Neemias 2:5 - Kaxinawá Bíblia (BR)

ẽ shanẽ ibu yuikĩ: —Shanẽ ibuũ, haska ẽ mia dayashunai mĩ ea betxipaiai keskarã, mĩ ẽ shanẽ ibũ ekiri haska pe shinãkĩ mĩ ea yunuarã, Judá mai pakea anu kashũ hanu ẽ shenipabu maiwanibu anu uĩkĩ ẽ hatũ mae ana pewakĩ ẽ hatu bena washũkatsis ikaii— ẽ waya

Neemias 2:5 Referencias Cruzadas

Neemias 2:4

shanẽ ibũ ea yukakĩ: —Mia haska washũkĩ ẽ mia merabewatirumẽ?— ea wa hau ea merabewanũ Deus nai anua ẽ huĩtinĩ yukatã

Neemias 2:6

hawẽ aĩ shanẽ ibuhairari ha dapi tsaukẽ shanẽ ibũ ea kemakĩ yuikĩ: —Hari karã, hati ano mĩ txĩtunũ ika ikai?— ea wa ha baritiã ẽ hushanai ẽ yuia ea nitxinũ ika shanẽ ibu benimakĩ: —Katãwẽ— ea waya

Ester 1:19

Haskawẽ taeshũ yuikĩ: “Mĩ aĩ kayabi Vasti urẽkĩ mĩ nitxiã ana mia bebũ hupaketirumaki. Haska watã hawẽ shãtukũ aĩbu betsa ha binua katutã mĩ aĩ kayabi mĩ watiruki”, akĩ haska mĩ betxipaiai miã shinãkĩ mĩ ana yunu bena watiruki. Mĩ haska yunuaya hau maewakĩ betsa taskawayamashanũbũ Pérsia nawabu inũ Média nawabũ nemati hãtxa nukũ una anu hau kenenũbũ mĩ hatu yunutiruki.

Ester 5:8

Ea betxipaikĩ ea uĩmakĩ ashũkinã, hawara ẽ mia yukai mĩ ea ashũshanimẽkaĩ. Mia kẽwãkĩ piti ẽ ma pewa meshukiri ebetã pi mia inũ Hamã mã ana hutiruki. Habiatiãri haska mĩ ea yukashu ẽ mia yuishanaii— aka pikĩ keyutã tashnibainaibũ

Ester 7:3

kemakĩ Esterĩ yuikĩ: —Mĩ ẽ shanẽ ibuki. Ewẽ benimakĩ haska mĩ ekiri pe shinaĩ inũ mĩ ea betxipaiai eska ẽ mia yuiai ea nĩkawe. Ea inũ enabu nuku detekĩ tenãshanũ ika ma yubakashinabuki. Ea inũ enabu nũ mawayamashanũ hatu nuku nemashũshãwẽ.

Ester 8:5

Assuero yuikĩ: —Txanima kayabi ea betxipaikĩ mĩ ewẽ benimaimẽkaĩ. Mĩ nukũ shanẽ ibukẽ haska ẽ mia yukai pemẽkaĩ. Hawara ẽ mia ea akai pe shinãkĩ Hamedatã bake Hamãnẽ yunuti hãtxa hatu bumaima nemakĩ hau ayamashanũbũ mĩ ana kene bena wakĩ nuku hatu yunushũtiruki, hanu província tibi mĩ yunumis anushũ Judeu nawabu hau tenãyamashanũbunã.

Provérbios 3:4

Mĩ haska hiwekũkainaya Deus inũ yurabu miwẽ benimakĩ mia betxipaikubaĩshãkanikiki.

Mateus 23:27

Hanua maturã, Deusũ hãtxa kenenibu yusĩnanãmisbu inũ fariseubu beparamemisbuũ, hunibũ pewakĩ hanu mawabu maiwamisbu mixki tãpe hawẽrua wanũ, iwanã, bemakis hushupawẽ dapushmisbuki. Hakia uke merã shau inũ nami txapui pisi maiai mania tsuã meisbuma

Rute 2:13

Rutẽ kemakĩ yuikĩ: —Mĩ ea haska hãtxa wakĩ mĩ ea benimawaii, haska mĩ ea hãtxa pewairã, ẽ mĩ dayarumabiakenã— aka