1 Saŋ 5:19 - Jola-Kasa

¹⁹ Luhaasaale oonaal alolaal Ateemit akilolaal, ban adunaayi feh yo inyu li kuŋenaku kata Sayitaane.

1 Saŋ 5:19 Referencias Cruzadas

Hulimahu Hásuumaahu loon Lík akiic homuu 4:6

Ban li aan Yéesu: — Fan iseni sembaasu unsu feh li ebajayi yata úyiiyawu unwu, mata wahawu unwu feh ínje useni, ban liyilo isen wo an an ifañe.

Hulimahu Hásuumaahu loon Saŋ akiic homuu 12:31

Muñeˈe emmuu taŋayi nan Ateemit ammuu li atiib adunaayi inye. Muñeˈe Sayitaane ammuu anahaanawu ata adunaayi boot min akesooli áfu’ tíyaŋ.

Hulimahu Hásuumaahu loon Saŋ akiic homuu 14:30

Let ilaañ ilob ŋáa’ li bukuluul, mata Sayitaane ammuu anahaanawu ata adunaayi inye ummu li ebil. Ayilaat lí ínje wahoowah,

Hulimahu Hásuumaahu loon Saŋ akiic homuu 16:11

Min kuyinoomuu mata batiibabu bata Ateemit inti mo, mata Sayitaane ammuu anahaanawu ata adunaayi inye, latiibi aban.

Hulimahu Hásuumaahu loon Saŋ akiic homuu 17:15

Il̥awuti mata min úfuleniil li adunaayi, bale min ufooyiil li Majakutamu.

Kata Lom 8:16

Buyinumabu bata Ateemit humum bo, bulollob buyinumabu boololaal kaanaku bañiil bata Ateemit loomaal.

2 Kata Koolent 1:12

Wahawu wájimuu áloli li jisaloolo, wo wommuu mata búyinumoli búkaanolikaan jihaas kaanaku buloŋabu bóololi li adunaayi inye, háŋum hákiluul, bulakolako buloŋ banabe ban bata mal̥egen, babilumulo li Ateemit. Buloŋabu umbu bubilumuloot li bújallo bata ál̥ahukowan, bale li kájiyaku kata Ateemit bubilumulo.

2 Kata Koolent 4:4

Bukanabuku umbuku kammuu li kájimaku kúyinenut, mata ateemitawu ata adunaayi inye, ammuu Sayitaane, lámimmib uyinumawu wooliil jakum bil kujuk kaleñaku kata Hulimahu Hásuumaahu hata máyiineniyamu mata Kilisita, ammuu kambuwaku kata Ateemit.

2 Kata Koolent 5:1

Luhaasaale li mal̥egenamu oonaal eniilayi yoololaal yata baabe li etaam yanokoomuu loon eluuf dán ukinaale, ebilumuu ekajen, fan ubajaal li emitayi eluuf yata boot nanoonan yan Ateemit ateefe, inti yan kuŋen kata bukan kuteefe.

Kata Galasi 1:4

Kilisita lasenoolosenoolo okila humumool boot kafakenolaal li uhoofoolawu woololaal, mantee li ábotulolaal li adunaayi inye yata muñeˈe yajakutumuu, nab li húnongumahu hata Ateemit ammuu Atuubawolaal.

Kata Efées 2:2

Jinaanaak jiloŋ buloŋ bata kahoofoo loon bukanabuku kata adunaayi inye kuloŋemuu. Jinaanaak jiloŋ loon anahaanawu ata uyinumawu wajakutaawu wammuu haatiya, afañumuu. Anahaanawu ummu akila ammuu Sayitaane, ammuu muñeˈe li bulok li uyinumawu wata bukanabuku kátuulutumuu Ateemit.

2 Tímote 1:12

Wahawu unwu újimuu li eeno li sílaamasu unsu. Bale isuuwut, mata lihaase li ayi líkangummuu, ban líwooluwe kaanaku Ateemit layilo afooy wahawu wan asenommuu eeken boot yok hunakahu hata Batiibabu.

Eleetalayi yan Fool akiicumuu Tit 3:3

Li mal̥egenamu, alolaal foof lulakowaalako no bukan kahaasut wahoowah, kátuulut Ateemit, li bukan kájime. Lulakowaalako no emiikeel yata kásiibo li kásuum kanookan, ban li uloŋaal no buloŋ bata búl̥afut li kásiibo, min ukaanoolowaal no bukan kajakut majak, ban li uhoyoolaal.

Saak 4:4

Min jinokoo muñowu li anaale átijut li áyinool bale! Kama jihaasut joon jifañumuu wahawu wata adunaayi, Ateemit jihoye? Mó mújimuu, an aŋalumuu adunaayi akaan abukewool, Ateemit laŋale akaan alatoolawool.

1 Saŋ 3:14

Luhaasaale oonaal li eketayi lúfulumulaale ubil oonowaal li buloŋabu, mata lufañaafañ kutuyolaal. An afañutumuu atuyool, anawu ummu laloŋe li eketayi.

1 Saŋ 3:24

An akaanumuu loon siluwaasu sata Ateemit silobumuu, anawu ummu li Ateemit laam nanoonan ban Ateemit ummu nanoonan foof li akila. Buyinumabu Banabaabu ban asenolaalumuu bó bújimuu li uhaasaal oonaal Ateemit ummu li alolaal.

1 Saŋ 5:10

An áyinenumuu li Añiilawu ata Ateemit, anawu ummu láyinenyinen li hulimahu unhu. An áyinenutumuu li Ateemit, anawu ummu lajoojok Ateemit ámalamiñ, mata áyinenut li kulimaku kan Ateemit alobumuu mata Añoolool.

1 Saŋ 5:13

Likiicuukiic kulimaku unku bukuluul jáyinenumuu li kajawaku kata Añiilawu ata Ateemit, mantee li jihaas kaanaku jibabbaj buloŋabu bábaneliitumuu.

1 Saŋ 5:15

Ban uhaasaalumuu oonaal Ateemit lajantenewolaajanten nan ul̥awaalemuu, luhaasale foof oonaal fan asenolaal wahawu wan ul̥awaaloolumuu.

1 Saŋ 5:18

Luhaasaale oonaal an áami añiil ata Ateemit let anaak akaan kahoofoo, mata Añiilawu ata Ateemit lafooyoofooy, ban Sayitaane let ayili li akila wahoowah.

1 Saŋ 5:20

Luhaasaale oonaal Añiilawu ata Ateemit labiibil, ban li asenolaal butuuko min uhaasaal Ateemit ata mal̥egen. Li Añoolool Yéesu Kilisita lúbajumaamuu hujamoo li Ateemit ata mal̥egen. Añiilawu ummu akila humumool ammuu Ateemitawu ata mal̥egenamu, akila ammuu buloŋabu bábanelitumuu.

Búhiisenumabu 12:9

Li kúbetenul hújunfuulahu unhu háamakahu tíyaŋ. Yo yommuu enuukayilaayi ehaanayi yan koonemuu foof Ammalawu mantee foof Sayitaane, abuntemuu adunaayi feh. Li kúbetenulool li etaamayi boot li kumalakaaku koola ló.

Búhiisenumabu 20:3

Nan ajenk yomuu aban li aŋa’ yo abeten li buwokaayabu básenkiyaabu ban li abab min akul̥ yo lit alaañen dó. Lakankaan mo, jakum bil éjunfuulayi eyili ebunt bukanabuku kata sihetasu feh boot yok nan simitasu énjunne sommuu li siban. Fúlum tómuu, fan kúl̥el̥ul yó min elako to fan jatit.