1 Saŋ 3:12 - Jola-Kasa

¹² Ootut ukaanaal loon Kayeŋ alakomuu añiil ata Majakutamu, ban li amuk atuyool. Wáa újimuu li amukool? Mata bakaanelabu bata Kayeŋ bujakut, bale bata atuyool bucoccol.

1 Saŋ 3:12 Referencias Cruzadas

Máciya 13:19

An ajantenumuu Hulimahu Hásuumaahu hata Jáyiiyaju jata Ateemit ban ánaanumut ho, Sayitaane fan abil áfulen li buyinumabu bata anawu Hulimahu han ajamumuu. Anawu ummu, akila ammuu kagendenaku kata bútinabu tan sígulasu silomuu.

Máciya 13:38

Kal̥aakaku ko kommuu adunaayi. Sígulasu sajakaasu so sommuu bañiilabu bata Jáyiiyaju. Emaanobasuuwayi yo yommuu bañiilabu bata Sayitaane.

Máciya 23:35

Wahawu unwu wommuu lí úji katekaku kammuu li kubilum li eketayi yata bukanabuku kan kumukumuu ban kukaanut wahoowah, fan kulo li bukuluul, kítum tó li jamukaju jata Abel akaanutumuu wahoowah boot yok li jata Sakali an Beleki abukumuu, an jimukumuu li tutoolayi yata tin ñéyimuu ŋáa’ li husilaahu.

Máciya 27:23

Filat li agel̥l̥eniil aaniil: — Kama waa lakaane wajakut? Li kuhaŋ mabaŋulo feh koon: — Abaaŋi li ekuluwa!

Máciya 5:37

Jilob hulim hano bale: «Eéhe’», ló balakowe éehe’, «A’aa’», ló balakowe a’aa’. Jifamen tomuu hulim hakee, li Sayitaane húfulumulo.

Hulimahu Hásuumaahu loon Lík akiic homuu 11:51

Kítum tó li jamukaju jata Abel boot yok li jata Sakali, an kumukumuu li tutoolayi yata husilaahu ŋáa’. Eéhe’! Li mal̥egenamu fan ilobuul, bukanabuku kata muñeˈe fan kubil kulo li katek mata bukanabuku umbuku feh kamukimuu.

Hulimahu Hásuumaahu loon Saŋ akiic homuu 10:32

Yéesu li aaniil: — Likankaan hákiluul bulok bameeŋe bajake babilumulo li Atuubaawu. Waa, bó bújimuu lí jóomi li jitekom kuyitik jimuk?

Hulimahu Hásuumaahu loon Saŋ akiic homuu 8:40

Bale muñeˈe bukuluul jumbuku li huŋes jamukom, ínje jalobuulumuu mal̥egenamu man íjamummuu li Ateemit, ban Abulaham okila akaanut loon bukuluul.

Hulimahu Hásuumaahu loon Saŋ akiic homuu 8:41

Bale bukuluul, jinannab li bakaanelabu bata atuubawuul. Li koon Yéesu: — Olóli jilet bañiil bahaasut atuubayiil. Atuuba ano bale jibaje: Ateemit!

Bakaanelabu 7:52

Ayi li kufulofetaku, situubawuul sihaan sílaatenut? Kumuumuk bukanabuku kalobumuu kúkibben mata ebilayi yata Anawu Acolaawu. Ban muñeˈe bukuluul li jibetool li kuŋen bukan min jimukool.

1 Kata Tesalonik 2:14

Kutuyom, li mal̥egenamu jikankaan loon bukanabuku káyinenumuu li Yéesu Kilisita kata Sijanguwasu sata Ateemit sammuu li etaamayi yata Súde. Sílaamasu san bukanuul kan jikinumuu li etaam yano kúlaamenuulumuu, so foof kusuwifaku kúlaamenumuu bukanabuku kata Sijanguwasu unsu sata Súde.

Eébulo 11:4

Káyinen kújimuu Abel li akaan Ateemit kasila kahaŋe majak kata Kayeŋ. Káyinenaku unku kújimuu Ateemit li ajokool an acole, mata Ateemit humumool layayyab usuuhenawu wan asenoolumuu. Káyinenaku unku kújimuu Abel li aloŋ li álobul, maayeet min aketumuu.

Eébulo 12:24

Bukuluul jijowujow jikooj Yéesu ammuu li tutoo húfaalumahu huwunkulahu han Ateemit ajokumuu li alolaal. Húsimahu hoola háyuwimuu huhaŋe malob jak hata Abel.

1 Fiyeel 4:4

Muñeˈe bukanabuku kákaanumutumuu li Ateemit balewool li kaaniil kajaahale, min bukuluul jíloŋeliitumuu muñeˈe ŋóoti loon buko, li kújowum tó kunaak kugeluul.

1 Saŋ 3:8

An aloŋumuu li akaan kahoofoo, anawu ummu an ata Sayitaane. Mata Sayitaane yaan no li húkitumahu lahoofoole. Añiilawu ata Ateemit li abil boot kakajen bulokabu bata Sayitaane.

Eleetalayi yan Súd akiicumuu 1:11

Katek kujow kulako li buko, mata kunannab li bakaanelabu bata Kayeŋ. Kuliimooliimoo mata sídalam síji, loon Balam akaanumuu. Kuhoohoy Ateemit loon kata Koole kuhoyumuu Móyiis, ban loon kata Koole kuniilomuu mo foof kommuu li kuniilo.

Búhiisenumabu 17:6

Li ijuke, li ijuk kaanaku anaalaawu húsimahu hata bukanabuku kata Ateemit li hata bukanabuku kan kumukumuu mata káyinenaku kooliil li Yéesu kúji, húkaliyenookaliyen. Nan ijukoolumuu li isego ŋáa’.