1 Saŋ 4:6 - Jola-Kasa

⁶ Bale alolaal bukan kata Ateemit loomaal. An ahaasumuu Ateemit fan ajantenolaal. An aletumuu ata Ateemit let ajantenolaal. Muñowu lóotumaalumuu uhaasaal Buyinum bay bulobemuu mal̥egen li bay bommuu buyinumabu bámalemuu.

1 Saŋ 4:6 Referencias Cruzadas

Hulimahu Hásuumaahu loon Lík akiic homuu 10:22

Atuubawom lasenonsen wahoowah feh. Anoowan ahaasut ayi ammuu Añiilawu, Atuubaawu bale. Anoowan ahaasut ayi ammuu Atuubaawu, Añiilawu bale, li bukanabuku kan Añiilawu afañumuu min áhiisiil ó’.

Hulimahu Hásuumaahu loon Saŋ akiic homuu 10:16

Libaje foof kúgalalaan kakee kalet li hukokahu unhu. Leete imat kúgalalaanaku unku foof. Fan kujanten hulimahu húmbaam, min kulako bumat bano babaje amata ano.

Hulimahu Hásuumaahu loon Saŋ akiic homuu 10:27

Kúgalalaanaku kúmbaam kujantenejanten hulimahu húmbaam. Lihaas ko, ban li kunaak kúnabul lí ínje.

Hulimahu Hásuumaahu loon Saŋ akiic homuu 10:3

Afooyaawu ata kámbiilaku fan ábabulool, kúgalalaanaku li kujanten hulimahu hoola. Li ahooñ kúgalalaanaku koola hanoohan li kajawaku kata ho, min áfuletum kó tíyaŋ.

Hulimahu Hásuumaahu loon Saŋ akiic homuu 13:20

Li mal̥egenamu fan ilobuul: an ayabumuu boola an an iboñe, ínje humumom foof layabe boola, ban an ayabommuu boola, anawu áboñulommuu foof layabe boola.»

Hulimahu Hásuumaahu loon Saŋ akiic homuu 14:17

Anattenaawu ummu, okila ammuu Buyinumabu báhiisemuu bukanabuku mal̥egenamu. Bukanabuku kata adunaayi kuyilaatool kuyab, mata kujukutool, ban kuhaasutool. Bale bukuluul jihaasool, mata ummu téetiwuul, ban ummu li bukuluul.

Hulimahu Hásuumaahu loon Saŋ akiic homuu 15:26

«Anattenaawu fan abil. Okila ammuu Buyinumabu báhiisemuu bukanabuku mal̥egenamu, babilummuu li Atuubaawu. Fan íboñumuluul ó’ bata Atuubaawu, ban okila humumool fan alob bukanabuku múmbaam.

Hulimahu Hásuumaahu loon Saŋ akiic homuu 16:13

Nan Buyinumabu báhiisemuu bukanabuku mal̥egenamu bommuu li bubil, fan bukaanuul jihaas mal̥egenamu foof mo feh. Let búlobum li kajaw kata bo humum bo, bale fan bulobuul wahawu feh wan bujamumuu, ban li buhebuul wahawu wammuu li ubil ubaj.

Hulimahu Hásuumaahu loon Saŋ akiic homuu 18:37

Muñeˈe Filat li aanool: — Kama áyii loom? Yéesu li aanool: — Lulobulo mo awu humumi, ínje áyii. Libukibuk ban li ibil li adunaayi boot elob bukanabuku mata mal̥egenamu. An áamimuu ata mal̥egenamu fan ajanten hulimahu húmbaam.

Hulimahu Hásuumaahu loon Saŋ akiic homuu 20:21

Yéesu li alaañen aaniil: — Kásuumaay kulako li bukuluul! Loon Atuubaawu áboñulommuu, mo foof ínje emmuu li iboñuul.

Hulimahu Hásuumaahu loon Saŋ akiic homuu 8:19

Kufaaliisiyeŋaku li koonool: — Kama Atuubayi ummay? Yéesu li aaniil: — Jihaasutom, ban jihaasut Atuubawom. Jihaaseenommuu, fan jihaaseen foof Atuubawom.

Hulimahu Hásuumaahu loon Saŋ akiic homuu 8:23

Yéesu li aaniil: — Bukuluul bukan kata baabe li etaam, ínje li emitayi libilumulo. Bukuluul bukan kata adunaaye, ínje ilet an ata adunaaye.

Kata Lom 1:1

Injé Fool ammuu aloka ata Yéesu Kilisita, ikiiculuul eleetalayi inye. Ateemit lahooñonhooñ ilako afootal, ban li al̥usom boot kawaale Hulimahu hoola Hásuumaahu.

Kata Lom 11:8

Loon Bakiicelabu bulobumuu: «Ateemit lábakembaken uyinumawu wooliil, láhihhi’ kúkilaku kooliil kujukum, lí áhi’ sijanasu sooliil síjamum, boot yok síyaat.»

1 Kata Koolent 14:37

An li bukuluul ayinoomuu li aan akila afulofet laam, mantee foof kulimaku kan alobemuu li Buyinumabu Banabaabu kubilumulo, laate kama ahaas aan wahawu wan ikiiculuulumuu, hulim hata Amaaŋenawu.

2 Kata Koolent 10:7

Bukuluul jijuke wahawu loon woonomuu. An li bukuluul ayinoomuu li aan okila an ata Kilisita, alaañen ayinoo jak min ahaas aan: áloli foof bukan kata Kilisita joom loon akila humumool.

2 Kata Tesalonik 1:8

Yéesu fan abilum li húlaañaañ hata sambun, boot katek bukanabuku kahaasutumuu Ateemit ban li kuhoy bakaan loon Hulimahu Hásuumaahu hata Amaaŋenawu oololaal Yéesu hulobumuu.

1 Tímote 4:1

Buyinumabu bulollob buhant boon, li kunakaku kúbanumaku bukan kameeŋe fan kukat bo káyinenaku kooliil, min kujow kunab li uyinum wabunte, li baliikene bata uyinum wajakut.

2 Fiyeel 3:2

Lifañe min jiwayil̥o kulimaku kan kufulofetaku kooluul kulobumuu foof.

1 Saŋ 4:1

Kutuyom kan iboolaat, jíkaanum jakum jíyinen bukanabuku feh kaanemuu Buyinumabu bata Ateemit kooke. Bale jinaak jiyoob bukanabuku umbuku min jijuk mantee buyinumabu ban kookumuu li Ateemit bubilumulo. Mata bukan kameeŋe kámale koon kufulofet koom, kúfululo muñeˈe kóomi tanootan li adunaayi.

1 Saŋ 4:4

Kuñoolom, bukuluul bukan kata Ateemit joom ban jiheeheek kámalumuu koon kufulofet koom; mata Buyinumabu bata Ateemit bammuu li bukuluul buhaŋe sembe buyinumabu bata Alatoolaawu ata Kilisita bammuu li adunaayi.

1 Saŋ 4:8

An abajutumuu húbooli, ahaasut Ateemit mata Ateemit húbooli laam.

1 Saŋ 5:19

Luhaasaale oonaal alolaal Ateemit akilolaal, ban adunaayi feh yo inyu li kuŋenaku kata Sayitaane.

Eleetalayi yan Súd akiicumuu 1:17

Bale bukuluul jammuu kufaalom kan iboolaat, jiwayil̥o kulimaku kan kufootalaku, kulob nomuu kúkibben.