Mateus 15:19 - Kaxinawá Bíblia (BR)

¹⁹ Hanua eska yurabu haya hatũ xinã uke merã aruabu txakabu xinãkĩ shabakabi tashnimamisbuki, eska tibi xinã meranua shabakabi kaĩkinã, huni betsaki yubakatã tenãkinã, huni betsã aĩ txutãkinã, shebi hayabu txutabaũkinã, yumetsuirã, txani txakairã, yura betsa ha akinã.

Kashinawa : Diosun Jesúswen taexun yuba bena yiniki

¹⁹ Janua eska yudabu jaya jatun shinan uke medan aduabu chakabu shinankin xabakabi taxnimamisbuki, eska tibi shinan medanua xabakabi kainkinan, juni betsaki yubakatan tenankinan, juni betsan ain chutankinan, xebi jayabu chutabaunkinan, yumetsuidan, chani chakaidan, yuda betsa ja akinan.

Mateus 15:19 Referencias Cruzadas

Gênesis 6:5

Senhor Deusũ hatu uĩkĩ: “Mai anu yurabu txakabuhairakĩ hatũ shinã txakabu hawa heneabumahairaki.

Gênesis 8:21

hawẽ kuĩ nue maiai Senhor Deusũ shetekĩ benimakĩ shinãkĩ: “Hunibu ewariama shinã txakabui taemisbuki. Hunibu ewatã habiaskari ikubaĩmisbuki. Haskabiakẽ hatu kupikatsi ikama ẽ ana mai hatu txakabuwashunama ishanaii, kupikinã. Henewẽ ẽ haska waimarã, mai anu hiweabu dasibi ẽ ana hatu tenãma ishanaii.

Provérbios 22:15

Berunãbũ shinã pepa unãmarã, unaĩsmapatũ shinã txibaĩ patapakubainaibu hanushũ hatu pewakĩ hatu kusha kusha akĩ nĩkamakĩ hatũ patapa henematirubuki.

Provérbios 4:23

Haskakĩ hiwea kayabi mĩ bitiruwẽ taeshũ hawara betsa mai anua mĩ betxipaiai binumakĩ mĩ shinã pe mekekubaĩshãwẽ.

Provérbios 6:14

Hatũ shinã txakabuwẽ taea shinã txakabuwakĩ haska shinãkubaĩmisbuki, hau detenamenũbũ hawara huni betsã hakiri txakabu yuishu hatuki txanikĩ hatu sinatamairã.

Isaías 55:7

Huni txakabubũ hau hatũ hiwea txakabu inũ hatũ shinã txakabu henetã hau Senhor Deus anu benũbũwẽ. Mã haskaibuwẽ taea Senhor Deus matuwẽ nuishanikiki. Matũ txakabu henetã Deus anu txĩtũribirãkãwẽ. Harã, matuwẽ dabanã ikĩ matũ txakabu matu buashũshanikiki.”

Números 22:29

Balaãonẽ kemakĩ yuikĩ: —Mĩ ea itxakawakĩ iyu pewama ẽ mia aki ikaii. Ẽ mekẽ anu nupe tsumashunã, ẽ ma mia tenãshu ikeanaii, ikisrã— aka

Mateus 15:20

Haska tibi yurabũ xinã anua tashnikĩ hatu txakabuwamiski, Deus sinatamakinã. Hakia fariseubũ beya txibãma mepanuama pikĩ Deus sinatamatirubumaki— nuku aniki.

Mateus 5:28

Hawẽ hãtxa ikũki. Ana habiasri matu yusĩnũ nĩkakãwẽ. Tsuãra aĩbu kawanai uĩ hawẽ kemukĩ txutakatsis ikĩ xinaĩnã, ma txuta keskaki.

Mateus 9:4

tsuã Jesus yuiamabia hatũ xinã unãkĩ Jesusũ hatu yukakĩ: —Matunã, haskakĩ mã xinã txakai ikai?

Hechos 8:22

Eã haska ẽ mia unãiĩ. Haska yushĩ txakabũ muka mĩ bini mĩ heneriamakẽ mia merãshũ ha mĩ txakabũ mia neshayuaki. Hakia xinã betsa watã mĩ txakabu mĩ putaya hau Deusũ mia buashunũ mĩ yuka mĩ txakabu mia buashũtirumẽkaĩ— aka

Romanos 7:18

Ha inũ, Yushĩ Pepatũ kuxipa xinãma hawara pe ẽ akatsis ikai emebi ẽ xinã kuxipawẽ taeshũ ẽ akairã, babuki. Haska ẽ yuiairã, eskaki. Hawara pepa anũ ishũ emebi ẽ xinãnẽ ẽ ha abuai ẽ atirumaki.