João 1:49 - Kaxinawá Bíblia (BR)

⁴⁹ ikũwãkĩ yuikĩ: —Yusĩnaã, ikũ mĩ Deusũ bake kayabiki, Israelbũ shanẽ ibu dasibi binuarã— aka

Kashinawa : Diosun Jesúswen taexun yuba bena yiniki

⁴⁹ ikunwankin yuikin: —Yusinaan, chanima min Diosun bake kayabiki, Israelbun xanen ibu dasibi binuadan— aka

João 1:49 Referencias Cruzadas

Salmos 110:1

Deus kushipa dasibi binuatũ ẽ shanẽ ibu yuikĩ: “Miki sinataibu ẽ hatu maemariama manai ẽ yusiuri tsauyuwe, mĩ tae hanakĩ hatuki kẽyãtanã.”

Salmos 2:6

“Ha Shanẽ Ibu ẽ katuni ẽ yunushanai ha meribi mae pepa mati Sião anu shanẽ ibushanikiki”,

Isaías 9:7

Ha yumetã tsauirã, Davi shanẽ ibuni anu tsaushanikiki. Shanẽ ibuhairakĩ hawẽ kushipawẽ mai hirabi anu shanẽ ibukĩ tsuma keyubaũshanikiki. Hawẽ unanuma hiweaibu keyuama inũ hawẽ yunuti kushipa keyuama ipakeshanikiki. Ha shanẽ ibuhairairã, mestẽ tsuã maewakĩ tsekatiruma habias ipakeshanikiki. Deus kushipahaira dasibi binua hawẽ nui pae tsuã nuka watirumatũ nuku haska washũshanikiki.

Miquéias 5:2

Haskabiaibũ mã Belém Efrata anu hiweabuũ, na hãtxa nĩkakãwẽ. Judá enabũ mai pakea anu mĩ mae peshepishtabiakẽ mia anua shanẽ ibu tashnitã Israelĩ enabu dasibi yununika kushipa ishanikiki, bawakĩ Deusũ taewariama hiwenirã.

Mateus 14:33

hanua ha shashũ nũ tsauwabu Jesus namã dãti itã kẽwãkĩ yuikĩ: —Txanima mĩ Deusũ bakeki— nũ ikaini

Mateus 23:7

Ha inũ, bai shesha tibi mapua mabu inãnanãmisbu anushũ: “Yusĩnaã, akĩ hau ea duawanũbũ”, ika mapumisbuki.

Mateus 23:8

Hakia maturã, habu ikai keska iyamashãkãwẽ. Yurabu kenamakinã, hakia matũ yusĩnanã bestitxaiki. Ha ikũwaĩ mã hawẽ betsabu inũ hawẽ puibu bestiki. Haskawẽ taeshũ: “Yusĩnaã”, akĩ hau matu kenayamashanũbũwẽ.

Mateus 27:11

Hanua Romano shanẽ ibu Pilatos anu Jesus iyuabu kaĩkirã tsaushũ yukakĩ: —Miarã, mĩ judeu shanẽ ibubu binu keyuamẽ?— aka Jesusũ yuikĩ: —Hawaikika! Habiari mĩ ea yuiaii— akaya

Mateus 27:42

—Huni betsabu merabewabiamis hamebi pashatirumaki. Haskakenã, haska Israelbũ Shanẽ Ibu Cristo kayamẽkaĩ cruz anua butuai uĩkĩ na habiatiã nũ ikũwãtiruki. Deus ikũwaĩ hakiri hãtxakũkaĩxinaki. Natiãri Deus benimakĩ hau merabewanũwẽ, pashawakinã, haska waya nukũri nũ ikũwaĩnã— ikaibũ

Mateus 4:3

diabo Satanás haki nukutã unãti wanũ ishũ yuikĩ: —Haska mĩ Deusũ bakemẽkaĩ? Mĩ buniairã, na mixki mania damiwakĩ misi watã piwe— aka

Marcos 15:32

Haskakenã, haska Israelbũ Shanẽ Ibu Cristo kayamẽkaĩ cruz anua butuai uĩkĩ na habiatiã nũ ikũwãtiruki— ikaibũ ha haska waibu nĩkatã huni yumetsu dabe habe mastariaburi hãtxa txakabukĩ Jesus yuãriaibũ

Lucas 1:35

hawẽ nuikĩ nai tsumã ana yuikĩ: —Kuxipa hatu binuatũ hawẽ kuxipawẽ hawẽ Yushĩ Pepa yunua mikia dami naneima kaĩmashũ hatũ Deus txibãyã: “Harã, meribi Deusũ bakeki”, ishũ kenakubaĩshãkanikiki.

Lucas 19:38

yuibaĩkĩ: —Aitxu! Aitxu! Ha Shanẽ Ibu Deusũ kena kuxipaya huairã, benimakĩ kẽwanãkãwẽ. Naiuria unãnuma hiwea inũ kuxipa binu keyua unãkĩ hau kẽwãnũbũwẽ— ikubainaibũ

João 1:18

Ha inũ, natiã tsuabũra Deus uĩnakamabiakẽ hawẽ bake bestitxai Deusbe hãtxanameai Deus ha keskahairari hawẽ Epabe ketashameshũ shabakabi hatũ besti Deuskiri nuku unãmakubainiki.

João 1:38

niti itã dabekekaũ nuku uĩkĩ yukakĩ: —Mã hawa benayuai?— nuku wa —Yusĩnaã, mĩ hani hiwea ikai?— nũ wa

João 1:50

Jesusũ ana yuikĩ: —“Mibã figueira namã tsaushũ mĩ xinaĩ ẽ mia unãshuki”, akĩ ẽ mia yuiaiwẽ taeshũ mĩ ea ikũwaiĩ. Ana pepa betsa xarabu ẽ binumai mĩ ea uĩshanaii— iwanã, ana yuikĩ: —Txanima ẽ matu yuiaii. Nai bepemanai anua ẽ matũ Hutxi Kayabi Iuwa ea anu Deusũ nai tsumabu inabaĩbaini butubirãbiranaibu uĩkĩ Deusũ kuxipa mã uĩshanaii— akĩ nuku yuiniki, Jesusunã.

João 18:37

hanushũ Pilatõs ana yuikĩ: —Haskakenã, txanima mĩ shanẽ ibu kayabiraka— aka Jesusũ ana yuikĩ: —Mĩ haska hari yuiairã, ẽ Shanẽ Ibu kayabiki. Haskanũ ika yurabube hiwei ẽ tashnikiraniki, hatu txanima kayabi meshtãmairã. Tsuabũra txanima hãtxa abukĩ ẽ hãtxa nĩkamisbuki— aka

João 4:31

ha haskaibũ nũ hawẽ tsumabũ Jesus yuikĩ: —Yusĩnaã, nũ mia piti bishũtãshurã, menã piriwe— nũ akãwã