Adlezenn 21:5 - Bibl Koad 21: Ar Bibl e Brezhoneg evit ar Vretoned

⁵ Hag an aberzhourien mibien Levi a dostaio, rak an AOTROU da Zoue en deus o dibabet evit e servijañ hag evit bennigañ en anv an AOTROU, hag eus o genoù e vo barnet pep enebiezh ha pep taol.

Adlezenn 21:5 Referencias Cruzadas

1 Danevelloù 23:13

Mibien Amram a voe: Aaron ha Moizez. Aaron a voe lakaet a-du evit santelaat ar pezh a zo santel-meurbet, eñ hag e vibien, da viken, evit kinnig an ezañs dirak an AOTROU , evit ober e servij, evit bennigañ da viken en e anv.

2 Danevelloù 19:10

Evit an holl gaozioù a zeuio dirazoc'h, a-berzh ho preudeur a zo o chom en o c'hêrioù, etre gwad ha gwad, lezenn ha gourc'hemenn, reolennoù ha barnedigezhioù, e sklêrijennot anezho evit na vint ket kablus dirak an AOTROU, ha na vo ket a gounnar warnoc'h ha war ho preudeur. Evel-se e reot, ha ne viot ket kavet kablus.

Ezekiel 42:13

Hag e lavaras din: Kambroù an hanternoz ha kambroù ar c'hreisteiz, ar re a zo dirak ar pennad a zisparti, eo ar c'hambroù santel; eno, an aberzhourien hag a dosta ouzh an AOTROU a zebro an traoù santel-meurbet. Eno e lakaint an traoù santel-meurbet, an donezonoù, an aberzhoù-dic'haouiñ, an aberzhoù a gablusted, rak al lec'h-mañ a zo santel.

Ezekiel 44:24

Pa c'hoarvezo un tabut bennak, en em zalc'hint d'ar varn, hag e varnint hervez va barnedigezhioù. Hag e virint va lezennoù ha va reolennoù em holl c'houelioù, hag e santelaint va deizioù sabad.

Leviegezh 9:22

Aaron a savas e zaouarn war-zu ar bobl hag o bennigas. Hag e tiskennas, goude bezañ kinniget an aberzh-dic’haouiñ, al loskaberzh hag an aberzh a drugarekadennoù.

Malaki 2:7

Rak muzelloù an aberzhour a zle mirout an anaoudegezh, hag eus e c'henoù e klasker al lezenn, rak kannad AOTROU an armeoù eo.

Adlezenn 10:8

En amzer-se an AOTROU a zispartias meuriad Levi evit dougen arc'h emglev an AOTROU, evit en em zerc'hel dirak an AOTROU, evit e servijañ hag evit bennigañ en e anv, betek hiziv.

Adlezenn 18:5

rak an AOTROU da Zoue en deus dibabet anezhañ a-douez da holl veuriadoù evit en em zerc'hel da servijañ en anv an AOTROU, eñ hag e vibien, da viken.

Adlezenn 19:17

an daou zen o devo enebet an eil ouzh egile en em ziskouezo dirak an AOTROU, dirak an aberzhourien ha dirak ar varnerien a vo en deizioù-se,

Adlezenn 21:4

Henaourien ar gêr-se a lakaio an annoar da ziskenn etrezek ur froud padus, na vez na labouret na hadet en e gichen, hag eno e torrint gouzoug an annoar er froud.