Jó 2:3 - Kaxinawá Bíblia (BR)

³ nĩkatã Senhor Deusũ yuikĩ: —Ẽ tsuma Jó mĩ uĩmisrã, haskara hakiri mĩ shinaĩ? Jó ea duawai txĩtuĩsma keska mai hirabi anu hiweabu tsua huni betsa haska keska hayamahairaki. Hakia Jó huni pepatũ hawa txakabu mekĩ txakabuwaismatũ tsua itxakawaismaki. Hawa txakabuwamabiakẽ Jó mĩ ea itxakawãbiashina Jó hawa shinã txakama hawẽ shinã pepa bestiwẽ taeshũ tsuã hakiri txakabu yuitirubumaki— aka

Jó 2:3 Referencias Cruzadas

2 Samuel 20:20

Joabẽ kemakĩ yuikĩ: —Eanã, ẽ haska shinãmaki. Yamawakĩ ẽ berã berã akatsi ikamaki.

Jó 1:1

Mai pakea ewapa Uz anu huni betsa Jó hiwea huni pepa hawa Deuskiri txakabuismatũ Deuski mesekĩ dayashũkũkaĩkĩ hawa txakabu mekĩ tsua txakabuwakatsi ikama hiwepaunikiaki.

Jó 1:11

Hakia hawara sharabu dasibi haya mebĩshãwẽ. Mĩ haska wa miki sinatakĩ habi yupukĩ mia berabĩwãshanikiki— aka

Jó 1:6

Hanua shaba betsatiã Senhor Deus bebũ hau benũbũ hawẽ nai tsumabu hatu kena bei itxabũ habiatiãri nai tsuma itxakanika Satanásri hua hatube nikẽ

Jó 1:8

nĩkatã Senhor Deusũ yuikĩ: —Ẽ tsuma Jó mĩ uĩmisrã, haskara hakiri mĩ shinaĩ? Jó ea duawai txĩtuĩsma keska mai hirabi anu hiweabu tsua huni betsa haska keska hayamahairaki. Hakia Jó huni pepatũ hawa txakabu mekĩ txakabuwaismatũ tsua itxakawaismaki— aka

Jó 2:2

Senhor Deusũ Satanás yukakĩ: —Harakiria mĩ huai?— aka Satanásã kemakĩ yuikĩ: —Mai hirabi anu uĩkĩ keyukubaũtani ẽ huaii— aka

Jó 2:4

hakia itxakanika Satanásã Senhor Deus kemakĩ yuikĩ: —Tsuabũra hawẽ hamapai txakabuwabiatã hawẽ yura mekĩ itxakawariama shinãkĩ: “Peki. Ẽ tenetiruki”, itirubuki. Hakia tsuãra hawẽ yura itxakawaya hatu daewakĩ hawa yaushiama dasibi hawara haya hatu inãtiruki, mawakatsi ikamarã.

Salmos 37:37

Huni hakiri txakabu yuikĩ metuisbumarã, haskakiri uĩkĩ shinãkãwẽ. Ha huni peparã, unanuma hiwenũbarikiki.

Provérbios 11:8

Huni pepabu tsuãra hatu bika tenemaibu Deusũ hatu pashawakĩ merabewatã hanushũ huni pepatũ shãtukũ huni txakabu Deusũ hatu bika tenemamiski.

Provérbios 13:6

Huni duapabu hatũ pepawẽ mekemisbuki. Hakia hunĩ txakabuwakubaĩmisbu hatũ txakabuwẽ keyui yamamisbuki.

Provérbios 14:2

Tsuara txanima hiwei peshũ Senhor Deus duawakĩ benimawamisbuki. Hakia tsuara hiwei peama kanekubaĩkinã, Senhor Deus danãkubaĩmisbuki.

Provérbios 15:8

Huni txakabubũ inabu Deus kuashũkĩ inãkuiaĩbu Senhor Deusũ hatu danãkĩ uĩkatsi ismaki. Hakia huni pepabũ Deusbe hãtxakĩ dayuikĩ yukaibu benimakĩ Senhor Deusũ hatu nĩkamiski.

Provérbios 16:17

Huni pepabu hiwei pekaĩkinã, txakabu tibi ana akama henekubaĩmiski. Haskakĩ hatũ hiwea mekekĩ hatũ yura ibubis pe mekeriakubaĩmisbuki.

João 9:3

—Haskamaki. Hamebi Deuskiri txakabuwamaki. Hawẽ ibubũri txakabuwabumariki. Hakia ikis Deusũ pepawati kuxipa yura dasibibu ẽ uĩmatiruwẽ taea habiaska bekũ kaĩniki— iwanã

Filipenses 3:12

Jesus besti txibãkatsis ibiai ẽ pepai keyuriama inũ ẽ tapĩ keyuriamariki. Hakia pepa besti ẽ ikũkaĩshanũ Jesus Cristõ ea abukĩ ea katuniwẽ taea hawẽ xinã txibaĩ pepatã haki nukukatsis iki heneama manai ẽ txĩtũkiranamaki.

Santiago 1:12

Tsuabũra ikũwaĩ bika betsa betsapa tenebiai babuama binukubaĩmisbu Deus hatuwẽ benimakĩ hatu manakukĩ haska habũ Deus abumamisbu haskabu hatuki Deus yubakai hiwekuĩa hatuki tanani hatu hawẽ manakushanikiki, maiti sawemakĩ akawakinã.

1 Pedro 1:7

Hanua shanẽ ibuhairai Jesus Cristo ana hushũ matuwẽ benimakĩ hau matu kẽwãshanũ haska ouro mane taxipa txiwẽ pewakĩ has wamisbu keska wakĩ: “Haska mã Jesus ikũwaĩburi pewakĩ matũ xinã mã ma mestẽ matu uĩnũ”, ishũ habũ matu itxakawaibu Deusũ hawẽ matu unãti waikiki. Haska ouro mane taxipa bikatsi imisbu keskakĩ Jesus ikũhairawai txĩtuãma pepakĩ mã hatu binuaiĩ.

1 Pedro 5:10

Ha dukunã, bari itxapama mã nuitapayuaii. Deusũ haska matu memabiatã habiatũri matu kuxipa wakĩ pashkatima watã ha hawẽ mestẽwãtiwẽ matu pepa wakĩ keyushanikiki. Jesus Cristobe nũ haki dasitã hiwea ikibi iki nũ pepai kuxipashanũbũ habias Deus nuikipatũ hawena wakatsi ikĩ nuku katuniki.