João 18:37 - Kaxinawá Bíblia (BR)

³⁷ hanushũ Pilatõs ana yuikĩ: —Haskakenã, txanima mĩ shanẽ ibu kayabiraka— aka Jesusũ ana yuikĩ: —Mĩ haska hari yuiairã, ẽ Shanẽ Ibu kayabiki. Haskanũ ika yurabube hiwei ẽ tashnikiraniki, hatu txanima kayabi meshtãmairã. Tsuabũra txanima hãtxa abukĩ ẽ hãtxa nĩkamisbuki— aka

Kashinawa : Diosun Jesúswen taexun yuba bena yiniki

³⁷ januxun Pilaton ana yuikin: —Jaskakenan, chanima min xanen ibu kayabidaka— aka Jesúsun ana yuikin: —Min jaska jadi yuiaidan, en Xanen Ibu kayabiki. Jaskanun ika yudabube jiwei en taxnikidaniki, jatu chanima kayabi mextanmaidan. Tsuabunda chanima jancha bechipaikin en jancha ninkamisbuki— aka

João 18:37 Referencias Cruzadas

Isaías 55:4

Ẽ haibu Davi ekiri txanikaũti eã ẽ nawabu unãti wamaniki, shanẽ ibukĩ hau habu ekiri tapĩmashanunã.

Mateus 26:64

Jesusũ yuikĩ: —Habiari mĩ yuiaii. Hamẽ eã ẽ mia yuiairã, ẽ Epa Deus kuxipahairatũ yusiuri ẽ tsauwa matũ Hutxi Kayabi Iuwa nai kuĩwẽ ẽ huai mã ea uĩshanaii— akaya

Mateus 27:11

Hanua Romano shanẽ ibu Pilatos anu Jesus iyuabu kaĩkirã tsaushũ yukakĩ: —Miarã, mĩ judeu shanẽ ibubu binu keyuamẽ?— aka Jesusũ yuikĩ: —Hawaikika! Habiari mĩ ea yuiaii— akaya

Marcos 14:62

—Haa. Haska mĩ ekiri yuiairã, ẽ haki. Epa Deus kuxipahairatũ hawẽ yusiuri ẽ tsauwa matũ Hutxi Kayabi Iuwa nai kuĩwẽ ẽ huai mã ea uĩshanaii— ikaya

Marcos 15:2

Pilatõs Jesus yukakĩ: —Miarã, mĩ judeu shanẽ ibubu binu keyuamẽ?— aka Jesusũ yuikĩ: —Hawaikika! Habiari mĩ ea yuiaii— aka

Lucas 22:70

nĩkatã dasibibũ yukakĩ: —Haskakenã, habia mĩ Deusũ bakeraka ikai?— akabu Jesusũ hatu yuikĩ: —Ibubis matũmebi habiari mã yuiaii— hatu wa

Lucas 23:3

Pilatõs nĩkakĩ Jesus uĩkĩ yukakĩ: —Miarã, mĩ judeu shanẽ ibubu binu keyuamẽ?— aka Jesusũ yuikĩ: —Hawaikika! Habiari mĩ ea yuiaii— ikaya

João 1:14

Hanua hawẽ Xinaĩ Hãtxati yura kayabi hayanũ ika aĩbu meranu naneima kaĩyã Deusũ bake bestitxai ewatã nuku anua yumetã ewani hiwea hawẽ Epa Deus itsa kuxipa duapahaira nũ uĩpauniki, nuikipa haya inũ txani txakatima hãtxa hayarã.

João 1:17

Haskawẽ taeshũ bebũkiri Deusũ Moiséswẽ hawẽ hãtxa nũ ha txibanũ nuku yununiki. Hakia txanima hãtxa haya inũ hawẽ nui abunameti kayabi huirã, hanua nũ binũ Jesus Cristowẽ taea besti huaki.

João 14:6

Jesusũ kemakĩ: —Hawẽ kati bai inũ hawẽ txanima unãti inũ hawẽ hiwekuĩtirã, habia ẽ eaki. Ea besti ikũwãkĩ txibaĩ Epa Deus anu mã hikitirubuki.

João 7:17

Tsuabũra Deusũ xinã akatsi ikinã ẽ akai unãtã haska txanimamẽkaĩ ikĩ na ẽ yusĩaĩ: “Deus anua huimẽkaĩ, ẽ ibubis ẽ xinãnẽ ikimẽkaĩ”, mã unãtirubuki.

João 8:14

—Emebi ẽ dayuikibiakĩ hanua ẽ huni inũ hanu ẽ kashanai ẽ unaĩwẽ taea ẽ dayuikiairã, harã, kuxipaki. Hakia hanua ẽ huni inũ hanu ẽ kashanai mã unãbumawẽ taeshũ mã kaneaii.

João 8:45

Hakia txanima hãtxa ẽ matu yuibia mã ikũwãkatsi ikabumaki.

João 8:46

Haratutũ berubi ẽ hawa txakabu akai mã ea uĩxĩshũ ea txitetirumẽ? Eãnã, ẽ txanima hãtxa yuibiaya haskakĩ mã ea ikũwãma txitekubaĩkanai?

João 8:47

Haska inũ, Deusunabũ Deusũ hãtxa nĩkamisbuki. Hakia mã Deusunabumawẽ taeshũ mã nĩkakatsi ikabumaki— hatu waya

1 Timóteo 6:13

Deusũ dasibi damiwakĩ hiwea hatu inãkĩ keyumis inũ nukũ Shanẽ Ibu Jesus Cristõ haska shabakabi huni dateama Romano shanẽ ibu Pôncio Pilatoski txanikĩ ma yuinitũ natiã nuku uĩaĩbũ mia merabewakĩ ẽ mia yunuaii.

1 Pedro 1:22

Mã ma haskawẽ taea natianã, Deusũ kakape Jesuskiri nĩkatã ha hãtxa txanima txibaĩ mã ma meribi pepabuki. Haskakubaĩkinã, ikũwaĩ betsabube abuname kayabikubaĩkãwẽ. Haskakĩ matũ huĩti hawa txakabu hayama inũ matũ kuxipa hirabiwẽ betsabu merabewai hatuwẽ nui abunamei hatube duanamepakekãwẽ.

1 João 2:21

Hanushũ mã hãtxa kayabi unãmawẽ taeama hakia hãtxa kayabi mã unaĩwẽ taeshũ ẽ matu keneshunaii. Cristo anua hãtxa txakabu tashniamaki. Hakia hãtxa kayabi besti hanua tashnikũkaĩmiski.

1 João 3:14

Uatiã nũ abunameamarã, nũ mawa keska inibuki. Na haska unãkinã, natiã nukũ betsabube nũ abunameaiburã, nũ hiwea hayaki. Hakia habu abunameabumarã, ma mawanibu keska hiweyuabuki.

1 João 3:19

Hamapai tibi kanebiakubaini nukunabube nũ abunamemiswẽ taeshũ Deusũ nukũ txakabu nuku buashuni nũ unãtirubuki.

1 João 4:6

Hakia nukurã, nũ Jesusũ kuxipayaburã, nũ Deusũ bakebuki. Nũ yusĩayã habũ Deus unãkĩ nuku nĩkaibũ habũ Deus unãbumã nuku nĩkaisbumaki. Ha haskaburã, haratura txanima Yushĩ Pepa haya inũ haratura paranã yushĩ hayabu nũ unãtirubuki.

1 João 5:20

Deusũ bake tashnitanã, hamẽ huama Deus hiwemanika kayabi nũ unãshanũbũ hawẽ unãnepa nuku inanũ ika huni nũ unaiĩ. Nũ ma ha txanima kayabiki dasia hiweaburã, harã, hawẽ bake Jesus Cristoki nũ ikaki, habias Deus mekenika kayabitũ hiwei ikibi ika nuku inãmisrã.

Apocalipse 1:4

Mã Jesus txibaĩbu ha sete yusĩnanaĩ itxamisbu tibi Ásia mai pakeanuabuũ, ẽ Joãonẽ, ẽ matu kene bumai nĩkairakãwẽ. Ha ini inũ, ikũkainai inũ, ana hushanaitũ, nukũ Deusunã, hau matu duawakĩ hawẽ pepa matu inãkĩ unãnuma matu hiwemakubainũwẽ. Habiaskari wakĩ ha sete yushĩ pepa hawẽ shanẽ ibu tsauti bebũ mapuabu hau habũ habiaskari matu wanũbũwẽ.

Apocalipse 3:14

Ana Jesusũ ẽ João ea yuikĩ: “Hatũ Deusũ hãtxa dayashunika Laodicéia anu itxamisbu mekea na hãtxa ẽ mia yuiai keneshũriwe. ‘Dasibi Deusũ hakiri yuiai ẽ Habiaskaki, imistũ mai hirabi inũ nai hirabi damiwakĩ ewẽ Deusũ ani txanima hãtxa besti txani ẽ kaneismatũ ẽ matu yuiai nĩkakãwẽ.