Jó 2:4 - Kaxinawá Bíblia (BR)

⁴ hakia itxakanika Satanásã Senhor Deus kemakĩ yuikĩ: —Tsuabũra hawẽ hamapai txakabuwabiatã hawẽ yura mekĩ itxakawariama shinãkĩ: “Peki. Ẽ tenetiruki”, itirubuki. Hakia tsuãra hawẽ yura itxakawaya hatu daewakĩ hawa yaushiama dasibi hawara haya hatu inãtiruki, mawakatsi ikamarã.

Jó 2:4 Referencias Cruzadas

Gênesis 47:17

haska nĩkabaĩ Egito nawabũ hatũ cavalo inũ, hatũ txashuwã inũ, hatũ ina awa inũ, hatũ jumento beshũpakeaibuwẽ taeshũ José shekiwãwẽ taeshũ ina hatu biãkubaĩkĩ bari bestitxai nitxĩtã

Gênesis 47:19

Nuku hanubi biwe, nukũ yura inũ nukũ bairã, hawẽ taeshũ shekiwã nũ pikubainũbunã. Faraónẽ tsumabu nuku wawe, nukũ bai anushũ nũ ha dayashũkubaĩshanũbunã. Shekiwã mĩ nuku inaĩwẽ hiwekĩ nukũ bai anu banariai nũ hiwekũkaĩyutiruki. Mĩ nuku haska waya nukũ bai anu hamẽ txaka besti beneama iriatiruki. Mĩ nuku haska wamakẽ nũ mawaya nukũ bairi benushanikiki— akabu

Jó 2:3

nĩkatã Senhor Deusũ yuikĩ: —Ẽ tsuma Jó mĩ uĩmisrã, haskara hakiri mĩ shinaĩ? Jó ea duawai txĩtuĩsma keska mai hirabi anu hiweabu tsua huni betsa haska keska hayamahairaki. Hakia Jó huni pepatũ hawa txakabu mekĩ txakabuwaismatũ tsua itxakawaismaki. Hawa txakabuwamabiakẽ Jó mĩ ea itxakawãbiashina Jó hawa shinã txakama hawẽ shinã pepa bestiwẽ taeshũ tsuã hakiri txakabu yuitirubumaki— aka

Jó 2:5

Hakia hawẽ yura mĩ itxakawaya txanima miabi yuputiruki, mia bebũshunã— aka

Provérbios 13:8

Yumetsubũ hau hatu tenãyamanũbũ mabu itxapayabũ hatũ peiwẽ hatu daewatã hawẽ hiwea piskutirubuki. Hakia nuitapaiburã, tsua hatuki sinatamawẽ taea hawa nĩkama hiweabuki.

Mateus 16:26

Hamẽ tsuãra mabu mirimawẽ kemu bestikĩ itxawashũ ea ikũwãkĩ txibãma hatũmebi hatũ hiwekuĩa benushãkanikiki, eauma mawairã. Ha inũ, hatũ hiwea pakatã tsuã ana bitirumahairaki.

Mateus 6:25

ana hatu yuikĩ: —Eska bestiwẽ taea matũmebi mã hamapaiwẽ dabanã imisbukiri matu yusĩnũ nĩkakãwẽ. Hiwe bestia pepakũkaĩnũ ika piti pi inũ tari sawenũ ika hawẽ dabanã iyamakubaĩshãkãwẽ. Hiwea hayairã, pitiwẽ besti nũ itirubumaki. Yura hayairã, tari sawe bestinũ ika nũ itirubumariki. Haskakẽ ha dabewẽ taea nũ hiwenũ Deusũ nuku hiwea inãma iniki.

Lucas 12:23

Hamẽ Deusũ matu mekekubaĩmistũ matu damiwatã matu hiwemakĩ piti inũ matũ tari matu inãkubaĩmiski.