Provérbios 4:23 - Kaxinawá Bíblia (BR)

Haskakĩ hiwea kayabi mĩ bitiruwẽ taeshũ hawara betsa mai anua mĩ betxipaiai binumakĩ mĩ shinã pe mekekubaĩshãwẽ.

Provérbios 4:23 Referencias Cruzadas

Provérbios 11:16

Aĩbuaibu duapa pepabu betxipaikĩ hatu kẽwãkubaĩmisbuki. Hakia tsuara yurabuki hawa dateama hawẽ hãtxa kushipawẽ hatu mesewatã pei itxapa bi bestimisbuki, tsua hatu kẽwãmamarã.

Provérbios 13:3

Tsuãra hawẽ hãtxa mekemis ibubis meketirubuki. Hakia tsuãra hamapai yui hãtxawãmisrã, hamẽ hawena besti benushanikiki.

Provérbios 16:17

Huni pepabu hiwei pekaĩkinã, txakabu tibi ana akama henekubaĩmiski. Haskakĩ hatũ hiwea mekekĩ hatũ yura ibubis pe mekeriakubaĩmisbuki.

Provérbios 22:5

Huni txakabubu hiwekubaini mapukinã, hawẽ hatu itxakawakĩ beparanaibu itxapa uĩkubaĩmisbuki. Hakia tsuãra ibubis hawẽ hiwea pe mekekubaĩkinã, hawara txakabu tibi dũkebaĩmisbuki.

Provérbios 3:21

Epaã, mĩ shinã pepa arutã haratura pepa inũ haratura txakabu unãti tapĩtã hawa hakimayamakũkaĩshãwẽ.

Provérbios 4:7

Hamapai betsa mĩ ariama ha dukũ unanepa inũ hawara pehaira mĩ unãti watiru tapĩtã ha shinãkĩ txibãkubaĩshãwẽ.

Mateus 15:18

Hakia hatũ xinã meranua hawara txakabu haya hawẽ txakabumisbuki.

Mateus 15:19

Hanua eska yurabu haya hatũ xinã uke merã aruabu txakabu xinãkĩ shabakabi tashnimamisbuki, eska tibi xinã meranua shabakabi kaĩkinã, huni betsaki yubakatã tenãkinã, huni betsã aĩ txutãkinã, shebi hayabu txutabaũkinã, yumetsuirã, txani txakairã, yura betsa ha akinã.

Marcos 14:38

Txanima matũ xinã pebia matũ yura babuwẽ taea mã punu nukaya matuki txakabu hikia mã kaneyamanũbũ Deusũ hau matu merabewanũ ushama habe hãtxakãwẽ— hatu wabaini

Lucas 6:45

Habiaska keskari tsuabura duapabu huĩti pepaya hãtxa pepawẽs hãtxamisbuki. Hamẽ tsuabura duapa huĩti pepa haya hawa txakabu hayama yui hãtxa pepawẽs hãtxamisbuki. Ha inũ, tsuabura hatũ huĩti merã xinã txakabu mata hãtxakĩ txakabu yuikĩ kaĩmamisbuki— iwanã,

Deuteronômio 4:9

Hakia 40 ano dasibi mã uĩkubirãshina mã hakimataskayamashanũbũ uĩrahairakubaĩshãkãwẽ, shinã heneamarã. Haska mã uĩkubiranai shinaĩ hiwekubaĩkĩ na habias hãtxa inũ hawara mã uĩkubiranai matũ bakebu inũ matũ bababu shabakabi hatu yusĩkĩ tapĩmakubaĩshãkãwẽ— iwanã,

Hebreus 12:15

Tsuabura Deusũ inãkuĩ pepa danãma hau hayai keyunũbũwẽ. Hamẽ haskama tsuara mã huĩti sinayarã, sika tatxa paepa keskatũ hatu daũkĩ akawakĩ yurabu mã hatu danãmatiruki. Uĩrakubaĩkãwẽ.