Daniel 6:26 - Kaxinawá Bíblia (BR)

²⁶ Hanira ẽ hatu yunubaũmis anushũ Danielĩ mekenika Deus hawa danãma hau haki mesekĩ unãkubaĩshanũbũ matu dasibi ẽ hãtxa ẽ matu yunuaii. Danielĩ mekenika Deus hiweaki, ikibi ikarã. Shanẽ ibukũkainai tsuã keyukĩ yamawatirumaki, hawẽ kushipa hawa keyutirumarã.

Daniel 6:26 Referencias Cruzadas

Esdras 1:3

Haskakẽ mã tsuabura Senhor Deusũ enaburã, hau Deusũ matu merabewakubaĩshanũwẽ. Tsuara mã Judá mai pakea anu hiwea hunirã, Jerusalém anu butãkãwẽ. Ha Jerusalém anurã, hanu Israelĩ enabu mekenika Senhor Deus hiweaki. Harishũ hawẽ kẽwãti hiwe bena hawẽrua washuni burishãkãwẽ.

Esdras 7:21

Haska inũ, mã enaburã, ea ẽ shanẽ ibuhaira Artaxerxesĩ Hene Eufrates bari kaikiri anua mã pei mekenikabu dasibi ẽ matu yunuaii. Deus nai anuatũ yunuti hãtxa unãhairai Esdras hawenabu Deusbe hãtxashũmistũ hawara dasibi matu yukai hawaira inãshãkãwẽ.

Salmos 2:11

Senhor Deus duawai dayashunirã, haki mesei datekĩ benima besti wakubaĩkãwẽ.

Salmos 42:2

Deusũ ea hiwea inãmis putakatsi ikama ũpash manuai keskai ẽ habe nikũkainaii. Hatiã ana txĩtũkirã Deus bebũ ẽ nishanai?

Isaías 66:2

Dasibi betsa betsaparã, eã besti dami wakĩ ẽ keyuniki. Haska wakĩ ẽ taewa hayai hiwenibuki. Eã hunibu uĩkĩ merabewakinã, habu keĩsbuma inũ hatũ txakabu henetã ẽ hãtxaki mesekĩ nĩkamisbu ẽ hatu amiski, ikĩ ea Senhor Deusũ ẽ hãtxa ẽ mestẽwaiĩ”, iniki.

Isaías 9:7

Ha yumetã tsauirã, Davi shanẽ ibuni anu tsaushanikiki. Shanẽ ibuhairakĩ hawẽ kushipawẽ mai hirabi anu shanẽ ibukĩ tsuma keyubaũshanikiki. Hawẽ unanuma hiweaibu keyuama inũ hawẽ yunuti kushipa keyuama ipakeshanikiki. Ha shanẽ ibuhairairã, mestẽ tsuã maewakĩ tsekatiruma habias ipakeshanikiki. Deus kushipahaira dasibi binua hawẽ nui pae tsuã nuka watirumatũ nuku haska washũshanikiki.

Daniel 2:44

Ha shanẽ ibubũ yunukubainaibutiã shanẽ ibubu betsabu keskama nai anu hiwea Deusũ shanẽ ibu betsa katukĩ yununika kayabi wakẽ tsuã hawẽ shanẽ ibu maema taskama ikũkaĩshanikiki. Shanẽ ibu betsabũ kushipa keyuaya na yununika kayabi niti ikama shanẽ ibupakeshanikiki.

Daniel 3:29

Natiã haska hatu merabewashu keska yushĩ betsã haska watirumawẽ taeshũ eã eskakiri ẽ yunuaii. Yurabu inũ shukuabu betsa betsapa inũ hãtxa betsa betsapa hawẽ hãtxamisbu anushũ Sadraque inũ, Mesaque inũ, Abede-Nego hatũ mekenika Deuskiri hãtxa txakabu tsuãra danaĩ shanẽ ibubũ hawẽ yura bais ashũ meshterabetã hau hatũ hiweri tekekĩ hanus mãtxĩkubaĩshanũbũwẽ— hatu watã

Daniel 4:34

Nabucodonosorĩ ana yuikĩ: “Deusũ ea kupini hanu ea menekĩ dasibi ea betsa waya ea Nabucodonosor naiuri teskãtã ẽ uiãyã ẽ shinã pepa ana eki hikimakĩ kaya waya Deus kushipa hatu binu keyua hiwei ikibi ika eã duawakĩ kẽwãkĩ yuikĩ: ‘Yurabu hiwea pakubainaibu Deus shanẽ ibukũkaĩkĩ hawẽ kushipawẽ hatu yunukubaĩshanikiki, hawa beshtekei heneamarã.

Daniel 6:20

haki kemashũ kasha teneshũ Daniel kenakĩ yuikĩ: —Daniel, Deus hiweatũ dayaruũ, mĩ mekenika Deus txĩtuãma nĩkakĩ mĩ kẽwãkubainaitũ leão pubẽbu anu mia urẽbiabũ nemakĩ mia mekeshinamẽ?— aka

Malaquias 3:6

“Ea ẽ Senhor Deus maei ẽ hawa betsaismaki. Mã Jacó enabuwẽ taeshũ ẽ matu yamawakatsi ismaki.

Mateus 6:13

Nuku mekekĩ hawẽ txakabuti tibi nuku kaĩmashũyamawe. Ha inũ, hawara txakabu tibi nuku nemashũriakubaĩwẽ, atiki— atã

Lucas 1:33

Deusũ yunua mĩ bake Jesus Jacõ bababũ Shanẽ Ibu ipashanikiki, niti ikama ikibi ikirã— aka

Lucas 12:5

Hakia haki besti mesei mã datekubainũbũ matu yuinũ nĩkakãwẽ. Tsuãra matũ hiwea tenãtã txi nukaismanu hawẽ kuxipawẽ matu yunutiru bestiki mesei datekubaĩkãwẽ, Deuskirã. Txanima ẽ matu yuiairã, ha bestiki datei mesekubaĩkãwẽ.

Hechos 17:25

Ha inũ, dasibibu Deusũ nuku hiwemashũ huĩsinamamis inũ hamapai tibi nuku inãkĩ merabewakubaĩmiswẽ taeshũ hawara yurabũ Deus ashũtirubumahairakiaki.

Romanos 9:26

Ha inũ, habianushũs ana hatu yuikĩ: “Maturã, mã enabuma ibiani hakia ẽ matu katukẽ: ‘Mã Deus hiweatũ bakebu’, matu kenashãkanikiki”, aka nĩkatã Oséiasĩ keneshuniki.

1 Tesalonicenses 1:9

Ha inũ, mã haskaimabukiri ha mae anushũ nukukiri txanikĩ txanima haska mã nuku duawaima txanimisbuki. Ha inũ, damiwakĩ yushĩ itsa wabu mã kẽwãbiapauni ha henetã Deus hiwea kayabi ikũwãkĩ mã duawakĩ taewaimaki.

Hebreus 12:29

Nukũ Deus kuxiparã, txi keskaki, dasibi yamawakĩ keyutirurã.

Santiago 1:17

Nukũ Epa Deusũ bari inũ ushe inũ bixi damiwanitũ hawẽ xinã betsa betsapa waisma inũ hakiri hawa huneamawẽ taea haska tibi hawa txakabuma pepa besti hanua huai nuku inãkubainikiki.

Apocalipse 11:15

Ha sete nai tsumabu hawẽ heneatũ trombeta txã akai ẽ nĩkaya nai anua hui kuxipawẽ habũ kẽwãkĩ yuikĩ: “Nukũ Shanẽ Ibu Deus inũ hawẽ bake Messias Jesus Cristo besti natiã mai hirabi anu ha besti shanẽ ibukĩ hatu mekekubaĩshanikiki, niti ikamarã”, ikaibũ

Apocalipse 4:10

ha 24 mekenikabũ kẽwãriakĩ dãti ishũ shanẽ ibuhairawakĩ habũ hatũ ouro mane maiti mabikitã inãkĩ hawẽ tae namã mãtxĩtã yuikĩ:

Apocalipse 5:14

ha hiweabu dabe inũ dabebũ habiaskari xinãkĩ kemakĩ: “Habiaskaki”, iriaibũ ha 24 mekenikabu dãti iki beti itã kẽwãriaibũ

1 Samuel 17:26

nĩkatã hari mapuabu Davĩ hatu yukakĩ: —Ha Filisteu nawã matu kashe wakubainai tsuara habe detenamekĩ tenãkĩ yamawakenã, ha huni detenamenika Saulũ hawa inãshanai yuishinamẽ? Deus hiweatũ detenamenikabu kashe wakĩ bika tenemakubainai tsua ikimẽkaĩ, hawa Deus ikũwãmarã— ikaya

1 Samuel 17:36

Haskakĩ leão inũ urso detekĩ ẽ amis keska ha huni Filisteu nawa Deusuma ẽ habiaskari watirumamẽ? ha Deus hiweatũ detenamenikabu hatu mesewakubainairã.