Saak 1:27 - Jola-Kasa

²⁷ Buloŋabu ban Ateemit Atuubaawu afañumuu, boote bulako li mal̥egen buloŋ banabe. Bo bommuu: kalamben bañiil búkat, li kanaalaabuku kahokumuu kúyiniil ban li kóomi li sílaam, kahoy wahawu wajakutumuu wata adunaayi.

Saak 1:27 Referencias Cruzadas

Máciya 12:32

An alobumuu kulim kajakut aya li Añool-An, Ateemit fan abonketool; bale an alobumuu kulim kajakut aya li Buyinumabu Banabaabu, Ateemit let abonketool li buloŋabu umbe, let abonketool foof li buloŋabu babilemaa.

Máciya 5:8

Awólo, kaŋalumuu kayinooliil feh kukaan li Ateemit, mata fan kubil kujuk Ateemit.

Hulimahu Hásuumaahu loon Lík akiic homuu 1:6

Buko kúl̥uba feh kukankaan bukan kacole hákil Ateemit, imban kútuttuul jak siluwaasu feh li kulimaku feh kata Amaaŋenawu.

Kata Lom 12:2

Jakum jinab li bakaanelabu bata bukanabuku kata adunaayi inye, bale jikat Ateemit min akaanuul jilako bukan kábuto ban li asenuul butuuko buwunkul. Akaanuulumuu loon muñaˈa aban, fan jiyili jikooñaam min jihaas waa lafañumuu: wahawu wajakumuu, wahawu wásuumoolumuu, li wáliiŋumuu máliiŋ loon afañumuu.

Kata Lom 2:13

Let bukanabuku kajantenemuu bale waa eluwaayi elobe kommuu bukan kacole hákil Ateemit, bale bukanabuku kajantene yomuu ban li kukaan loon elobumuu, buko kommuu bukan kacole hákilool.

Kata Galasi 1:4

Kilisita lasenoolosenoolo okila humumool boot kafakenolaal li uhoofoolawu woololaal, mantee li ábotulolaal li adunaayi inye yata muñeˈe yajakutumuu, nab li húnongumahu hata Ateemit ammuu Atuubawolaal.

Kata Galasi 3:11

Lollob jak kaanaku eluwaayi eyilaat éji an li aani lacoccol hákil Ateemit, mata Bakiicelabu bonsoon: «Anawu acolumuu hákil Ateemit, fan áloŋum li káyinenaku koola.»

Kata Galasi 5:6

Li mal̥egenamu, an áamimuu li Yéesu Kilisita, atey búkutoo, ateyut búkutoo, bajut jáliŋ yanooyan. Wahawu wabajumuu jáliŋ, wo wommuu káyinen li Yéesu Kilisita, ban li úhiisen ko li húbooli bukan.

Kata Galasi 6:14

Injé, ifañut min isaloolo mata wah ukee wábute li eketayi yan Amaaŋenawu oololaal Yéesu Kilisita aketumuu li ekuluwaayi. Mata lí ínje, adunaayi ekeeket li ekuluwaayi. Ban li adunaayi foof, ínje likeeket li ekuluwaayi.

Kata Efées 2:2

Jinaanaak jiloŋ buloŋ bata kahoofoo loon bukanabuku kata adunaayi inye kuloŋemuu. Jinaanaak jiloŋ loon anahaanawu ata uyinumawu wajakutaawu wammuu haatiya, afañumuu. Anahaanawu ummu akila ammuu Sayitaane, ammuu muñeˈe li bulok li uyinumawu wata bukanabuku kátuulutumuu Ateemit.

1 Tímote 1:5

Wahawu wájimuu li ilobi loon muñaˈa wo wommuu min baj húbooli habilumulo li buyinum bajake, buyinum babahe li káyinen kata mal̥egen.

1 Tímote 5:4

Nokoomuu loon anaale ahoke áyinool abaje kuñiil mantee kuñool kuñoolool, buko umbuku koote kujand kuliiken kútuul Ateemit li butoŋabu booliil humum bo, min kuyili kulaañen sibukoolayiil li sibukoolayiil sihaan wahawu wan kookiilumuu. Mata wahawu unwu Ateemit afañumuu.

Eleetalayi yan Fool akiicumuu Tit 2:12

Ateemit li kájiyaku unku laliikenumolaalumuu etey bakaanelabu bajakutumuu li kásiibowaku kata adunaayi inye, min uloŋaal li adunaayi inye buloŋ bata bukan kabaje uyinum ban li kucol, buloŋ bata kátuul Ateemit.

Saak 3:17

Bale an abaje bújallowabu babilumulomuu haatiya lajanjand anab, ban li akaan an ata kásuumaay, li ájoobi buyinum ban li ásuum elob miñ, li ayili káyiyen an ban li anaak akaan majake bale. An abaje bújallowabu umbu ájukeleliit li buul ban abajut búhoolo banooban.

Saak 3:9

Húlellufahu luŋalaalemuu min usalaal Ateemit ammuu Amaaŋenawu oololaal, li Atuubawoolaal. Ho foof luŋalaalemuu min ulobaal majakut uyawaal li bukanabuku, kan Ateemit áwuwenumuu kunokoo li akila humumool.

Saak 4:4

Min jinokoo muñowu li anaale átijut li áyinool bale! Kama jihaasut joon jifañumuu wahawu wata adunaayi, Ateemit jihoye? Mó mújimuu, an aŋalumuu adunaayi akaan abukewool, Ateemit laŋale akaan alatoolawool.

2 Fiyeel 1:4

Li wahawu unwu Ateemit ásenumolaamuu wahawu watiineniyaawu ban li uluuk ŋáa’, wan alobumuu kasenolaal, bájum li jiyili jífu’ li kásiibowaku kajakutumuu kammuu li adunaayi inye yakajenumuu, min jíjowum tó jiŋa’ bóonowabu bata Ateemit.

2 Fiyeel 2:20

Li mal̥egenamu, bukanabuku kahaasumuu Yéesu Kilisita ammuu Amaaŋenawu li Afakenaawu oololaal, kukaakat bakaanelabu bajakutumuu bata adunaayi; bale kukatumuu bakaanelabu umbu bajakutumuu min bulaañen búgooteniil ban li buheekiil, buloŋabu booliil bata muñeˈe fan buhaŋ másengi bata naanaŋ.

2 Fiyeel 3:14

Kutuyom kan iboolaat, wahawu unwu újimuu, li kakobaku kata hunakahu unhu, joote jikaan manooman min jilako bukan kasete, bukan kan an aatut ayili alob majakut aya li buko hákil Ateemit, ban li jibaj kajamoo li Ateemit.

1 Saŋ 5:18

Luhaasaale oonaal an áami añiil ata Ateemit let anaak akaan kahoofoo, mata Añiilawu ata Ateemit lafooyoofooy, ban Sayitaane let ayili li akila wahoowah.