Efésios 4:25 - Kaxinawá Bíblia (BR)

²⁵ Eskatianã, nũ Jesus ikũwaĩburã, nũ yura bestitxai keskaki. Haskawẽ taea hawara yui mã hãtxairã, ana txani txakai parananãma matunabube shabakabi yuinamekubaĩkãwẽ.

Kashinawa : Diosun Jesúswen taexun yuba bena yiniki

²⁵ Eskatianan, nun Jesús ikunwainbudan, nun yuda bestichai keskaki. Jaskawen taea jawada yui man janchaidan, ana chani chakai padanananma matunabube xabakabi yuinamekubainkanwen.

Efésios 4:25 Referencias Cruzadas

Salmos 15:2

Senhor Deusũ ea kemakĩ: “Tsuabura pe besti hiwekĩ pepas besti akubaĩmisbu inũ, txanitxakakatsi ikama parananaĩsma inũ,

Provérbios 12:17

Huni pepabũ hawara ikaibu uĩ pewatã txanima hãtxa besti yuimisbuki. Hakia huni txakabũ hawara uĩ pewamabia txanitxaka bestikĩ yuikubaĩmisbuki.

Provérbios 12:19

Tsuabũra txanima hãtxa besti yuimisburã, hiwei ikibi ishãkanikiki. Hakia tsuabura txanitxakamisburã, hawẽ hiwea hawaira keyushanikiki.

Provérbios 12:22

Habu txanitxakamisbu betxipaiama Senhor Deusũ hatu danãmiski. Hakia tsuabura hawa txanitxama yui pewakubainaibu hatu uĩ hatuwẽ Senhor Deus benimahairamiski.

Provérbios 21:6

Parananaĩ txanitxakabetanã mabu inũ pei itxapa itxawakubaini hawẽ hiwemisburã, kuĩ puabaini hawaira yamabaĩmis keskai hatũ mawa benamisbuki.

Provérbios 6:17

Ibubis kẽmisbu inũ, txanitxaka bestimisbu inũ, hawa txakabuwamabiakẽ hatũ mekẽwẽ hatu tenãmisbu inũ,

Provérbios 8:7

Haska ẽ matu yuiai txanimaki. Txani hãtxa yuiaibu ẽ betxipaismaki.

Isaías 63:8

Deusũ yuikinã: ‘Ha enabu ẽ bakebunã, hawa ea danãkĩ ea txakabuwama ishãkanikiki’, itã hatũ habu piskumaikiki,

João 8:44

Mã haskawẽ taearã, matũ iburã, diabo Satanáski. Haska xinaĩ keska ashũkĩ mã abumamiski. Haska inũ, bai taeni anua diabo Satanás pubẽ detenã kaĩ taeni ikũkaĩmiski. Ha inũ, txanima hãtxa hayamawẽ taea txani txakakũkaĩriamiski. Ha inũ, txani txakanikawẽ taea txanĩ epaki.

Romanos 12:5

Haska keskari nũ yura itxapabubia Cristoki dasia nũ yura bestitxai keskaki, nũ habũ Cristo dayashunai pabu betsa tibibia nũ habias yura bestitxai keskabuki.

1 Coríntios 10:17

Nũ Jesus ikũwaĩbu nũ yura betsa betsapabia dasibibũ ha misi nũ pimisbuwẽ taearã, Jesus nuku mawashuni xinaĩ nũ habias yurabuki.

2 Coríntios 7:14

Haska hãtxa txanima nũ matu yuimis keska wakĩ Tito matu anu ẽ nitxĩriama matukiri kẽwãkĩ ẽ kaneama ikimawẽ taea ẽ hawa matuki txakabumaki. Haskawẽ taea txanima hawara matukiri ẽ yuima mã habiaskaki. Haska ẽ Tito yuima keska uĩmakĩ mã beyawaimawẽ taea nũ matu kẽhairawaii.

Efésios 4:15

Hakia abunamekĩ hãtxa kayabi yui nukũ Shanẽ Ibu Cristo keskai ewai hiweyukubainãkãwẽ, Cristo nukũ bushkakẽ haki dasi tsamitã nũ hawẽ yura ewawairã.

Efésios 4:22

Haskawẽ taeshũ matubunã, matũ hiwea sheni shabakabi yuikĩ txiterikãwẽ. Haska uatiã txakabui hiwekũkaĩkĩ txakabu betsa betsapawẽ kemukĩ ibubis parananaĩ mã ikũkainairã, putai beshterikãwẽ.

Efésios 4:31

Haska inũ, harakirira matu txakabuwabu has xinaĩ mã amua nimis, inũ mã pubẽhairamis inũ, mã sinatamis inũ, mã kũyã itxakayamamis inũ, sheti ikama mã ha imis inũ, hamapai txakabu betsa betsapa matũ hashpa anua kaĩmisrã, matubunã, puta keyurikãwẽ.

Efésios 5:30

hawẽ yurakenã. Nukuburã, ha yurakirã, nũ hawẽ pabu tibiki.

Colosenses 3:8

natiã ana haska meama menã hawaira dasibi hene keyurikãwẽ, mã eskamisrã, mã sinatamisrã, mã kemumisrã, mã txakabu wamisrã, mã sheti ikama kũyã imisrã, sherabiãma mã hãtxa txakabu yui shetxakamisrã,

Colosenses 3:9

mã txani txakamisrã. Natiã haska tibi mã ma heneamẽkaĩ, matũ hiwea shenirã. Haskakẽ ana haska Deusũ abuama txakabu tibi ayamakubaĩkãwẽ.

1 Timóteo 1:10

txutabaũmisbu inũ, huni dabe txutanamemisbu inũ, aĩbu dabe txutanameaibu inũ, yura betsabu yumetsushũ hawẽ pei bikatsi dayaru wakĩ inãmisbu inũ, txani txakamisbu inũ, hamẽ uĩyamabia yura betsaki yubakatã paranamisburã, haskabunaki, haska habũ yusĩa kayabi txibaĩsbumarã.

1 Timóteo 4:2

Ha yurabu beparamenikabu inũ txanitxakanikabũ habu hawaki dakeisbuma habũ hatũ yusĩa txibãshãkanikiki.

Tito 1:12

Hatunabu betsa unãnepatũ hatukiri kenekĩ yuikĩ: “Creta anua enaburã, habunã, hawara akamabia hamẽ kemutapai txani txakamisbu inũ, pubẽ bestibu inũ, pikebu inũ, hawa dayama txikixmisbuki”, anirã,

Tito 1:2

Deus txani txakaismatũ mai damiwariama hawẽ hãtxawẽ hiweakiri yubakani hatũ hiwea ikibi ika tsumatũ hawa betsa wama ishanai nũ manaii.

Hebreus 12:1

Haskakẽ nukunabũ habu dukũtũ Deusũ yubaka hãtxa ikũwãkĩ bika betsa betsapa hatu tenemakĩ memabu habuã hatũ xinã nuku uĩmakubainishũ natiã nuku uĩkanikiki. Xinanãkãwẽ. Nuku hatũ itimaska wai inũ hamapai txakabu tibitũ nuku beshetiru henetã beamabaĩkĩ hawara pepa Deusũ nuku yubamis ha xinaĩ kuxipai dayashũkĩ heneyamakubainãkãwẽ.

Santiago 1:21

Haskawẽ taea matu dasibibũ haska Deusũ atimapa danãmis txakabu betsa betsapa mã haya henekĩ puta keyurikãwẽ. Mã haska waiwẽ taeshũ Deusũ kakape matu yusĩabu mã ma nĩkanirã, hawa danãyamakãwẽ. Ha Jesusũ hãtxarã, kuxipa paepaki. Hatũ matu pasha washanikiki.

1 Pedro 2:1

Haska inũ, hamapai txakabu tibi mã akeakemis inũ, mã parananãmis inũ, mã beparamemis inũ, tsuara hawara pepa hayakẽ mã haskatiruma xinaĩ mã hatuki sinatamis inũ, hawara yura betsa ikai uĩtã matunamabia hawẽ taea mã yuãnanãkeakemis ana haskakiri xinãma henerikubaĩkãwẽ.

Apocalipse 21:8

Hakia hamẽ ekiri hãtxabiai eki dakemis inũ, eki petxia hawa xinaĩsbuma inũ, yura betsabe danãnanãmisbu inũ, yura betsa tenãmisbu inũ, txutanamebaũmisbu inũ, mukayakĩ Satanásã kuxipa yukamisbu inũ, yushĩ dami betsa kẽwãmisbu inũ, txani txakabaũmisbu habu dasibi ẽ kupia hanu buirã, ha iã hanu enxofre menui here hi hi ikai anu ha hatũ dabeki mawa meshãkanikiki”, ea wa ẽ matu keneshunaii.

Apocalipse 22:15

Hamẽ betsaburã, Deus danãkĩ hamapai txakabuwamisbu inũ, mukayakĩ Satanásã kuxipa yukamisbu inũ, txutanamebaũmisbu inũ, yura betsa tenãmisbu inũ, yushĩ dami betsa kẽwãmisbu inũ, dasibi hamapai tibi abubaũmisbu inũ, txani txakamisbu habu haskamisbu besti baxikushãkanikiki, habu Deusũ mae pepa anu hikiamarã.

Juízes 16:11

ana parãkĩ yuikĩ: —Dispi ewapa bena tsuã meriamawẽ ea neahairabu ẽ kushipa ẽ benutiruki, huni kushipa mirĩ keskairã— aka