Adlezenn 7:1 - Bibl Koad 21: Ar Bibl e Brezhoneg evit ar Vretoned

¹ P'en devo da lakaet an AOTROU da Zoue da vont er vro ma'z ez e-barzh d'he ferc'hennañ, ha p'en devo kaset kuit kalz a vroadoù azirazout, an Hitited, ar C'hirgazianed, an Amoreaned, ar Gananeiz, ar Ferezianed, an Hevianed, ar Jebuziz, seizh broad brasoc'h ha kreñvoc'h egedout,

Adlezenn 7:1 Referencias Cruzadas

1 Rouaned 16:31

Evel ma vije bet nebeut a dra dezhañ kerzhout e pec'hedoù Jeroboam mab Nebad, e kemeras da wreg Jezabel merc'h Etbaal, roue ar Sidoniz, hag ez eas da servijañ Baal ha da stouiñ dirazañ.

1 Danevelloù 1:14

d'ar Jebuziz, d'an Amoreaned, d'ar C'hirgazianed,

2 Danevelloù 8:7

Hag an holl bobl a vane eus an Hitited, eus an Amoreaned, eus ar Ferezianed, eus an Havianed hag eus ar Jebuziz, ar re ne oant ket eus Israel,

Ezdra 9:1

Pa voe echuet an traoù-se, ar pennoù a dostaas ouzhin en ur lavarout: Pobl Israel, an aberzhourien hag al Levited n'int ket dispartiet diouzh pobloù ar broioù-mañ er pezh a sell ouzh o euzhusterioù, diouzh ar Gananeiz, an Hitited, ar Ferezianed, ar Jebuziz, an Ammoniz, ar Voabiz, an Ejipsianed hag an Amoreaned.

Nehemia 13:23

En deizioù-se e welis Yuzevien o doa kemeret gwragez eus Asdod, Ammon ha Moab.

Salmoù 78:55

Kas a reas pobladoù kuit a-raok dezho hag o roas dezho da hêrezh, hag e lakaas meuriadoù Israel da chom en o zeltennoù.

Ermaeziadeg 15:7

Dre vraster da veurdez e tiskarez da enebourien. Kas a rez da gounnar, ez int pulluc'het evel plouz.

Ermaeziadeg 23:28

Me a gaso gwesped dirazout hag e kasint kuit an Hevianed, ar Gananeiz hag an Hitited a-zirak da zremm.

Ermaeziadeg 23:32

Ne ri ket a emglev ganto na gant o doueoù.

Ermaeziadeg 23:33

Ne chomint ket ez pro gant aon na lakaint ac'hanout da bec'hiñ a-enep din, rak servijañ a rafes o doueoù ha kement-se a vefe ur stign evidout.

Ermaeziadeg 33:2

Me a gaso un ael dirazout, hag e kasin kuit ar Gananeiz, an Amoreaned, an Hitited, ar Ferezianed, an Hevianed hag ar Jebuziz,

Ermaeziadeg 6:8

Me a lakaio ac'hanoc'h da vont er vro am eus savet va dorn diwar he fenn, da reiñ anezhi da Abraham, da Izaak ha da Jakob, hag e roin anezhi deoc'h evel perc'henniezh, me an AOTROU .

Leviegezh 14:34

Pa viot aet e bro Ganaan, a roan deoc’h da berc’hennañ, mar lakaan ur gouli lorgnez war un ti eus ar vro a vo deoc’h,

Niveroù 13:29

An Amalekited a zo o chom e bro ar c'hreisteiz, an Hitited, ar Jebuziz hag an Amoreaned a zo o chom er menez, ar Gananeiz a zo o chom e-kichen ar mor hag a-hed ar Jordan.

Niveroù 14:31

Ho pugale vihan, hoc'h eus lavaret diwar o fenn e vijent ur preizh eno, lakaat a rin anezho da vont e-barzh hag ec'h anavezint ar vro hoc'h eus disprizet.

Actou an Ebestel 13:19

hag, o vezañ distrujet seizh broad e Bro-Ganaan, e lodennas dezho ar vro da hêrezh.

Adlezenn 11:29

P'en devo da lakaet an AOTROU da Zoue da vont er vro ma'z ez e-barzh d'he ferc'hennañ, e tisklêri ar vennozh war Venez Gerizim hag ar vallozh war Venez Ebal.

Adlezenn 20:1

Pa'z i d'ar brezel a-enep da enebourien, hag e weli kezeg, kirri hag ur bobl niverusoc'h egedout, na'z po ket aon razo, an AOTROU da Zoue a vo ganit, eñ hag en deus graet dit pignat eus bro Ejipt.

Adlezenn 20:16

Met e kêrioù ar pobloù-mañ a ro dit an AOTROU da Zoue evel hêrezh, ne lezi da vevañ netra eus ar pezh en deus c'hwezh ennañ.

Adlezenn 31:20

Dre ma renin anezho er vro am eus touet d'o zadoù, ur vro a zever gant laezh ha mel, hag e tebrint hag o devo o gwalc'h hag e vint lart. Neuze en em zistroint war-zu doueoù all, hag e servijint anezho, hag e tisprizint ac'hanon, hag e torrint va emglev.

Adlezenn 31:3

An AOTROU da Zoue a dremeno dirazout hag a zistrujo ar pobloù-se a-zirazout, hag e perc'henni anezho. Jozue a dremeno dirazout, evel m'en deus lavaret an AOTROU.

Adlezenn 4:38

evit kas kuit a-zirazout broadoù brasoc'h ha nerzhusoc'h egedout, evit da lakaat da vont en o bro hag evit he reiñ dit da hêrezh, evel m'emañ hiziv.

Adlezenn 6:1

Setu ar gourc'hemennoù, ar reolennoù hag ar barnedigezhioù en deus gourc'hemennet an AOTROU ho Toue deskiñ deoc'h, evit ma reot diouto er vro ma'z eot e-barzh d'he ferc'hennañ,

Adlezenn 6:10

P'en devo da lakaet an AOTROU da Zoue da vont er vro en deus touet da'z tadoù, da Abraham, da Izaak, da Jakob reiñ dit, gant kêrioù bras ha mat na'c'h eus ket savet,

Adlezenn 6:19

o kas kuit da enebourien azirazout, evel m'en deus lavaret an AOTROU.

Adlezenn 6:23

ha tennet en deus ac'hanomp ac'hane, evit degas ac'hanomp d'ar vro en doa touet d'hon tadoù reiñ deomp.

Adlezenn 9:1

Selaou, Israel! Emaout o vont da dremen hiziv ar Jordan evit trec'hiñ pobloù brasoc'h ha kreñvoc'h egedout, kêrioù bras ha mogeriet betek an neñv,

Adlezenn 9:3

Gouez eta hiziv penaos an AOTROU da Zoue a dremeno dirazout evel un tan loskus, eñ eo o distrujo hag o izelaio dirazout. O c'hasi kuit hag o lakai da vervel buan, evel m'en deus lavaret an AOTROU.

Adlezenn 9:4

P'en devo o c'haset kuit an AOTROU da Zoue dirazout, ne lavari ket ez kalon: En abeg da'm reizhder eo en deus degaset ac'hanon an AOTROU da berc'hennañ ar vro-mañ. Rak en abeg da zrougiezh ar pobloù-se eo e kas anezho kuit an AOTROU dirazout.

Jozue 11:3

ar Gananeiz eus ar sav-heol hag eus ar c'huzh-heol, an Amoreaned, an Hitited, ar Ferezianed, ar Jebuziz er menez, an Hevianed e traoñ an Hermon e bro Vizpa.

Jozue 24:11

Tremenet hoc'h eus ar Jordan hag oc'h deuet da Jeriko. Tud Jeriko, an Amoreaned, ar Ferezianed, ar Gananeiz, an Hitited, ar C'hirgazianed, an Hevianed, ar Jebuziz a reas brezel deoc'h; hag o lakaet em eus etre ho taouarn.

Jozue 3:10

Jozue a lavaras: Dre gement-mañ e oueziot penaos emañ an Doue bev en ho touez, ha penaos e kaso kuit a-zirazoc'h ar Gananeiz, an Hitited, an Hevianed, ar Ferezianed, ar C'hirgazianed, an Amoreaned hag ar Jebuziz,