Heshekiri yuiarã, Deus shanẽ ibuaikiri yusĩti hãtxaki. Ha heshe hanu kati bai anu niri akarã, yurabũ Deuskiri hãtxa nĩkakĩ xinãbiaibũ hamakiria Satanás hushũ hawẽ hãtxa pepa hatũ huĩti anua mebĩmiski.
Mateus 5:37 - Kaxinawá Bíblia (BR) Haskakẽ mã yubakatiruma xinãkĩ ikũ yuikinã: “Haa, ẽ atiruki”, ikasmai: “Hamaki. Ẽ atirumaki”, iki hãtxakĩ besti yuikubaĩshãkãwẽ— iwanã, Kashinawa : Diosun Jesúswen taexun yuba bena yiniki Jaskaken man yubakatiduma shinankin chanima yuikinan: “Jaa, en atiduki”, ikasmai: “Jamaki. En atidumaki”, iki janchakin besti yuikubainxankanwen— iwanan, |
Heshekiri yuiarã, Deus shanẽ ibuaikiri yusĩti hãtxaki. Ha heshe hanu kati bai anu niri akarã, yurabũ Deuskiri hãtxa nĩkakĩ xinãbiaibũ hamakiria Satanás hushũ hawẽ hãtxa pepa hatũ huĩti anua mebĩmiski.
Bairã, mai hirabiki. Heshe peparã, habũ Deusũ hãtxa nĩkakĩ pewamisburã, habu enabuki. Hakia heshe txakaburã, habũ ẽ hãtxa nĩkama Satanásã hãtxa besti txibãmisburã, hawenabuki.
Hanua eska yurabu haya hatũ xinã uke merã aruabu txakabu xinãkĩ shabakabi tashnimamisbuki, eska tibi xinã meranua shabakabi kaĩkinã, huni betsaki yubakatã tenãkinã, huni betsã aĩ txutãkinã, shebi hayabu txutabaũkinã, yumetsuirã, txani txakairã, yura betsa ha akinã.
Ha inũ, matũmebi matũ bushkakiri datã akĩ xinaĩ hawẽri yubakayamashãkãwẽ, mã haska washũ matũ bu mexupa bestitxai maewakĩ mã hushupawatirumakirã.
Nuku mekekĩ hawẽ txakabuti tibi nuku kaĩmashũyamawe. Ha inũ, hawara txakabu tibi nuku nemashũriakubaĩwẽ, atiki— atã
Habiaskabiakẽ: “Ikũwãbuma anua hatu dapashkamabaĩwẽ”, iwanã, ẽ mia yukamaki. Hakia hau diabo Satanásã hatu parãyamashanũ hatu nemashũkĩ mekeshãwẽ.
Mã haskawẽ taearã, matũ iburã, diabo Satanáski. Haska xinaĩ keska ashũkĩ mã abumamiski. Haska inũ, bai taeni anua diabo Satanás pubẽ detenã kaĩ taeni ikũkaĩmiski. Ha inũ, txanima hãtxa hayamawẽ taea txani txakakũkaĩriamiski. Ha inũ, txani txakanikawẽ taea txanĩ epaki.
Eskatianã, nũ Jesus ikũwaĩburã, nũ yura bestitxai keskaki. Haskawẽ taea hawara yui mã hãtxairã, ana txani txakai parananãma matunabube shabakabi yuinamekubaĩkãwẽ.
Haska inũ, Deus ikũhairawakubaĩwẽ. Nũ haskawaya soldadobũ hatũ hi besha turuwẽ hatũ yura hunemis keska wakĩ Deuski sinataibũ hatũ txakabuwẽ nuku binupaiabu nukũ nũ nematiruki.
mã txani txakamisrã. Natiã haska tibi mã ma heneamẽkaĩ, matũ hiwea shenirã. Haskakẽ ana haska Deusũ abuama txakabu tibi ayamakubaĩkãwẽ.
Haska inũ, hatube hãtxai hãtxa duapa inũ hãtxa pepa bestiwẽ hãtxakãwẽ, haska yura tibibũ bika teneaibu hatu merabewakĩ hatu kemai hãtxai peirã.
Haska wakĩ Satanásã matu kanemakatsis ikaya nukũ Shanẽ Ibu nuku hakimaismatũ nuku shunũbainama matu kuxipa wakĩ mekekĩ txakabu matu binumakubaĩshanikiki.
Ẽ betsabu inũ ẽ puibuũ, hawara hatu ashũkatsis ikĩ hawẽ hatu mestẽhaira wamanũ ishũ Deuskiri kasmai hamapai tibikiri hãtxai habukiri yubakayamakubaĩkãwẽ. Hakia: “Ẽ akaii”, itã kaneama akubaĩkãwẽ. Hamẽ: “Ẽ akamaki”, iki yuiriatã ariayamakubaĩkãwẽ, mã haskakĩ kaneismawẽ taeshũ hau Deusũ matu kupiyamashanunã.
Epabu inũ ewabuũ, Deusũ mai damiwariama hawẽ bake habe hiwekũkaini mã ma ikũwãkĩ unaĩwẽ taeshũ ẽ matu kene bumaii. Berunãbu inũ txipaxbuũ, Deusũ hãtxa txibãhairakĩ huĩtinĩ mestẽwãtã mã yushĩ txakabu Satanás maemaiwẽ taeshũ ẽ matu kene bumaii.
Adãonẽ bake dabe inibukiri matu ana xinãmanũ nĩkakãwẽ. Caimnẽ Satanásã xinã txibãkĩ hawẽ betsa tenãnikiaki. Haskarawẽ taeshũ animẽ? Caimnẽ hawẽ hiwea pepamakẽ hawẽ betsã Deusũ yunua aki pepaya haki sinatakĩ tenãnikiaki. Caimnẽ hawẽ betsa Abel abuama ini keskariai nukuburã, haskayamakubainãkãwẽ.
Tsuãra ikũwãkĩ Deus hawẽ Epa wai ma haki dasiarã, ana txakabu mekubaĩtiruma nũ unaiĩ, Deusũ bake Jesusũ mekekubainayarã. Ha dikabi Satanásã yunukĩ ikũwaĩbu kanematirumaki.