Ester 5:8 - Kaxinawá Bíblia (BR)

⁸ Ea betxipaikĩ ea uĩmakĩ ashũkinã, hawara ẽ mia yukai mĩ ea ashũshanimẽkaĩ. Mia kẽwãkĩ piti ẽ ma pewa meshukiri ebetã pi mia inũ Hamã mã ana hutiruki. Habiatiãri haska mĩ ea yukashu ẽ mia yuishanaii— aka pikĩ keyutã tashnibainaibũ

Ester 5:8 Referencias Cruzadas

Ester 1:9

hawẽ benẽ hatu haska waitiã shanẽ ibuhaira Assuerõ hiwe betsa anushũ hawẽ aĩ kayabi Vastĩ ha hatũ bene beshiãbũ aĩbuaiburi tari hatube besikĩ pikubainaya

Ester 5:12

ana kẽkĩ hatu yuikĩ: —Ha dikabi kẽwãkĩ piti inũ nushuti pepa shanẽ ibuhaira Assuero amakĩ ẽ habetã pinũ hawẽ aĩ kayabi Esterĩ ea besti kenashũ pimashuki. Hakia haska bestima meshukiri nuku pimakatsis ikĩ ea ana yubashuki.

Ester 5:7

Esterĩ kemakĩ yuikĩ: —Eã eska besti shinãkĩ ẽ mia yukaii.

Ester 7:1

Esterĩ ma hatu piti pewashuna anu shanẽ ibuhaira Assuero inũ Hamã bushũ

Ester 7:3

kemakĩ Esterĩ yuikĩ: —Mĩ ẽ shanẽ ibuki. Ewẽ benimakĩ haska mĩ ekiri pe shinaĩ inũ mĩ ea betxipaiai eska ẽ mia yuiai ea nĩkawe. Ea inũ enabu nuku detekĩ tenãshanũ ika ma yubakashinabuki. Ea inũ enabu nũ mawayamashanũ hatu nuku nemashũshãwẽ.

Ester 8:5

Assuero yuikĩ: —Txanima kayabi ea betxipaikĩ mĩ ewẽ benimaimẽkaĩ. Mĩ nukũ shanẽ ibukẽ haska ẽ mia yukai pemẽkaĩ. Hawara ẽ mia ea akai pe shinãkĩ Hamedatã bake Hamãnẽ yunuti hãtxa hatu bumaima nemakĩ hau ayamashanũbũ mĩ ana kene bena wakĩ nuku hatu yunushũtiruki, hanu província tibi mĩ yunumis anushũ Judeu nawabu hau tenãyamashanũbunã.

Provérbios 16:9

Hawara wakatsi hunibu yubakakĩ shinaĩbu Senhor Deusũ hatu merabewakĩ haska wai buaibu hatu yunukubaĩmiski.