Máciya 6:13 - Jola-Kasa

¹³ Ban jakum úkatoli min jilo li jabunt, bale úfakenoli li Majakutamu. Mata awu ukile jáyiiyaju, li sembaasu, li máyiineniyamu boot nanoonan, Aameen.»

Máciya 6:13 Referencias Cruzadas

Máciya 26:41

Jakum jímooli. Jil̥aw jakum bil jilo li jabunt. Buyinumabu bufañe, bale eniilayi égootogooto.

Máciya 28:20

Jiliikeniil kátuul kulimaku feh kan ilobuulumuu. Jihaas joon ínje humumom ummu li bukuluul nanoonan boot yok nan adunaayi yommuu li eban.

Máciya 5:37

Jilob hulim hano bale: «Eéhe’», ló balakowe éehe’, «A’aa’», ló balakowe a’aa’. Jifamen tomuu hulim hakee, li Sayitaane húfulumulo.

Máciya 6:10

Jáyiiyaju jiya jibil. Húfañumahu huya ubaj li etaamayi loon haatiya.

Hulimahu Hásuumaahu loon Saŋ akiic homuu 17:15

Il̥awuti mata min úfuleniil li adunaayi, bale min ufooyiil li Majakutamu.

1 Kata Koolent 10:13

Sílaamasu san jibajumuu, so foof kukee kubajemuu. Bale Ateemit álobeliit aban li añak alaañ búsol, ban let akat min jilo li sílaam sahaŋuul sembe. Nan sílaamasu sommuu li jilowuul, fan asenuul sembe min jiyili jímuñ, li asenuul foof bútin min jífu’ lí só.

1 Kata Koolent 14:16

Mata nokoomuu loon luŋaŋŋa’ buyinumi bale min usal Ateemit, an ahine áami li huwoogahu min aano li bajanten let ahaas waa lulobe. Muñowu buu lammuu li akaan min ayili aan «Aameen» li kal̥awaku kooli kata kasalaku?

2 Kata Koolent 1:20

Li mal̥egenamu, Yéesu Kilisita akila ammuu «éehe’» yata wahawu feh wan Ateemit alobumuu kasen. Mó mújimuu foof li Yéesu Kilisita lóonumaalemuu Ateemit «Aameen» boot li máyiineniyamu moola.

Kata Galasi 1:4

Kilisita lasenoolosenoolo okila humumool boot kafakenolaal li uhoofoolawu woololaal, mantee li ábotulolaal li adunaayi inye yata muñeˈe yajakutumuu, nab li húnongumahu hata Ateemit ammuu Atuubawolaal.

1 Kata Tesalonik 1:10

Ban bukuluul li joono li banaak min Añoolool Yéesu abilumul haatiya emitayi, akila an ayitenumulomuu li ekatayi min afakenolaal li batiibabu bata Ateemit bammuu li ebil.

2 Kata Tesalonik 3:3

Bale Amaaŋenawu alobumuu kakaan wah, fan akaan wo, fan asenuul sembe ban li afooyuul li Majakutamu.

1 Tímote 1:17

Awu ammuu Ayíi boot nanoonan, Awu áketeliitumuu ban újukeliiti, Awu bale ommuu Ateemit, kábinkenaku li máyiineniyamu, mujow mulako mooli boot nanoonan! Aameen.

Eébulo 11:36

Kukee li kunaak kujakakaayiil ban li kutekiil kukaluwaas, kaabuku li kujenkiil ban li kukul̥iil.

1 Fiyeel 5:8

Jijuke to ban li jíkaanum, mata alatoolaawu ooluul ammuu Sayitaane, ummu min ágiitoolemuu loon éŋaŋ yal̥oke, min aŋes an an ammuu li ajok.

2 Fiyeel 2:9

Amaaŋenawu lahaase buu lammuu li akaan min afaken bukanabuku kacolumuu hákilool, li sílaamasu sooliil. Lahaase foof buu láamimuu li akaan min ajok bukanabuku kakaanemuu majakut akat to boot li hunakahu hata Batiibabu,

1 Saŋ 3:8

An aloŋumuu li akaan kahoofoo, anawu ummu an ata Sayitaane. Mata Sayitaane yaan no li húkitumahu lahoofoole. Añiilawu ata Ateemit li abil boot kakajen bulokabu bata Sayitaane.

Búhiisenumabu 1:18

Injé emmuu anawu ammuu li buloŋ. Liketeenenket, bale muñeˈe ínje ummu li buloŋ boot nanoonan. Libaje kayile li eketayi, li tan bukanabuku kaketumuu kommuu.

Búhiisenumabu 19:1

Fúlum tó, li ijam li emitayi hulim habaje sembe, hanokoole loon húcuh hata búsuk báamak. Hulimahu li hunaak hoon: «Aleluuya! Ateemit oololaal akile kafakaku, li kasalaku li sembaasu!

Búhiisenumabu 19:4

Muñeˈe kunahaanaku áyii li kubakiilaku kahallenumuu, li wahawu ubakiilawu waloŋumuu, li kúkuntuŋ hákil Ateemit abahumuu li efenjeŋayi yata jáyiiyaju, min kumanenool koon: «Aameen! Aleluuya!»

Búhiisenumabu 2:10

Jakum úkoli sílaamasu sakobemuu li awu. Ujuke to, Sayitaane fan abet bukan kameeŋe li bukuluul li hukul̥ min ayoobuul min ajuk. Fan jilako li sílaam kunak koono kuŋen. Utúk lit boot yok hunak eketi. Ukaan momuu, fan iseni buloŋ bábaneliit bulako bacaami.

Búhiisenumabu 21:4

Fan átil̥ muhuuwamu mooliil feh li kúkiliil. Eket let elaañen ebaj, ñíkul foof let ñibaj. An let al̥okoo, an let abaj foof sílaam. Mata, wahawu feh uhaanawu fan újim.»

Búhiisenumabu 3:10

Emmuu lútuutuk hulimahu húmba lit ban li uhanken min úmuñ, ínje foof fan ifooyi nan sílaamasu sommuu li sibil silako li adunaayi feh boot kayoob bukanabuku kammuu li etaamayi.

Búhiisenumabu 3:14

— Ukiic amalakaawu ata Ejanguwayi yata Lawodise oonool: «Anawu aaneyimuu Aameen, alobemuu Hulimahu Hásuumaahu li mal̥egen, an Ateemit áwuwenummuu wahawu feh li akila, laane:

Búhiisenumabu 5:13

Li ijam wahawu feh wan Ateemit áwuwenumuu li emitayi, li etaamayi, li wammuu kata láala etaamayi, li wata husamuwahu: wahawu feh wáami dómuu, li ijam wo li ukijen woon: «Anawu abahumuu li efenjeŋayi yata jáyiiyaju, awu Agálalaanawu, kasalaku li kábinkenaku, máyiineniyamu li sembaasu, jow ulako uya boot nanoonan.»