Jó 1:3 - Kaxinawá Bíblia (BR)

³ Hanua hawẽ ina 7.000 txashuwã inũ, 3.000 camelo inũ, dabe ketashamabaĩbaina 500rã, habu ina awa bene pe dayamakubaĩkatsi hawẽ hubu meshte keyumis inũ, 500 jumenta yushã inũ, hawẽ dayaru escravo huni inũ aĩbu mirima hati hawenas ipaunikiaki. Haskawẽ taea bari huaikiri mai hirabi anu hiwebaunaburã, Jó ha besti mabuhairayatũ hatu binu keyua ipaunikiaki.

Jó 1:3 Referencias Cruzadas

Gênesis 12:16

haska wabaĩkĩ bimabu Saraiwẽ taeshũ Faraónẽ Abrão duawakĩ txashuwã inũ, ina awa inũ, jumento inũ, camelo inũ, aĩbu dayarubu escrava inũ, huni dayarubu escravo inãnikiaki.

Gênesis 13:6

dasibi ha dapi habe hiweshũ hatũ inabu itxapatũ basi hawaira pikĩ keyuaibũ hatũ tsumabũ hawẽ inabu hania pimatima

Gênesis 24:35

Senhor Deusũ ẽ tsuma duahaira wakĩ shanẽ ibu wamiski, dasibi betsa betsapa inãkinã. Txashuwã mirima inũ, ina awa mirima inũ, prata mane inũ, ouro mane inũ, hawẽ huni inũ aĩbu dayaru escravo itxapa inũ, camelo inũ, ina betsa jumento itxapa inãmis hayaki.

Gênesis 29:1

Hanua Jacó Betel anua kaĩkaini ana bari huaikiri kakũkaini atimas Labão maewã Harã dapi hikishũ

Gênesis 32:14

200 txashuwã yushã inũ, 20 txashuwã bene inũ, 200 cabra yushã inũ, 20 cabra bene inũ,

2 Samuel 12:2

ha mabuwãyã txashuwã inũ ina awa mirimahaira hayakẽ

Jó 1:10

Tsuabũra Jó itxakawapanã mĩ hatu nemamiski, hawẽ yura mekekĩ dasibi hawenabu inũ hawara dasibi haya mekeshũkinã. Hawara sharabu Jó dayakĩ biai merabewakĩ duawakĩ mĩ pepa wakubaĩmiski. Haskawẽ taea hawẽ inabu inũ hawẽ mabu haya dasibi hawẽ mai pakea anu hatube hiwea Jó hatu binu keyuaki.

Jó 1:4

Jó 7 huni bakebũ hatũ beya txibãkĩ hatũ hiwetãshũ semana tibi habu tibitũ semana betsa shaba bestitxaitiã hawẽ huni bake betsã piti hatu pewashũtã hawẽ betsabu 6 inũ hawẽ puibu 3 hatu kenashũ piti inũ nushuti hatu pewashuna besikĩ hatubetã pikubainaibũ

Jó 29:25

Shanẽ ibuhaira keskakĩ hatũ detenamenikabu shukua mapuabu bebũshũ yunukubaĩmis keskakĩ habũ hau hawara ea ashũkubainũbũ haska ẽ betxipaiai ẽ hatu yunukubainimaki, shanẽ ibu keskakinã. Ha inũ, hatũ huĩti nishmahairai punu nukabu hatu daewakĩ ẽ hatu merabewakubainimaki.

Jó 31:25

Dayakũkaini inabu itxapa inũ, mabu itxapa inũ, dayarubu itxapa inũ, pei itxapa ẽ hayabia haska sharabu ha shinaĩ ẽ hawẽ hawa keĩsmahairaki.

Jó 31:37

Shanẽ ibuhairatũ bake keskai pepai hawa txakabuma Deuski kematã dasibi ẽ akubiranai ha bebũ nishũ ẽ yui keyushanaii, hawa dakeamarã.

Jó 42:10

Hanushũ hawẽ haibu dabe inũ besti Jó hatu yukashũkĩ meneaya Senhor Deusũ haska Jó pepawa hiwekũkainima keska ana duawakĩ hawẽ yura shushawatã uatiã hayakũkainima keska wakĩ ana dabeki hawẽ hamapai Jó inãnikiaki.

Jó 42:12

Hanua Jó anibui bari itxapa hawẽ henei hiwekũkainaya haska uatiã duawani binumakĩ dabeki keska Senhor Deusũ Jó ana duawakubaina hawẽ txashuwã 14.000 inũ, 6.000 camelo inũ, 1.000ti dabebaĩbaina ina bene hau ana pubeãma pe dayakubainũbũ hawẽ hubu hatu meshtemamis inũ, 1.000 jumenta yushã Jó hayakũkaini

Provérbios 10:22

Senhor Deusũ tsuara hatu duawakinã, mabu pepa itxapa keska hatu inãkĩ benimawamiski, hawa hatu bika tenemakĩ isĩ tenemamarã.

Números 23:7

hau haska ishanũ Balaão hatukiri yuikĩ: “ ‘Ẽ mae mati matipa bari huaikiria Arã anushũ hau hunũwẽ’, iwanã, Balaquẽ ea hatu iwemashinaki. Moabe nawabu shanẽ ibuhairatũ ea kenashĩshũ ea yuikĩ: ‘Israelĩ enabu ea hatu yupushũwẽ. Jacó enabu ẽ hatu betxipaiama txakabuwashũkĩ ea hatu yupushũwẽ’, ea washuki.

Juízes 6:3

hanu hatũ yunu banaibu tibitiã Israelĩ enabũ bai washũ yunu banaimabu ma hushĩ kaniaya Midiã nawabu inũ Amaleque nawabu inũ nawa betsa bari huaikiria beshũ yumetsukĩ hatu detenũ ika bebirã bebirãpaunibukiaki.

Juízes 6:5

Hatu piãkĩ biãkubainũ ika shini mirimahaira bea keskai hatũ tari hiwe inũ, hatũ inabu inũ, hatũ camelo mirimahaira tsuã tanatirubuma iwekĩ hatũ piti yumetsushũ hatu pimakĩ bai dasibi txakabuwakĩ hatu teshe heneshunama ipaunibukiaki.

Juízes 7:12

hanu Midiã nawabu inũ, Amaleque nawabu inũ, nawa betsa bari huaikiria beshiã pabaũkĩ napãpa hirabi keyubia maninibukiaki, shini mirima keska maniabu inũ hatũ camelo mirimaya ianẽwã kesha mashiti tsuã tanatiruma keskarã.