1 Saŋ 2:29 - Jola-Kasa

²⁹ Nokoomuu loon jihaase kaanaku Kilisita lakankaan an acole, joote jihaas foof kaanaku an anaakumuu akaan wah wacole, anawu ummu añoolool laam.

1 Saŋ 2:29 Referencias Cruzadas

Hulimahu Hásuumaahu loon Saŋ akiic homuu 1:13

Inti li húsim hata an, inti li kásiibo kata an, mantee foof li húnongum hata ánayine li anaale kóomum bañiil bata Ateemit, bale li húnongum hata Ateemit humumool kóomum bó.

Hulimahu Hásuumaahu loon Saŋ akiic homuu 7:18

An álobummuu li kajaw koola akila humumool, kasaloolo laŋese. Bale an aŋesumuu kasal kata anawu áboñuloolumuu, anawu ummu an ata mal̥egen, ban búhoolo bulet li akila.

Bakaanelabu 10:35

An ata banooban átuule Ateemit ban li akaan an acole, fan ásuum Ateemit.

Bakaanelabu 22:14

Muñeˈe Ananiyaas li alaañen aanom: “Ateemit ata situubawolaal sihaan lal̥usil̥us akat to boot min uhaas húnongumahu hoola, li ujuk Yéesu acolumuu, ban li újamum li butumool hulimahu hoola.

Bakaanelabu 3:14

Li jihoy Yéesu ammuu an anabe li an acole, min jilob Filat min ákatenuluul an amuke bukan.

2 Kata Koolent 5:21

Kilisita akaanutumuu kahoofoo, Ateemit li akaanool ateb kahoofoo humum hoololaal, bájum li újowumaal li akila min ulakowaal macolamu mata Ateemit.

Eébulo 7:2

Abulaham li asenool bújufabu bata wahawu feh wan áŋalulo bómuu. Kajawaku unku Melikisedek, yo yommuu «Ayíi ata macole». Melikisedek áyii ata Salem foof lalakowe, yo yommuu «Ayíi ata kásuumaay.»

Eébulo 7:26

Yéesu okila ammuu kama álambaawu áamakawu ajakumuu boot li alolaal. Lakankaan an anabe, akaanut majakut ban abajut kahoofoo kanookan. Lagiilooligiiloo li kuhoofoolabuku, ban Ateemit li atebenool boot haatiya ajow akaay emitayi.

Saak 1:18

Ateemit humumool, li hulimahu hoola hata mal̥egen labukumolaalumuu. Lakankaan mo, naboo li húnongumahu hoola, mantee li ulakowaal bubukoolumabu bútinaalabu li wahawu woola feh wan áwuwenumuu.

1 Fiyeel 1:23

Hulimahu hata Ateemit hukaanuulumuu jilako bukan kuwunkul. Ban Hulimahu unhu hunokoolut li sígul sayilo sikajen. Hulonloŋ ban huyilaat huket, hunhu to boot nanoonan.

1 Fiyeel 1:3

Kasal kujow kulako li Ateemit ammuu Atuubaawu ata Amaaŋenawu kata mal̥egen,

1 Fiyeel 3:18

mata Kilisita humumool lálallaam ñano ban kale, boot li uhoofoolawu wata bukanabuku. Okila jacolumuu, li aket boot li bukanabuku kacolutumuu, bájum li ájowetumuul boot bata Ateemit. Bukanabuku kumuumuk eniilayi yoola yata ál̥ahukowan, bale Buyinumabu bata Ateemit li bukaanool álaañul li buloŋ.

2 Fiyeel 1:4

Li wahawu unwu Ateemit ásenumolaamuu wahawu watiineniyaawu ban li uluuk ŋáa’, wan alobumuu kasenolaal, bájum li jiyili jífu’ li kásiibowaku kajakutumuu kammuu li adunaayi inye yakajenumuu, min jíjowum tó jiŋa’ bóonowabu bata Ateemit.

1 Saŋ 2:1

Kuñoolom, likiicuukiic kulimaku unke jakum bil jihoofoo. Bale nokoomuu loon akee li bukuluul ahoofoole, lubajaale akooŋena hákil Atuubaawu: Okila ammuu Yéesu Kilisita, acolumuu.

1 Saŋ 3:5

Imban jihaase joon Yéesu labiibil boot káfulen uhoofoolawu, ban akila humumool abajut kahoofoo.

1 Saŋ 3:7

Kuñoolom, jíkaanum, jakum an abuntuul. An akaane wah wacole, lakankaan an acole loon Kilisita humumool akaanumuu an acole.

1 Saŋ 4:7

Kutuyom kan iboolaat, úbooliwoolaal mata húbooliyahu li Ateemit hubilumulo. An abajumuu húbooli, añool Ateemit laam ban lahaase Ateemit.

1 Saŋ 5:1

An áyinenumuu kaanaku Yéesu ammuu Kilisita, anawu ummu añiil ata Ateemit laam. Ban an áboolimuu Ateemit Atuubaawu, anawu ummu fan ábooli foof bañiilabu bata Ateemit.

1 Saŋ 5:18

Luhaasaale oonaal an áami añiil ata Ateemit let anaak akaan kahoofoo, mata Añiilawu ata Ateemit lafooyoofooy, ban Sayitaane let ayili li akila wahoowah.

1 Saŋ 5:4

Mata añiil anoowan ata Ateemit laheeheek adunaayi. Li káyinenaku koololaal lúheekumaalumuu adunaayi.

3 Saŋ 1:11

Atuyom an iboolaat, jakum uliikoo li wah wajakut, bale uliikoo li wah wajake. An akaane majake, Ateemit akilool, bale an akaane majakut, ahaasut Ateemit.