1 Saŋ 4:7 - Jola-Kasa

⁷ Kutuyom kan iboolaat, úbooliwoolaal mata húbooliyahu li Ateemit hubilumulo. An abajumuu húbooli, añool Ateemit laam ban lahaase Ateemit.

1 Saŋ 4:7 Referencias Cruzadas

Hulimahu Hásuumaahu loon Saŋ akiic homuu 13:34

Boot min isenuul hulim huwunkul: jíbooliwoo. Joote jíbooliwoo loon ínje foof íbooliwuulumuu.

Hulimahu Hásuumaahu loon Saŋ akiic homuu 17:3

Buloŋabu bábaneliitumuu bo bommuu, min kuhaasi awu áamimuu Ateemit anolawu ata mal̥egen, li kuhaas foof Yéesu Kilisita an uboñulomuu.

1 Kata Koolent 8:3

Bale an afañumuu Ateemit, anawu ummu Ateemit lahaasool.

2 Kata Koolent 4:6

Li mal̥egenamu, Ateemit aanumuu: «Mawuŋaamu mujow muwuŋen li élimayi!», okila humumool ahiitenumuu uyinumawu wóololi, min ákaanoli jihaas kaleñaku kata máyiineniyamu moola li buulabu bata Kilisita.

Kata Galasi 4:9

Bale muñeˈe nan jihaasumuu Ateemit — booteen min een muñeˈe nan Ateemit ahaasuulumuu — buu jiyilo jimit jilaañ li múkaaniinamu ummu mabajutumuu jáliiŋ yanooyan? Waa, jifañe min jilaañen jilako emiikeel yata wahawu unwumaa?

Kata Galasi 5:22

Bale wahawu wan Buyinumabu busenemuu wo wommuu: húbooli, ésuumansuum, kásuumaay, kabeben, másuum, ésuum buyinum, káwoolu,

2 Tímote 1:7

Li mal̥egenamu, Ateemit asenutolaal Buyinum bata ekole, bale Buyinum bata sembe, bata húbooli li bata hujokoo lasenolaal.

1 Fiyeel 1:22

Joonosoono bukan kanabe humum hata min jítuulumuu mal̥egenamu, boot mata min jíbooliwoo li mal̥egen loon batuyaay. Jíbooliwoo ŋáa’ li uyinumuul feh.

1 Saŋ 2:10

An áboolimuu atuyool, anawu ummu, ummu nanoonan li mawuŋaamu, ban bajut wah li akila waate újiwool li alo li kahoofoo.

1 Saŋ 2:29

Nokoomuu loon jihaase kaanaku Kilisita lakankaan an acole, joote jihaas foof kaanaku an anaakumuu akaan wah wacole, anawu ummu añoolool laam.

1 Saŋ 2:3

Ukaanumuu loon siluwaasu soola silobumuu, tó lóotumaalumuu uhaasaal kaanaku luhaasaaloohaas.

1 Saŋ 2:4

An aanumuu: «Lihaasool», ban akaanut loon siluwaasu soola silobumuu, anawu ummu ámalamiñ, ban mal̥egenamu mulet li akila.

1 Saŋ 2:7

Kufaalom, inti eluwa ewunkul likiicuul, bale eluwa ehaan yan jiyabumuu yaan no li húkitumahu. Eluwaayi unyu ehaanayi yo yommuu hulimahu han jijamumuu.

1 Saŋ 3:9

An áami añiil ata Ateemit akat kahoofoo, mata buloŋabu babilumulomuu li Ateemit li anawu ummu bul̥uki loon sígul. Anawu ummu ayilaat anaak akaan kahoofoo, mata Ateemit ammuu Atuubawool.

1 Saŋ 4:11

Kutuyom kan iboolaat, nokoomuu loon Ateemit muñowu lábooliwolaalumuu ŋáa’, kama ololaal foof lootaale úbooliwoolaal.

1 Saŋ 4:12

Bajut an abile ajuk Ateemit. Bale úbooliwoolaalumuu, Ateemit fan alako nanoonan li alolaal ban húbooliyahu han ábooliwolaalumuu fan hujow boot to.

1 Saŋ 4:16

Ban ololaal luhaasaahaas húbooliyahu han Ateemit abajumuu li ololaal, ban lúyinenaayinen lí hó. Ateemit húbooli laam. An áamimuu nanoonan li húbooliyahu, anawu ummu, ummu nanoonan li Ateemit ban Ateemit ummu nanoonan li akila foof.

1 Saŋ 4:20

An aanumuu: «Líboolibooli Ateemit» ban li alat atuyool, anawu ummu ámalamiñ. Mata anawu ummu ábooliwutumuu atuyool an ajukemuu, let ábooli Ateemit an ájukeliitumuu.

1 Saŋ 4:8

An abajutumuu húbooli, ahaasut Ateemit mata Ateemit húbooli laam.

1 Saŋ 5:1

An áyinenumuu kaanaku Yéesu ammuu Kilisita, anawu ummu añiil ata Ateemit laam. Ban an áboolimuu Ateemit Atuubaawu, anawu ummu fan ábooli foof bañiilabu bata Ateemit.

2 Saŋ 1:5

Anaale, muñeˈe lil̥awi eeni: úbooliwoolaal. Inti eluwa ewunkul likiiculi, bale eluwaayi yan uyabaalumuu yaan no li húkitumahu.