Gênesis 41:8 - Kaxinawá Bíblia (BR)

⁸ penaya Faraó huĩti nishma punu nuka has shinãhairakĩ Egito anua hawẽ huni mukayabu dasibi inũ huni unanepabu dasibi hatu kena bea itxabu usha namakĩ uĩshinai Faraónẽ hatu yuia tsuã hawa unãma hawẽ nama shabakabi yuikĩ unãmatirubumahaira inibukiaki.

Gênesis 41:8 Referencias Cruzadas

Gênesis 40:6

penaya José hikishũ ha dabe shinã txãkãma punu nukabu hatu uĩkĩ

Gênesis 40:8

ha dabetũ yuikĩ: —Nũ usha namatxakashinai shinaĩ tsuã nuku unãshũkĩ shabakabi nuku yuitima nũ tsaua ikaii— akabu —Mã namashinairã, Deusũ matu unãmatiruki. Hani mã namashinai ea yuikãwẽ, nĩkanunã— hatu wa

Gênesis 41:15

Faraónẽ José yuikĩ: —Ẽ usha namashinai ẽ hatu yuka tsuã ea shabakabi yuitirubumaki. Mianã, namabu mĩ hatu unãtã yuitirukiaki. Txanimamẽ?— aka

Êxodo 7:11

Faraó dateama hawẽ unanepabu inũ hawẽ mukayabu hatu kena beshũ hatũ yushĩ kushipawẽ habiaskari hatuna akĩ

Êxodo 7:22

Hakia hatũ yushĩ kushipawẽ Egito nawa mukayabũ habiaskari wakĩ habũ ũpash dami wakĩ himi wariakẽ haska uĩbiatã Faraó huĩti kushitã haska Senhor Deusũ Arão inũ Moisĩ ma hatu yuishu keska ikaya

Êxodo 8:7

hanushũ habiaskari wakĩ Egito nawa mukayabũ hatũ yushinẽ kushipawẽ heu hene meranua hau tashninũbũ dami wariakĩ Egito mai pakeanu heu pa wariaibũ

Êxodo 9:11

hatunabube txami isĩ tenei nuitapakĩ Egito nawa mukayabũ Moisĩ ashu keska ana anũ ika kai tashniabumakẽ

Isaías 8:19

Hakia huni betsabũ matu yuikĩ: “Mawabũ yushĩbe hãtxamisbu yukakãwẽ. Ha huni mukayabu hatũ yushĩbe hãtxai shei ikawẽ tsuã nĩkatirumawẽ hãtxamisbuki. Yurabu hatũ yushibube hãtxakinã, mawabũ unanepa hãtxa yukatimamẽ, hiweabunã,

Daniel 4:18

Na eska namakĩ ẽ ea shanẽ ibuhaira Nabucodonosorĩ ẽ uĩshinaki. Hanira ẽ hatu yunumis anu unanepabu hiweabũ haska hariri unãbumahairaki. Hakia Deus meribitũ yushĩ kushipa mĩ hayawẽ taeshũ na nama hawẽ unãmati miã mĩ unaiĩ’, haska ikis ea yuiriwe”, ẽ wa

Daniel 4:19

hanua Daniel hawẽ kena betsa Beltessazar haska yuiai nĩkatã hawaira hawẽ shinã merã txakabu shinaĩ pes nia datehairai mesei hawa hãtxakatsis ikamakẽ hakia ea ẽ shanẽ ibuhairatũ yuikĩ: “Beltessazarĩ, haska ẽ namashina inũ haska hakiri mĩ ea yui keyutiruwẽ dateyamawe. Haska mĩ shinaĩ ea yuiwe”, ẽ wa Beltessazarĩ ea kemakĩ yuikĩ: “Ẽ shanẽ ibuũ, mĩ nama pemahaira mĩ uĩshina mĩ ea yuimakatsis ikairã, haska mĩ namashina ikirã, hau miki sinataibu ishanũbũwẽ”, itã

Daniel 4:5

hakia meshu betsatiã ẽ dakati anu daka ẽ usha namaya ha ẽ bika teneaitũ mesehaira ẽ namapã ea uĩma ẽ datehairaniki.

Daniel 4:6

Hanua ẽ nama unãshũ hau haska hawẽ shinã ea yuinũbũ Babilônia anua unanepabũ dasibi hau ea yui benũbũ ẽ hatu yunua bushũ hatu ea iyushunabu

Daniel 4:7

Babilônia anua mukayabu inũ, yushibubu yukamisbu inũ, unanepabu inũ, bishiwẽ unãmisbu dasibi bei ea bebũ mapuabu haska ẽ namakiri ẽ hatu yuia hakia haska hariri yuiti unãbumakẽ

Daniel 5:11

Hanu mĩ yunu keyumis anu huni betsa Deus meribitũ yushinẽ unãmakubaĩmis mĩ huni hayaki. Mĩ hutxi hiwea shanẽ ibuaitiã yushibubu keska hawẽ shinã hawa hunema shabakabi inũ tapinika inũ unanepakĩ ha hunĩ hatu unãshũkubainiki. Haskawẽ taeshũ nukunabu mukayabu inũ, yushĩ yukamisbu inũ, unanepabu inũ, bishiwẽ unãmisbu hatu mekei hau shanẽ ibukũkaĩshanũ mĩ hutxi shanẽ ibuhaira Nabucodonosorĩ ha huni katuniki,

Habacuque 3:16

Mĩ haska washanai nĩkatã ẽ datehairaii. Ẽ kesha tari tari iki ẽ yura hirabi ẽ kushipa benui babui ẽ kishi mestẽtiruma ikimaki. Haskabiashanaya nukuki sinataibu tsakanamenikabu ha shabatiã Deusũ hatu bika tenemabiashanaya haskabiaya eã unanuma ẽ manakubaĩshanaii.

Mateus 2:1

Herodes Judéia anu shanẽ ibuaya Belém anua Jesus kaĩkẽ hanua bixi unãnikabũ bixi bena tashnia uĩtã txaikea bari huai lestekiria bekubirani Herodesĩ mae ewapa Jerusalém anu hikituxitã hatu yukabaũkĩ: —Judeubũ shanẽ ibu bena kaĩmarã, hanimẽ? hawẽ unãti bixi bena tashnia betxitã kẽwãnũ ika nũ huairã— ikĩ hatu yuka keyubaunaibũ

Hechos 17:18

hanua huni betsa unãnepabu epicureubũ yuikĩ: “Tsuawẽ nuiama hawara mĩ abuai besti aki pe hiwekũkaĩtiki”, ikĩ xinãmisbu inũ huni betsa unãnepaburi estóicobũ yuikĩ: “Hawawẽ benimama, hawẽ yurawẽ nuiama pe hiwekũkaĩtiki”, ikĩ xinãmisbu Paulobe yuinamei kemanameriaibũ habu betsã txitekĩ yuikĩ: —Na txikix hãtxãwainã, harakiri hãtxai ikimẽkaĩ?— ikaya betsã yuikĩ: —Paulonã, eska yui ikikiaki. Deusũ Messias Jesuskiri inũ yurabu dasibi mawa ana bestẽshanaibukiri txanirã— ikaya haskakenã: —Mekenika yushĩ betsa betsapa nũ hawa unãriabumakiri hawẽ nuku benimawanũ ika ikiraka?— ikaibũ

Hechos 7:22

haska wabainimashũ Egitonawa unãnepatũ Moisés yusĩkĩ unãnepawakĩ tapĩmakubainabu hãtxapai huni kuxipakĩ haska yunuabu hatu ashũkubainikiaki.

1 Coríntios 1:19

Haskakẽ ha yurabukiri yuikĩ hawẽ hãtxa yuishunika Isaías Deusũ yuikĩ: “Habu unãnepabu unaĩsmapa keska wakĩ, dasibi tapĩkĩ kaneisbuma unãriama keskabu ẽ hatu washanaii, hawarawẽ unãnepamis hawauma keska wakinã. Manayuwe”, aka nuku keneshuniki.

1 Samuel 6:2

Filisteu nawabũ hatũ yushibubu kẽwanikabu inũ bebũkiri habũ haskashanai unananikabu hatu itxawashũ hatu yukakĩ: —Senhor Deusũ hãtxa aruni baurã, nũ haska watirumẽkaĩ, nuku yuikãwẽ. Nũ haska watã hatũ mae anu ana hatu inãtirumẽkaĩnã— hatu wabu