Mateus 24:17 - Kaxinawá Bíblia (BR)

Ha inũ, betsabu na mai bawa hiwe sapa sheni manaũri maniaburã, butushũ hawẽ hamapai bikatsis ibiakĩ hau hawẽ hiwe anu hikiama hau hawaira pashariashanũbũwẽ.

Kashinawa : Diosun Jesúswen taexun yuba bena yiniki

Ja inun, betsabu na mai bawa jiwe sapa xeni manaundi maniabudan, butuxun jawen jamapai bikatsis ibiakin jau jawen jiwe anu jikiama jau jawaida paxadiaxanunbunwen.

Mateus 24:17 Referencias Cruzadas

2 Samuel 11:2

shaba betsatiã huĩrukuĩ dakabai ma bari kai hikiaya Davi benikauni hawẽ hiwe sapa sheni manaũri anu nishũ uĩbaũkĩ aĩbu hawẽruahaira batxiuma nashiai

Jó 2:4

hakia itxakanika Satanásã Senhor Deus kemakĩ yuikĩ: —Tsuabũra hawẽ hamapai txakabuwabiatã hawẽ yura mekĩ itxakawariama shinãkĩ: “Peki. Ẽ tenetiruki”, itirubuki. Hakia tsuãra hawẽ yura itxakawaya hatu daewakĩ hawa yaushiama dasibi hawara haya hatu inãtiruki, mawakatsi ikamarã.

Mateus 10:27

Hakia hawara ẽ matu besti yuiai huneama shabakãshũ hatu yuibaũshãkãwẽ. Ha inũ, dĩtu merã hikitã hawẽ beputi bepua keska watã hamapai hune ẽ matu yuimis hemaĩtĩ anushũ hãtxa kuxipawẽ shabakabi hatu yuishãkãwẽ.

Mateus 24:16

ha Judéia anushũ ikũwaĩbu ha mati keyatapa anu hau pashashanũbũwẽ.

Mateus 24:18

Ha inũ, ikũwaĩ ha bai anu dayaiburã, mexu merã hawẽ dakukuti bikatsis ibiai hau ana txĩtũbiranama hau habiariari pashariashanũbũwẽ.

Mateus 6:25

ana hatu yuikĩ: —Eska bestiwẽ taea matũmebi mã hamapaiwẽ dabanã imisbukiri matu yusĩnũ nĩkakãwẽ. Hiwe bestia pepakũkaĩnũ ika piti pi inũ tari sawenũ ika hawẽ dabanã iyamakubaĩshãkãwẽ. Hiwea hayairã, pitiwẽ besti nũ itirubumaki. Yura hayairã, tari sawe bestinũ ika nũ itirubumariki. Haskakẽ ha dabewẽ taea nũ hiwenũ Deusũ nuku hiwea inãma iniki.

Lucas 12:3

Hanushũ hawara dasibibũ yui mexu meranua keska hunea hãtxamisbu shaba keska anushũ ana huneama shabakabi nĩkashãkanikiki. Ha inũ, dĩtu merã hikitã beputi beputã hamapai huneshũ yuimisbu hemaĩtĩ anua hãtxa kuxipawẽ txaniai keska nĩkashãkanikiki— iwanã,

Lucas 5:19

hanu yurã kaiã shukuabuwẽ taea haska watã bitxibaĩ Jesus uĩmatima mai bawa hiwe sapa sheni mamaki inabaĩ hawẽ dakatiki hanu butẽnũ, iwanã, hanu beshpa wakĩ purẽkĩ shui watã hanu ha huni yura babuni Jesus anu buteaibũ

Hechos 10:9

hanua bai putxinĩ ushaxini ana bui ma Jope kemai ma bari mananãbi hikiriama bui bai tanayubainaibũ habiatiãri Pedro Deusbe hãtxanũ ika mai bawa hiwe sapa sheni anu mapeketã

1 Samuel 9:25

Meribi kẽwãti hiwe anua butubirani mae anu hikitã hau hanu ushanũ hiwe sapa mamaki pewashuna