Jilob hulim hano bale: «Eéhe’», ló balakowe éehe’, «A’aa’», ló balakowe a’aa’. Jifamen tomuu hulim hakee, li Sayitaane húfulumulo.
1 Saŋ 5:18 - Jola-Kasa Luhaasaale oonaal an áami añiil ata Ateemit let anaak akaan kahoofoo, mata Añiilawu ata Ateemit lafooyoofooy, ban Sayitaane let ayili li akila wahoowah. |
Jilob hulim hano bale: «Eéhe’», ló balakowe éehe’, «A’aa’», ló balakowe a’aa’. Jifamen tomuu hulim hakee, li Sayitaane húfulumulo.
Ban jakum úkatoli min jilo li jabunt, bale úfakenoli li Majakutamu. Mata awu ukile jáyiiyaju, li sembaasu, li máyiineniyamu boot nanoonan, Aameen.»
Inti li húsim hata an, inti li kásiibo kata an, mantee foof li húnongum hata ánayine li anaale kóomum bañiil bata Ateemit, bale li húnongum hata Ateemit humumool kóomum bó.
Let ilaañ ilob ŋáa’ li bukuluul, mata Sayitaane ammuu anahaanawu ata adunaayi inye ummu li ebil. Ayilaat lí ínje wahoowah,
Jilako lí ínje loon ínje humumom emmuu li bukuluul. Loon hulund huyilaatumuu hubaj mutiñaay bale ho, ho bakotut li búbiiñ, mo foof bukuluul jiyilaatumuu jibaj ébukoolum bukuluul balet lí ínje.
Jilakomuu lí ínje ban kulimaku kúmbaam li kulako li uyinumuul, jil̥awumuu wahoowah wan jifañe, fan jibaj wo.
Nan áliiŋumuu, li ajuk kájiyaku kata Ateemit li bukanabuku káyinenumuu, li súumool ŋáa’. Li awankuleniil foofiil feh mantee li kútuk lit káyinenaku li Amaaŋenawu.
Ateemit humumool, li hulimahu hoola hata mal̥egen labukumolaalumuu. Lakankaan mo, naboo li húnongumahu hoola, mantee li ulakowaal bubukoolumabu bútinaalabu li wahawu woola feh wan áwuwenumuu.
Buloŋabu ban Ateemit Atuubaawu afañumuu, boote bulako li mal̥egen buloŋ banabe. Bo bommuu: kalamben bañiil búkat, li kanaalaabuku kahokumuu kúyiniil ban li kóomi li sílaam, kahoy wahawu wajakutumuu wata adunaayi.
Hulimahu hata Ateemit hukaanuulumuu jilako bukan kuwunkul. Ban Hulimahu unhu hunokoolut li sígul sayilo sikajen. Hulonloŋ ban huyilaat huket, hunhu to boot nanoonan.
Nokoomuu loon jihaase kaanaku Kilisita lakankaan an acole, joote jihaas foof kaanaku an anaakumuu akaan wah wacole, anawu ummu añoolool laam.
Ootut ukaanaal loon Kayeŋ alakomuu añiil ata Majakutamu, ban li amuk atuyool. Wáa újimuu li amukool? Mata bakaanelabu bata Kayeŋ bujakut, bale bata atuyool bucoccol.
Anoowan feh abaje li Kilisita kákangum loon unku, laate akaanoolo an anabe loon Kilisita humumool akaanumuu an anabe.
An áami añiil ata Ateemit akat kahoofoo, mata buloŋabu babilumulomuu li Ateemit li anawu ummu bul̥uki loon sígul. Anawu ummu ayilaat anaak akaan kahoofoo, mata Ateemit ammuu Atuubawool.
Bale alolaal bukan kata Ateemit loomaal. An ahaasumuu Ateemit fan ajantenolaal. An aletumuu ata Ateemit let ajantenolaal. Muñowu lóotumaalumuu uhaasaal Buyinum bay bulobemuu mal̥egen li bay bommuu buyinumabu bámalemuu.
An áyinenumuu kaanaku Yéesu ammuu Kilisita, anawu ummu añiil ata Ateemit laam. Ban an áboolimuu Ateemit Atuubaawu, anawu ummu fan ábooli foof bañiilabu bata Ateemit.
Ban uhaasaalumuu oonaal Ateemit lajantenewolaajanten nan ul̥awaalemuu, luhaasale foof oonaal fan asenolaal wahawu wan ul̥awaaloolumuu.
Luhaasaale oonaal alolaal Ateemit akilolaal, ban adunaayi feh yo inyu li kuŋenaku kata Sayitaane.
Luhaasaale oonaal Añiilawu ata Ateemit labiibil, ban li asenolaal butuuko min uhaasaal Ateemit ata mal̥egen. Li Añoolool Yéesu Kilisita lúbajumaamuu hujamoo li Ateemit ata mal̥egen. Añiilawu ummu akila humumool ammuu Ateemitawu ata mal̥egenamu, akila ammuu buloŋabu bábanelitumuu.
Mata añiil anoowan ata Ateemit laheeheek adunaayi. Li káyinenaku koololaal lúheekumaalumuu adunaayi.
Jilako li húbooliyahu hata Ateemit min jikob hunakahu nan Amaaŋenawu oololaal Yéesu Kilisita ammuu ásenuul buloŋabu bábaneliitumuu, mata kabonketaku koola kúji.
Kasalaku kujow kulako kata Ateemit ayilimuu afooyuul jakum jibil jilo li kahoofoo, ban li ájowetumuul maakut butila banooban li ésuumansuum ló, boot to li máyiineniyamu moola.
Lihaase tay lukine: to efenjeŋayi yata jáyiiyaju jata Sayitaane yommuu. Lútuutuk to lit lí ínje, ban ukatut bo káyinenaku kan ubajumuu lí ínje, maayeet nan Antifaas alobemuu bukanabuku múmbaam li mal̥egen, kumukoolumuu booluul tan Sayitaane akinumuu.