Máciya 5:37 - Jola-Kasa

³⁷ Jilob hulim hano bale: «Eéhe’», ló balakowe éehe’, «A’aa’», ló balakowe a’aa’. Jifamen tomuu hulim hakee, li Sayitaane húfulumulo.

Máciya 5:37 Referencias Cruzadas

Máciya 13:19

An ajantenumuu Hulimahu Hásuumaahu hata Jáyiiyaju jata Ateemit ban ánaanumut ho, Sayitaane fan abil áfulen li buyinumabu bata anawu Hulimahu han ajamumuu. Anawu ummu, akila ammuu kagendenaku kata bútinabu tan sígulasu silomuu.

Máciya 13:38

Kal̥aakaku ko kommuu adunaayi. Sígulasu sajakaasu so sommuu bañiilabu bata Jáyiiyaju. Emaanobasuuwayi yo yommuu bañiilabu bata Sayitaane.

Máciya 15:19

Mata li buyinumabu uyinoolawu wajakutaawu úfulumulemuu: jamuk bukan, kahinten anaale alet ooli, húfulo an an jiyabowut, ékuwet, émalimiñ, li kúloboo.

Máciya 5:36

Jakum foof unuulum húkoyi, mata uyilaat ukaan kal kano li húkoyi kuhiit, mantee foof kul̥ayen.

Máciya 6:13

Ban jakum úkatoli min jilo li jabunt, bale úfakenoli li Majakutamu. Mata awu ukile jáyiiyaju, li sembaasu, li máyiineniyamu boot nanoonan, Aameen.»

Hulimahu Hásuumaahu loon Saŋ akiic homuu 17:15

Il̥awuti mata min úfuleniil li adunaayi, bale min ufooyiil li Majakutamu.

Hulimahu Hásuumaahu loon Saŋ akiic homuu 8:44

Atuubawuul akila ammuu Sayitaane, ban wahawu wan atuubawuul afañumuu, wo jifañumuu min jikaan. Okila yaan no li húkitumahu lafin láami amukabukan. Alakowut li mal̥egenamu, mata mal̥egen mulet li akila. Alakomuu émalamiñ, lalollob loon afinumuu min aano, mata okila ámalamiñ laam, ban okila ammuu atuubaawu ata émalimiñ.

Kata Efées 4:25

Mó mújimuu, jikat émalimiñ. Anoowan li bukuluul laate alob afaalool mal̥egen, mata alolaal feh ugeb wata eniil yano loomaal.

Kata Efées 6:16

Jíyinen nanoonan li Yéesu Kilisita. Káyinenaku kooluul li akila fan kunokoo loon ebangal, yammuu enaak ehok simeelaasu feh sata sambunasu san Sayitaane afuculemuu.

Kata Kolos 3:9

Jakum an ámal asen afaalool, mata jikaakat bo buloŋabu booluul buhaanabu li makaanelamu mata bo,

Kata Kolos 4:6

Kulimaku kooluul kujow kulako nanoonan kulim kásuume. Jihaas buu jóotimuu jinaak jibag anoowan jak.

2 Kata Tesalonik 3:3

Bale Amaaŋenawu alobumuu kakaan wah, fan akaan wo, fan asenuul sembe ban li afooyuul li Majakutamu.

Saak 5:12

Kutuyom, ban li jiwayil̥o wahawu unwe! Jakum an li bukuluul anuu aan fan akaan wah waman. Jakum an anuulum emitayi mantee foof etaamayi, jakum anuulum wahoowah. Joonumuu éehe’ li lako éehe’, li jibil joon a’aa’ li lako a’aa’. Jikaan mo jakum bil Ateemit atiibuul.

1 Saŋ 2:13

Kunahaan, likiiculuukiic min íhiisuul kaanaku jihaase anawu afimmuu min áami tó yaan no li húkitumahu. Báfulabe, likiiculuukiic, min íhiisuul kaanaku jiheeheek Sayitaane.

1 Saŋ 3:12

Ootut ukaanaal loon Kayeŋ alakomuu añiil ata Majakutamu, ban li amuk atuyool. Wáa újimuu li amukool? Mata bakaanelabu bata Kayeŋ bujakut, bale bata atuyool bucoccol.

1 Saŋ 5:18

Luhaasaale oonaal an áami añiil ata Ateemit let anaak akaan kahoofoo, mata Añiilawu ata Ateemit lafooyoofooy, ban Sayitaane let ayili li akila wahoowah.