1 Saŋ 5:20 - Jola-Kasa

²⁰ Luhaasaale oonaal Añiilawu ata Ateemit labiibil, ban li asenolaal butuuko min uhaasaal Ateemit ata mal̥egen. Li Añoolool Yéesu Kilisita lúbajumaamuu hujamoo li Ateemit ata mal̥egen. Añiilawu ummu akila humumool ammuu Ateemitawu ata mal̥egenamu, akila ammuu buloŋabu bábanelitumuu.

1 Saŋ 5:20 Referencias Cruzadas

Máciya 13:11

Yéesu li aaniil: — Mata bukuluul, Ateemit lakaanuukaan min jihaas wahawu wahaasutimuu wata Jáyiiyaju jata haatiya. Bale umbuku áhiisutiil wo.

Hulimahu Hásuumaahu loon Lík akiic homuu 21:15

Mata ínje humumom fan isenuul kulim kata bújallo, kan anoowan li kulatoolawuul aatut ayili aceeŋ, mantee áhoogul.

Hulimahu Hásuumaahu loon Lík akiic homuu 24:45

Muñeˈe Yéesu li ábabuliil uyinum min kuyili kúnaanum Bakiicelabu.

Hulimahu Hásuumaahu loon Saŋ akiic homuu 1:18

Bajut an abile ajuk Ateemit. Bale Añiilawu anolawu sih, ammuu Ateemit ban li kujokoo li Atuubaawu loon an ano, okila akaanolaamuu uhaasaalool.

Hulimahu Hásuumaahu loon Saŋ akiic homuu 10:30

Injé li Atuubaawu, an ano joom.

Hulimahu Hásuumaahu loon Saŋ akiic homuu 14:20

Nan hunakahu unhu hommuu li húliiŋ, fan jihaas joon ínje ummu li Atuubawom, ban bukuluul jumbuku lí ínje loon ínje emmuu li bukuluul.

Hulimahu Hásuumaahu loon Saŋ akiic homuu 14:23

Yéesu li aanool: — An afañommuu, fan aŋa’ hulimahu húmbaam akaan li buyinumool, ban li aloŋ loon hulobumuu. An akaan momuu, Atuubawom fan afañool. Injé li Atuubawom fan jibil boola, min jikin bo.

Hulimahu Hásuumaahu loon Saŋ akiic homuu 14:6

Yéesu li aanool: — Injé emmuu bútinabu, li mal̥egenamu, li buloŋabu. An ayilaat ajow bata Atuubaawu, okila bájowumut lí ínje.

Hulimahu Hásuumaahu loon Saŋ akiic homuu 14:9

Yéesu li aanool: — Fiyowe ŋáa’ nan éemi li bukuluul. Uhaasolutom boot muñeˈe, Fílib? An ajukommuu, Atuubaawu lajuke. Kama buu kaane li oon: «Uhíisoli Atuubaawu?»

Hulimahu Hásuumaahu loon Saŋ akiic homuu 15:4

Jilako lí ínje loon ínje humumom emmuu li bukuluul. Loon hulund huyilaatumuu hubaj mutiñaay bale ho, ho bakotut li búbiiñ, mo foof bukuluul jiyilaatumuu jibaj ébukoolum bukuluul balet lí ínje.

Hulimahu Hásuumaahu loon Saŋ akiic homuu 17:14

Injé liseniisen hulimahu hooli, bale adunaayi li elatiil, mata kulet bukan kata adunaayi, loon ínje humumom iletumuu an ata adunaayi.

Hulimahu Hásuumaahu loon Saŋ akiic homuu 17:25

Faafa, awu jacolumuu, adunaayi ehaasuti, bale ínje lihaasi, ban umbuke kuhaase koon awu úboñulom.

Hulimahu Hásuumaahu loon Saŋ akiic homuu 17:3

Buloŋabu bábaneliitumuu bo bommuu, min kuhaasi awu áamimuu Ateemit anolawu ata mal̥egen, li kuhaas foof Yéesu Kilisita an uboñulomuu.

Hulimahu Hásuumaahu loon Saŋ akiic homuu 20:28

Toma li aanool: — Amaaŋenawu úmbaam, li Ateemitawu úmbaam!

Hulimahu Hásuumaahu loon Saŋ akiic homuu 8:42

Yéesu li aaniil: — Ateemit aameenumuu li mal̥egen Atuubawuul, faneen jifañom, mata li Ateemit libilumulo, ban akila léemum taate. Ibilumut li kajawom humum ko, bale akila áboñulom.

Bakaanelabu 20:28

Jijuke to li bukuluul humumuul, li bumatabu feh ban Buyinumabu Banabaabu busenuulumuu jooken. Jicookoo Ejanguwayi yan Ateemit ábajummuu, li eketayi yata Añiilawu oola humumool.

Kata Lom 9:5

ban li kubaj situubayiil sihaan. Li buko kusuwifaku Kilisita abukumimuu loon ál̥ahukowan, akila ammuu Ateemit ahaŋumuu wahoowah feh. Kásooniyenaku kujow kulako li akila boot nanoonan. Aameen!

1 Kata Koolent 1:30

Ateemit lakaanuukaan jibaj hujamoo li Yéesu Kilisita, ban li akaan Kilisita alako bújallowabu boololaal. Li Yéesu Kilisita lóomumaalumuu bukan kacole hákil Ateemit. Li Yéesu Kilisita lóonowumaalumuu bukan kanabe kata Ateemit, ban li ahal min úfulaal li kahoofoo.

2 Kata Koolent 4:6

Li mal̥egenamu, Ateemit aanumuu: «Mawuŋaamu mujow muwuŋen li élimayi!», okila humumool ahiitenumuu uyinumawu wóololi, min ákaanoli jihaas kaleñaku kata máyiineniyamu moola li buulabu bata Kilisita.

2 Kata Koolent 5:17

Wahawu unwu újimuu an abajumuu hujokoo li Kilisita, anawu ummu búwuwenum buwunkul laam. Wahawu wata naanaŋ umoje, muñeˈe wahawu feh uwunkulowe.

Kata Efées 3:18

min jiyili jibaj sembe min jínaanum, bukuluul li bukanabuku feh kata Ateemit, buu Kilisita ábooliwolaamuu eeno. Lábooliwolaabooli ŋáa’, ban húbooliyahu hoola hútijut.

Kata Fílib 3:9

min ibaj hujokoo li mal̥egen li akila. Muñeˈe ilaañut iyinoo li een likankaan an acole mata min ikaanemuu loon eluwaayi elobumuu. Li káyinenaku kúmbaam li Kilisita léemummuu an acole. Ateemit akaanemuu an acol, ban káyinenumuu lakaanemuu bukan kacole.

1 Tímote 3:16

Mal̥egen, ban an ayilaat aceeŋ, Mahaasutimuu mata káyinenaku koololaal mululluuk! Kilisita láfuluufulul ajuki loon an, Buyinumabu Banabaabu búhihhiis kaanaku lacoccol, ban Kumalakaaku kujukoojuk. Li kulob foof moola bata kaletumuu kusuwif, li kúyinen li akila li adunaayi feh, ban li ájowetumi boot li emitayi li máyiineni ló.

Eleetalayi yan Fool akiicumuu Tit 2:13

Muñowu lóotumaalumuu ukobaal hunakahu hásuumaahu han úkangumaamuu li ho. Hunakahu nan máyiineniyamu mata Ateemitawu oololaal áamakawu ammuu Yéesu Kilisita Afakenaawu oololaal, mommuu li múlaŋul.

Eébulo 1:8

Bale li alob mata Añiilawu aan: «Awu ammuu Ateemit, efenjeŋayi yooli yata jáyiiyaju inyu to boot nanoonan. Fan ooken bukanabuku kata jáyiiyaju jooli li bakaane bacole.

1 Saŋ 2:23

An aceeŋumuu aan Yéesu ammuu Añiilawu, anawu ummu ahaasut foof Atuubaawu. An li aan Yéesu ammuu Añiilawu, anawu ummu foof lahaase Atuubaawu.

1 Saŋ 2:24

Mó mújimuu, jiŋa’ kulimaku kan jijam nomuu yaan li húkitumahu, jikaan li uyinumuul. Nokoomuu loon kulimaku kan jijam nomuu yaan li húkitumahu kunku nanoonan li uyinumuul, fan foof jijamoo li Añiilawu li Atuubaawu.

1 Saŋ 2:6

An aanumuu li Yéesu lajoke, anawu ummu laate aloŋ akila humumool loon Yéesu aloŋumuu.

1 Saŋ 4:14

Alóli húmumoli jijuke li kúkiloli, ban li jilob bukanabuku kaanaku Atuubaawu láboñuuboñul Añoolool abil alako Afakenaawu ata adunaayi.

1 Saŋ 4:16

Ban ololaal luhaasaahaas húbooliyahu han Ateemit abajumuu li ololaal, ban lúyinenaayinen lí hó. Ateemit húbooli laam. An áamimuu nanoonan li húbooliyahu, anawu ummu, ummu nanoonan li Ateemit ban Ateemit ummu nanoonan li akila foof.

1 Saŋ 4:2

Wahawu wayilimuu úhiis kaanaku Buyinumabu bata Ateemit bumbu li an, wo wommuu unwe: an aanumuu Yéesu Kilisita labiibil min alako li mal̥egen an, anawu ummu lababbaj Buyinumabu babilummuu li Ateemit.

1 Saŋ 5:1

An áyinenumuu kaanaku Yéesu ammuu Kilisita, anawu ummu añiil ata Ateemit laam. Ban an áboolimuu Ateemit Atuubaawu, anawu ummu fan ábooli foof bañiilabu bata Ateemit.

1 Saŋ 5:15

Ban uhaasaalumuu oonaal Ateemit lajantenewolaajanten nan ul̥awaalemuu, luhaasale foof oonaal fan asenolaal wahawu wan ul̥awaaloolumuu.

1 Saŋ 5:18

Luhaasaale oonaal an áami añiil ata Ateemit let anaak akaan kahoofoo, mata Añiilawu ata Ateemit lafooyoofooy, ban Sayitaane let ayili li akila wahoowah.

1 Saŋ 5:5

Ayi aheekumuu adunaayi? Anawu áyinenumuu kaanaku Yéesu ammuu Añiilawu ata Ateemit, okila bale aheekumuu adunaayi.

Búhiisenumabu 15:3

Li kunaak kukijen kakijenaku kata Móyiis, ammuu alokaawu ata Ateemit li kakijenaku kata Agálalaanawu koon: «Amaaŋen Ateemit ata sembe, mo balokelabu booli buluuke ban li bújaahaleni ŋáa’! Awu ommuu Ayíiyawu ata bukanabuku kata sihetasu feh, mo makaanelamu mooli mucole ban li mulako mal̥egen!

Búhiisenumabu 19:11

Muñeˈe li ijuk emitayi li ébabulo, efilinjebe yahiite li éfulul. Anawu alemboomuu li yo kajawool Atúka lit li Al̥egene. Latiibetiib col ban li anaak atiik hutiik hacole.

Búhiisenumabu 3:14

— Ukiic amalakaawu ata Ejanguwayi yata Lawodise oonool: «Anawu aaneyimuu Aameen, alobemuu Hulimahu Hásuumaahu li mal̥egen, an Ateemit áwuwenummuu wahawu feh li akila, laane:

Búhiisenumabu 3:7

— Ukiic amalakaawu ata Ejanguwayi yata Filadelifi oonool: «Anawu Anabaawu ammuu an ata Mal̥egen, aakumuu ekul̥umayi yata áyiiyawu Dayit, ábabulemuu ban an let ayili abab, li abab ban an let ayili ábabul, laane:

Búhiisenumabu 6:10

Li kunaak kulob butiya koon: «Anahaan anabe ata mal̥egen, kama boot min unaak boot yok nay útowum utiib bukanabuku kammuu li etaamayi, min kubaj katek mata min kúmukolimuu?»