Mateus 2:1 - Kaxinawá Bíblia (BR)

Herodes Judéia anu shanẽ ibuaya Belém anua Jesus kaĩkẽ hanua bixi unãnikabũ bixi bena tashnia uĩtã txaikea bari huai lestekiria bekubirani Herodesĩ mae ewapa Jerusalém anu hikituxitã hatu yukabaũkĩ: —Judeubũ shanẽ ibu bena kaĩmarã, hanimẽ? hawẽ unãti bixi bena tashnia betxitã kẽwãnũ ika nũ huairã— ikĩ hatu yuka keyubaunaibũ

Kashinawa : Diosun Jesúswen taexun yuba bena yiniki

Herodes Judea anu xanen ibuaya Belén anua Jesús kainken janua bishi unanikabun bishi bena taxnia uintan chaikea badi juai estekidia bekubidani Herodesin maewan Jerusalén anu jikitushitan jatu yukabaunkin: —¿Judiobun xanen ibu bena kainmadan, janimen? jawen unanti bishi bena taxnia bechitan kenwanun ika nun juaidan— ikin jatu yuka keyubaunaibun

Mateus 2:1 Referencias Cruzadas

Gênesis 10:30

Joctãnẽ huni bakebu dasibi Messa mai pakea anua bari huaikiria Sefarkiri mati matipanua pai hiwepaunibukiaki.

Gênesis 41:8

penaya Faraó huĩti nishma punu nuka has shinãhairakĩ Egito anua hawẽ huni mukayabu dasibi inũ huni unanepabu dasibi hatu kena bea itxabu usha namakĩ uĩshinai Faraónẽ hatu yuia tsuã hawa unãma hawẽ nama shabakabi yuikĩ unãmatirubumahaira inibukiaki.

Jó 1:3

Hanua hawẽ ina 7.000 txashuwã inũ, 3.000 camelo inũ, dabe ketashamabaĩbaina 500rã, habu ina awa bene pe dayamakubaĩkatsi hawẽ hubu meshte keyumis inũ, 500 jumenta yushã inũ, hawẽ dayaru escravo huni inũ aĩbu mirima hati hawenas ipaunikiaki. Haskawẽ taea bari huaikiri mai hirabi anu hiwebaunaburã, Jó ha besti mabuhairayatũ hatu binu keyua ipaunikiaki.

Isaías 11:10

Ha haskaibutiã ha Jessé tatxa ha hawẽ tapũ betsa benetã yurabu shukua tibibu hatũ Deus hatu unãmati ishanikiki. Habũ hatũ shanẽ ibu benakinã, hawẽ mae pehaira txashakapaki nukunũ ishũ benabaũshãkanikiki.

Miquéias 5:2

Haskabiaibũ mã Belém Efrata anu hiweabuũ, na hãtxa nĩkakãwẽ. Judá enabũ mai pakea anu mĩ mae peshepishtabiakẽ mia anua shanẽ ibu tashnitã Israelĩ enabu dasibi yununika kushipa ishanikiki, bawakĩ Deusũ taewariama hiwenirã.

Mateus 2:16

Hanua Herodes bixi unãnikabũ parãbaĩxinabu ana beabumakẽ Herodesĩ unãtã sinatahairakĩ haska bixi unãnikabũ yuibaĩxina huni bake bari dabeyariabuma inũ bari dabeyabu hau dasibi hatu detekĩ tenãtanũbũ hawẽ soldadobu yunua Belém inũ ha dapi hiwebaunabu anu bushũ detekĩ tenãkĩ keyunibukiaki.

Mateus 2:19

Hanua Herodes ma mawaxĩkẽ Egito anua José usha namaya Deusũ nai tsuma ana hushũ yuikĩ: “Joséẽ, hanũ bestẽwẽ. Habũ ha bake detenũ ika ikimaburã, ma mawaxinabuki. Hanu Israelbũ mai pakea anu ha bake hawẽ ewabe ana hawẽri iyuriwe”, aka

Mateus 2:3

hanua Jerusalém anuabũ dasibi nĩkai dateaibũ shanẽ ibu Herodesĩ nĩkariatã xinaĩ: “Ea binushanimẽkaĩ”, ika datekĩ

Mateus 2:5

hatũ shanẽ ibu yuikĩ: —Hawẽ hãtxa yuishunika Miqueas Deusũ yuini nĩkawe: ‘Belémnaã, Judéia mae pakea anu mĩ mae hatiumabiakẽ mia anua shanẽ ibu kayabi kaĩshanikiki, enabu Israelbu mekeshanairã’, akĩ yuia keneniki— akabu

Mateus 2:7

Herodesĩ nĩkatã hatu nitxiã buaibũ hanua bari huai lestekiria bixi unãnikabu bexiãbu haburi hune kenashũ hatu yukakĩ: “Hatiã bixi bena tashnia mã betxibiranimamẽ?” hatu wa natiã ma betxibiranimashũ Herodes yuiabu

Lucas 1:5

Judéia mai pakea hatiuma anu Herodes hatũ shanẽ ibu ikũkainaya habiatiãri hawenabu Deusbe hãtxashunika Abiasĩ enabu shuku betsa anua hawẽ kena Zacarias hiwekũkainikiaki. Hanua hawẽ aĩnĩ kena Isabel Arãonẽ babari yushabuhairakĩ bake biama hawẽ beneri anibuhairatũ bakewanũ ishũ xinãkubaĩkĩ Deusũ hãtxa txibãkĩ hawẽ yunuti inũ hawẽ nemati kaneabumakẽ hatuwẽ Deus benimakũkainikiaki.

Lucas 2:11

Matũ shenipabu shanẽ ibuhaira Davĩ mae Belém anu haska Deusũ yubani matũ merabenã Shanẽ Ibu ma kaĩyãki, Cristo Messiasrã.

Lucas 2:15

nai anu ana buaibũ benimai yuinamekĩ yuikĩ: —Habaa! Haska Deusũ nuku yuishurã, Belém anu benakĩ uĩnũ bukãwẽ— itã

João 7:42

Hanua tashnikirãshanairã, “Davĩ mae Belém anua Davĩ babarã, Cristo Messias ishanikiki”, akĩ nuku keneshuniki. Haskakenã, Jesusrã, Deusũ Messiasmaki— akaibũ