Ester 1:19 - Kaxinawá Bíblia (BR)

¹⁹ Haskawẽ taeshũ yuikĩ: “Mĩ aĩ kayabi Vasti urẽkĩ mĩ nitxiã ana mia bebũ hupaketirumaki. Haska watã hawẽ shãtukũ aĩbu betsa ha binua katutã mĩ aĩ kayabi mĩ watiruki”, akĩ haska mĩ betxipaiai miã shinãkĩ mĩ ana yunu bena watiruki. Mĩ haska yunuaya hau maewakĩ betsa taskawayamashanũbũ Pérsia nawabu inũ Média nawabũ nemati hãtxa nukũ una anu hau kenenũbũ mĩ hatu yunutiruki.

Ester 1:19 Referencias Cruzadas

1 Reis 3:28

ha aĩbu dabe ha irabeaibu hatũ txakabu unãti watã Salomãonẽ hatu pewashina Israelĩ enabũ nĩkaibũ, hau Salomão unanepakĩ pe hatu yunukubaĩshanũ Deusũ haska inaĩma hatu pewakĩ unãkubainai dasibi Israelbũ unaĩ hawẽ datekĩ hawa txakabu hakiri yuiama ikubainibukiaki.

Ester 1:18

Ha dikabi Pérsia nawabu inũ Média nawabu shanẽ ibubũ hatũ aĩbuaibũ haska Vasti ishu tapĩkĩ unãtã hatũ benẽ hãtxa nĩkama txakabuwakĩ hatu akabu betxipaiama hatũ bene tibi sinatakubaĩshãkanikiki.

Ester 1:21

Assuero inũ unanepabu habe hãtxanamemisbũ Memucãnẽ hãtxa nĩkatã: “Peki”, ikaibũ haska hãtxa yuishu keska ha txibãbaĩti hau anũbũ shanẽ ibuhaira Assuerõ hatu yunua

Ester 2:1

Txipu hatiãra sinataima maĩtã haska waima inũ haska hakiri kene txakabu wakĩ itxakawabiaima Assuerõ Vastikiri ana shinãyã

Ester 3:9

Haskawẽ taeshũ hau hatu yamawashanũbũ miã haska pe mĩ shinainã, yunukĩ província tibi anu mĩ hatu banabima keyubaũtiruki. Mĩ haska yunuaya hanu mĩ mabu inũ mĩ pei mekemisbu hiwe anu 330.000 quilo mane prata has bushũ ẽ hatu mia arumashũshanaii, inãkuĩkinã— aka

Ester 8:5

Assuero yuikĩ: —Txanima kayabi ea betxipaikĩ mĩ ewẽ benimaimẽkaĩ. Mĩ nukũ shanẽ ibukẽ haska ẽ mia yukai pemẽkaĩ. Hawara ẽ mia ea akai pe shinãkĩ Hamedatã bake Hamãnẽ yunuti hãtxa hatu bumaima nemakĩ hau ayamashanũbũ mĩ ana kene bena wakĩ nuku hatu yunushũtiruki, hanu província tibi mĩ yunumis anushũ Judeu nawabu hau tenãyamashanũbunã.

Ester 8:8

Nukũ yunuti hãtxa shanẽ ibuhairatũ kenaya ẽ meitxikiti keneyãwẽ ma netãbu ha yunuti hãtxa tsuã nemakĩ betsa watirumaki. Hamãnẽ yunuti hãtxa eãri ẽ nematirumaki. Hakia Judeu nawabu merabewakĩ harakiri mã shinaĩ haska mã betxipaiaikiri mã nematiruki. Hakia ẽ kenawẽ ẽ shanẽ ibu beshmasbu hatu nemama mã yunuairã, hau hatu anu bushanũbũ ana kene betsa watã ẽ meitxikiti ẽ kenayãwẽri netãpaketã Judeubu merabewakĩ mã hatu bumatiruki— hatu wa

Daniel 6:17

leão pubẽ anu Daniel ureãbu mishki sapa ewapa beshũ ha kini bepukĩ Daniel kupiti tsuã betsã bepẽtiruma wakĩ bĩ dekua txabai tuis tuis ikaiwẽ buyatã hawẽ meitxikiti keneyãwẽ Dariõ tsamiã shanẽ ibu beshmas dabetũ habiaskari wanibuki, mishki bepeãbu unãti shara wakinã.

1 Samuel 15:28

haska wã hanushũ Samuelĩ Saul ana yuikĩ: —Na ẽ tari mĩ ea ushnishu keska wakĩ Israelĩ enabũ mĩ hatũ shanẽ ibubiakẽ Senhor Deusũ mia ma ushnia keska waikiki. Haska keskari wakĩ mĩ shanẽ ibuai mia ma mebĩtã Israelĩ enabu betsa pepa mia binua Senhor Deusũ katutã inãshanikiki.