Ha inũ, mĩ bakẽ hanushũ ea kẽwaĩ eki nukuti templo hatũ ea ashũshanikiki. Ẽ hatu putama shanẽ ibu henetiruma ipakeshanaikiri ẽ hatuki yubakaii.
Lucas 1:33 - Kaxinawá Bíblia (BR) Deusũ yunua mĩ bake Jesus Jacõ bababũ Shanẽ Ibu ipashanikiki, niti ikama ikibi ikirã— aka Kashinawa : Diosun Jesúswen taexun yuba bena yiniki Diosun yunua min bake Jesús Jacobun bababun Xanen Ibu ipaxanikiki, niti ikama ikibi ikidan— aka |
Ha inũ, mĩ bakẽ hanushũ ea kẽwaĩ eki nukuti templo hatũ ea ashũshanikiki. Ẽ hatu putama shanẽ ibu henetiruma ipakeshanaikiri ẽ hatuki yubakaii.
Ẽ hatu mekekubainaiwẽ taea minabu Israelĩ enabu shanẽ ibupakeshãkanikiki, niti ikamarã. Ha dikabi haska mĩ hatu yunumis keska heneama ikubaĩshãkanikiki’, iwanã, Davi ea yuishũtãwẽ”— abainaya
Ha yumetã tsauirã, Davi shanẽ ibuni anu tsaushanikiki. Shanẽ ibuhairakĩ hawẽ kushipawẽ mai hirabi anu shanẽ ibukĩ tsuma keyubaũshanikiki. Hawẽ unanuma hiweaibu keyuama inũ hawẽ yunuti kushipa keyuama ipakeshanikiki. Ha shanẽ ibuhairairã, mestẽ tsuã maewakĩ tsekatiruma habias ipakeshanikiki. Deus kushipahaira dasibi binua hawẽ nui pae tsuã nuka watirumatũ nuku haska washũshanikiki.
txanima Senhor Deusũ mestẽwãkĩ ana yuikĩ: “Ha shaba betsatiã shanẽ ibu hunũbarikiki, Davĩ baba betsa shanẽ ibuhaira ẽ washanaii, hawẽ mai pakea anua hawẽ yunuti kushipawẽ unanepakĩ hatu yunukĩ parananãma pepas wakubaĩshanikiki.
Ha shanẽ ibubũ yunukubainaibutiã shanẽ ibubu betsabu keskama nai anu hiwea Deusũ shanẽ ibu betsa katukĩ yununika kayabi wakẽ tsuã hawẽ shanẽ ibu maema taskama ikũkaĩshanikiki. Shanẽ ibu betsabũ kushipa keyuaya na yununika kayabi niti ikama shanẽ ibupakeshanikiki.
Nabucodonosorĩ ana yuikĩ: “Deusũ ea kupini hanu ea menekĩ dasibi ea betsa waya ea Nabucodonosor naiuri teskãtã ẽ uiãyã ẽ shinã pepa ana eki hikimakĩ kaya waya Deus kushipa hatu binu keyua hiwei ikibi ika eã duawakĩ kẽwãkĩ yuikĩ: ‘Yurabu hiwea pakubainaibu Deus shanẽ ibukũkaĩkĩ hawẽ kushipawẽ hatu yunukubaĩshanikiki, hawa beshtekei heneamarã.
Hanira ẽ hatu yunubaũmis anushũ Danielĩ mekenika Deus hawa danãma hau haki mesekĩ unãkubaĩshanũbũ matu dasibi ẽ hãtxa ẽ matu yunuaii. Danielĩ mekenika Deus hiweaki, ikibi ikarã. Shanẽ ibukũkainai tsuã keyukĩ yamawatirumaki, hawẽ kushipa hawa keyutirumarã.
Jesus nukuki kematã nuku hãtxa wakĩ yuikĩ: —Hawẽ kuxipa ea inãkĩ hawara nai anua inũ hawara mai anua mekekĩ ẽ yunukubaĩshanũ Ẽ Epã ea Shanẽ Ibu waniki.
Haska Deus Israelbu hatu yubanirã, Deusũ hawa betsa wama hawẽ hãtxa kuxipa hawa benuamaki. Haskabia Deusũ hatu yubani ikũwãkĩ ha Israelĩ baba itxapabũ txibãbumawẽ taea habu Israelbu kayabi itirubumaki.
Mã Cristonaburã, habia mã Abraãonẽ bababu dikabiwẽ taea haska Deusũ Abraão yubaniwẽ maturi hawenabui mã hiwea kayabi hayariashanaii.
Haska ẽ matu yuiai keska xinã betsa watã Jesus besti ikũwaĩ mã hawẽ dasibi hiweaibu txanima mã Deusunabu kayabiki. Hanua Deus matuwẽ nuikĩ hau unãnuma matu hiwemariakubainũwẽ.
Haska nũ yunu kayabiaiburã, nũ nukuki, nũ habũ Deus kẽ kayabi waiburã. Jesus Cristõ ma nuku pewashuniwẽ taeshũ Deusũ Yushĩ Pepatũ nuku kuxipa wakĩ merabewaya hawara nukũmebi nukũ yura anua hina kubitxi bemakisa nũ meshtemis keskawẽ nũ kẽtirubumaki.
Hanushũ hawẽ bakekiri yuikĩ: “Deusuũ, mia shanẽ ibuirã, mĩ ea keska shanẽ ibui ikibi ipakeshanaii, shanẽ ibui hawa txakabu hayamarã.
Ha sete nai tsumabu hawẽ heneatũ trombeta txã akai ẽ nĩkaya nai anua hui kuxipawẽ habũ kẽwãkĩ yuikĩ: “Nukũ Shanẽ Ibu Deus inũ hawẽ bake Messias Jesus Cristo besti natiã mai hirabi anu ha besti shanẽ ibukĩ hatu mekekubaĩshanikiki, niti ikamarã”, ikaibũ