Mateus 26:63 - Kaxinawá Bíblia (BR)

Jesus pes hawa yuiama nikẽ Deusbe nukunabu hãtxashunika shanẽ ibuhairatũ ana yuikĩ: —Deus hiweatũ mia nĩkaya hau mĩ txanitxakayamanũ ẽ mia yunuai, ikũ nuku yuiwe. Habia mĩ miamẽ ikairã, mĩ Deusũ bake nukũ mekenã Messias Cristorã?— aka

Kashinawa : Diosun Jesúswen taexun yuba bena yiniki

Jesús pes jawa yuiama niken Diosbe nukunabu janchaxunika xanen ibujaidatun ana yuikin: —Dios jiweatun mia ninkaya jau min chani chakayamanun en mia yunuai, chanima nuku yuiwe. ¿Jabia min miamen ikaidan, min Diosun bake nukun mekenan Mesías Cristodan?— aka

Mateus 26:63 Referencias Cruzadas

1 Reis 22:16

hakia shanẽ ibuhaira Acabẽ kemakĩ yuikĩ: —Ẽ miki txanibia mĩ ea yui pewaismaki. Senhor Deusũ hãtxa hawara mia yuiai besti ea yuiwe, natiã Senhor Deusũ kena kushipawẽ txanima hãtxa besti ea yuikinã, ẽ nĩkakatsis ikairã— aka

Salmos 42:2

Deusũ ea hiwea inãmis putakatsi ikama ũpash manuai keskai ẽ habe nikũkainaii. Hatiã ana txĩtũkirã Deus bebũ ẽ nishanai?

Isaías 53:7

Habũ atxitã itxakawabiabu hawa hatu nemama inũ hawa hãtxa betsa yui taskama ishanikiki. Habũ txashuwã detemisbũ txashuwã bake detekatsi buabu “maã, maã” isma keskai hawa yuiama ishanikiki, txashuwã hawẽ dani meshtekatsi bitximis keska wabiaburã.

Daniel 3:16

Sadraque inũ, Mesaque inũ, Abede-Negõ kemakĩ yuikĩ: —Ha dami kẽwãtikiri nũ mibe haska hãtxa hayamaki.

Mateus 16:16

Simão Pedrõ kemakĩ: —Miarã, Epa Deus hiweatũ bake mĩ nukũ mekenika Messias Cristoki— aka

Mateus 26:62

haska waibu nĩkabaikĩ Deusbe nukunabu hãtxashunika shanẽ ibuhaira Caifás namakis dasiabube tsauwa benitã nishũ Jesus yukakĩ: —Na hunibũ mikiri txakabu yuiaiburã, miarã, haskai mĩ hatube kemanameamamẽ?— aka

Mateus 27:12

Deusbe nukunabu hãtxashunika shanẽ ibubu inũ shanẽ ibu betsabũ hakiri yuikĩ txani tibi txiteaibũ Jesusũ hawa yuiama nikẽ

Mateus 27:14

Jesusũ hawa hãtxa betsa yuiama nikẽ: —Habaa! Haskai hãtxamamẽ? —itã Pilatos harakiri xinãtimawa

Mateus 27:40

yuikĩ: —Uĩwẽ. “Deus kẽwãti mixki Templo tekekĩ purekĩ keyutã shaba dabe inũ besti kaya ẽ ana benishanaii”, mĩ ixiãki. Mĩ ha kuxipa hayarã, haska mĩ Deusũ bakemẽkaĩ ha cruz anua mimebi pashai buturiwe, mawamarã— akaibũ

Mateus 27:54

Hanua Romano capitão inũ habũ Jesus mekekĩ mai patxa sakui betsa betsai uĩ datehairakĩ yuikĩ: —Ikũ kayaki. Na hunirã, Deusũ bakeki— ikaibũ

Mateus 4:3

diabo Satanás haki nukutã unãti wanũ ishũ yuikĩ: —Haska mĩ Deusũ bakemẽkaĩ? Mĩ buniairã, na mixki mania damiwakĩ misi watã piwe— aka

Marcos 14:61

Jesus pes hawa yuiama nikẽ Deusbe nukunabu hãtxashunika shanẽ ibuhairatũ ana yukakĩ: —Habia mĩ miamẽ ikairã, mĩ Deusũ bake nukũ mekenã Messias Cristorã?— aka

João 1:49

ikũwãkĩ yuikĩ: —Yusĩnaã, ikũ mĩ Deusũ bake kayabiki, Israelbũ shanẽ ibu dasibi binuarã— aka

João 10:24

shanẽ ibubũ bebũteshũ yukakĩ: —Hatishuĩra nũ ana hamẽ bika teneyamanũ menã hawa kuxi shabakabi nuku yuiriwe, habia mĩ nukũ Messias Cristomẽkainã— akabu

João 10:30

Ea inũ ẽ Epa Deus ha dabe nũ bestitxai keskaki, dapashkanaismarã— hatu wa

João 10:36

Deusũ ea meribi washũ yurabu anu ea yununirã, eã yuikĩ: “Ẽ Deusũ bakeki”, ẽ ikaiwẽ taeshũ: “Mĩ Deus itxaii”, ikĩ ea txitekĩ mã kaneaii.

João 18:37

hanushũ Pilatõs ana yuikĩ: —Haskakenã, txanima mĩ shanẽ ibu kayabiraka— aka Jesusũ ana yuikĩ: —Mĩ haska hari yuiairã, ẽ Shanẽ Ibu kayabiki. Haskanũ ika yurabube hiwei ẽ tashnikiraniki, hatu txanima kayabi meshtãmairã. Tsuabũra txanima hãtxa abukĩ ẽ hãtxa nĩkamisbuki— aka

João 19:7

Deusbe nukunabu hãtxashunika shanẽ ibubũ yuikĩ: —Txani txakai: “Ẽ Deusũ bakeki”, imiski. Deusũ hãtxa Moisés nuku keneshuni nũ hayaki. Haskawẽ taeshũ Deus yuãkĩ kanemiswẽ taea nũ yunuaiwẽ taearã, hau mawanũwẽ— aka

João 19:9

hawẽ kene merã ana txĩtuãbaĩ Jesus iyushũ yukakĩ: —Mĩ haniamẽ?— aka Jesusũ ana hawa yuiamakẽ

João 8:25

e itã betsabũ yukakĩ: —Miarã, mĩ tsua iki ikai? —akeakeabu —Haskai hamẽraka ẽ matu hãtxa txakawai ikai? Habia ẽ matu yuikĩ taewashuki.

2 Coríntios 1:19

Ea inũ Timóteo inũ Silvanonã, Deusũ bake Jesus Cristokiri besti nũ matu yusĩmiski. Hawẽ bake Jesus Cristokiri yubakai hãtxani Deusũ betsa waisma haska menenishũ betsa wama akubaĩmiski.

1 Pedro 2:23

Hanushũ Cristo itxabiabu hatu bebis kemanamei hãtxama iniki. Isĩ tenemabiabu hawẽ hatu dateti hãtxa kuxipa tashnimama iniki. Hamẽ haskama Deusũ hatu unãti wakĩ txanima kaneismatũ hau mekekubainũ hawẽ hiwea hawẽ Epa Deus inãkubainiki.

1 Samuel 14:24

Saulũ Israelĩ enabu hatu yubakĩ nemakĩ yuikĩ: “Bari kariama eki sinataibu nũ hatu dete keyuriama Filisteu nawabu txibãbaĩkĩ detekubaĩkĩ tsuã taska piyamayushãkãwẽ. Tsuãra ea nĩkama bunikĩ mã piarã, txakabuhairashanikiki”, haska hatu wabiranawẽ taea ha shabatiã Israelĩ enabũ hawa piti betsa metsabumahairakẽ ma hĩ iki punu nukai babubiashũ

1 Samuel 14:28

hawẽ detenamenika betsã uĩtã yuikĩ: —Mĩ epã nuku yubakĩ yuikĩ: “Tsuãra na habiatiã piti betsa piarã, Senhor Deusũ hau txakabuhaira wanũwẽ”, akĩ nuku yuibiranawẽ taea haska nĩkabirana nukunabube nũ ma punu nukahairabuki— aka