoù.
Adlezenn 31:3 - Bibl Koad 21: Ar Bibl e Brezhoneg evit ar Vretoned An AOTROU da Zoue a dremeno dirazout hag a zistrujo ar pobloù-se a-zirazout, hag e perc'henni anezho. Jozue a dremeno dirazout, evel m'en deus lavaret an AOTROU. |
Israel a lavaras da Jozef: Setu, ez an da vervel met Doue a vo ganeoc'h, hag e tistroio ac'hanoc'h da vro ho tadoù.
Hon tadoù, o vezañ e gemeret, a zegasas anezhañ ganto dindan renerezh Jozue, er vro a oa perc’hennet gant ar broadoù a voe argaset a-ziaraok hon tadoù gant Doue, betek deizioù David.
An AOTROU ho Toue a gerzh dirazoc'h hag a stourmo e-unan evidoc'h, evel m'en deus graet evidoc'h en Ejipt dirak ho taoulagad,
Ro urzhioù da Jozue, kreñva anezhañ, kennerzh anezhañ, rak eñ eo a dremeno dirak ar bobl-mañ, hag a roio da hêrezh dezho ar vro a weli.
An AOTROU a lavaras da Voizez: Setu m'eo tost an deiz ma varvi. Galv Jozue, en em gavit e teltenn an engalv, hag e roin dezhañ va urzhioù. Moizez ha Jozue a yeas d'en em gavout e teltenn an engalv.
Hag e roas urzhioù da Jozue mab Nun o lavarout: En em galoneka ha bez kreñv! Rak te a zereno mibien Israel d'ar vro am eus touet dezho, ha me a vo ganit.
An AOTROU a raio dezho evel m'en deus graet da Sihon ha da Og, rouaned an Amoreaned, ha d'o bro, en deus distrujet.
Jozue mab Nun a oa leuniet gant ar Spered a furnez, rak Moizez en doa lakaet e zaouarn warnañ. Mibien Israel a sentas outañ hag a rejont hervez m'en doa an AOTROU gourc'hemennet da Voizez.
P'en devo da lakaet an AOTROU da Zoue da vont er vro ma'z ez e-barzh d'he ferc'hennañ, ha p'en devo kaset kuit kalz a vroadoù azirazout, an Hitited, ar C'hirgazianed, an Amoreaned, ar Gananeiz, ar Ferezianed, an Hevianed, ar Jebuziz, seizh broad brasoc'h ha kreñvoc'h egedout,
Gouez eta hiziv penaos an AOTROU da Zoue a dremeno dirazout evel un tan loskus, eñ eo o distrujo hag o izelaio dirazout. O c'hasi kuit hag o lakai da vervel buan, evel m'en deus lavaret an AOTROU.
Moizez va servijer a zo marv. Bremañ sav, tremen ar Jordan-mañ, te hag an holl bobl-se, evit mont er vro a roan da vibien Israel.
Evel m'en doa gourc'hemennet an AOTROU da Voizez e servijer, evel m'en doa gourc'hemennet Moizez da Jozue, evel-se e reas Jozue. Ne lamas netra eus ar pezh en doa gourc'hemennet an AOTROU da Voizez.
An AOTROU a lavaras da Jozue: Hiziv e krogin da sevel ac'hanout dirak daoulagad Israel, evit ma ouezint penaos, evel ma'z on bet gant Moizez, e vin ganit.
En deiz-se, an AOTROU a savas Jozue dirak holl Israel, hag e toujjont dezhañ, evel m'o doa doujet da Voizez holl zeizioù e vuhez.