Adlezenn 17:8 - Bibl Koad 21: Ar Bibl e Brezhoneg evit ar Vretoned Pa vo un dra re ziaes da varn evidout, etre gwad ha gwad, etre rendael ha rendael, etre gouli ha gouli, enebiezh e-barzh da zorojoù, e savi hag e teui d'al lec'h dibabet gant an AOTROU da Zoue, |
Absalom a save mintin mat, hag en em zalc'he e-tal hent an nor. Ma teue un den en deveze un afer bennak hag a yae e barnedigezh dirak ar roue, Absalom a c'halve anezhañ hag a lavare dezhañ: A betore kêr ez out? Hag e responte: Da servijer a zo eus unan a veuriadoù Israel;
A-douez ar Jizehariz, Kenania hag e vreudeur a oa karget eus al labour a-ziavaez en Israel, evel skribed ha barnerien.
Moizez a respontas d'e dad-kaer: Ar bobl eo a zeu da'm c'havout evit goulenn kuzul digant Doue.
Barn a raent ar bobl e pep amzer, o tisklêriañ da Voizez an traoù diaes hag o varn o-unan an holl draoù bihan.
Mar sko un den e vevel pe e vatezh gant ur vazh ha ma varv dindan e zorn, ne dremeno ket hep bezañ kastizet.
Mar tabut tud hag e stokont ouzh ur wreg dougerez e doare ma wilioud, hep m'en em gavfe gwalleur all, barnet e vint da baeañ an digoll divizet gant pried ar wreg, hag e roio kement-se dirak ar varnerien.
Mar sko un ejen gant e gerniel ur gwaz pe ur wreg hag e varv a-se, an ejen a vo meinataet, ne vo ket debret e gig ha perc'henn an ejen a vo didamall.
Mard eo kavet al laer o tispenn ha ma'z eo skoet d'ar marv, an hini en devo e skoet ne vo ket kablus a vuntrerezh,
Ma n'eo ket kavet al laer, perc'henn an ti a vo degaset dirak Doue evit touiñ n'en deus ket lakaet e zorn war mad e nesañ.
Pa c'hoarvezo un tabut bennak, en em zalc'hint d'ar varn, hag e varnint hervez va barnedigezhioù. Hag e virint va lezennoù ha va reolennoù em holl c'houelioù, hag e santelaint va deizioù sabad.
Evel-henn e komz AOTROU an armeoù: Kinnig eta d'an aberzhourien ur goulenn diwar al lezenn, o lavarout:
Rak muzelloù an aberzhour a zle mirout an anaoudegezh, hag eus e c'henoù e klasker al lezenn, rak kannad AOTROU an armeoù eo.
lakait kêrioù a vo kêrioù-repuiñ evidoc'h, ma tec'ho enno ar muntrer en devo lazhet unan bennak diratozh.
Mar en deus skoet unan bennak gant ur benveg houarn, ha ma varv, ur muntrer eo, a-dra-sur ar muntrer a vo lakaet da varv.
Ne reot van eus diavaez an dud er barnedigezhioù, selaou a reot an hini bihan evel an hini bras, n'ho po aon rak den ebet, rak ar varn a zo da Zoue, hag e lakaiot da zont dirazon an dra a vo re ziaes evidoc'h, ha me he c'hlevo.
Neuze e vo ul lec'h dibabet gant an AOTROU ho Toue evit lakaat e anv da chom ennañ. Eno e tegasot kement a c'hourc'hemennan deoc'h, ho loskaberzhoù, hoc'h aberzhoù, ho teogoù, ar profoù savet eus ho taouarn, pep prof ho po dibabet evit seveniñ ur gouestl ho po graet d'an AOTROU.
met da loskaberzhoù a ginnigi el lec'h dibabet gant an AOTROU en unan eus da veuriadoù, hag eno e ri kement a c'hourc'hemennan dit.
met klask a reot anezhañ el lec'h en devo dibabet an AOTROU ho Toue a-douez hoc'h holl veuriadoù, evit lakaat e anv da chom ennañ; dont a ri eno.
an daou zen o devo enebet an eil ouzh egile en em ziskouezo dirak an AOTROU, dirak an aberzhourien ha dirak ar varnerien a vo en deizioù-se,
Setu penaos e ri e-keñver ar muntrer a dec'ho eno evit saveteiñ e vuhez p'en devo lazhet e nesañ diratozh, hep kasoni outañ diagent,
Hag an aberzhourien mibien Levi a dostaio, rak an AOTROU da Zoue en deus o dibabet evit e servijañ hag evit bennigañ en anv an AOTROU, hag eus o genoù e vo barnet pep enebiezh ha pep taol.
Pa savo un tabut etre tud, hag e tostaint ouzh al lez-varn evit bezañ barnet, e vo reishaet an hini reizh ha kondaonet an hini fall.