Ha enabu hatiri meribi mia hiweshũkĩ habũ mia besti kẽwãmisburã, hatuwẽ benimai ẽ shinã txãkãkũkaĩmiski.
João 13:34 - Kaxinawá Bíblia (BR) Haskawẽ taeshũ hawẽ yunuti hãtxa bena ẽ matu baxishũkĩ yunubainaii. Haska matuwẽ ẽ nuiai keskairã, habiaskariai matubus nui duanamepakeriashãkãwẽ. Haskai xinãnãnaĩ mã nuibukuaĩ Kashinawa : Diosun Jesúswen taexun yuba bena yiniki Jaskawen taexun jawen yunuti jancha bena en matu bashixunkin yunubainaii. Jaska matuwen en nuiai keskaidan, jabiaskadiai matubus nui duanamepakediaxankanwen. Jaskai shinananain man nuibukuain |
Ha enabu hatiri meribi mia hiweshũkĩ habũ mia besti kẽwãmisburã, hatuwẽ benimai ẽ shinã txãkãkũkaĩmiski.
Hakia eãnã, hãtxa betsawẽ ẽ matu yusĩaiĩ. Matuki sinataibu hatuki sinatama hatuwẽ nuikubaĩshãkãwẽ. Ha inũ, matu itxaibu inũ matu itxakawaibu hatu danãma merabewakĩ hau Deusũ hatu duawanũ yukashũkubaĩshãkãwẽ.
Na haska ẽ matu yunuai keska wakinã, habũ ea ikũwaĩ betsabube hatuwẽ nui abunamekubaĩshãkãwẽ— iwanã,
Haskai mia inũ ea dasia nũ bestitxai keska hiwea haburi nukuki dasiabu habiaskari wakĩ mĩ hatu merabewashanũ ẽ mia hatu yukashunaii. Mĩ hatu haska wa habu shukushũ ea ikũwaĩbu mai hirabi anu mĩ ea yununi unãtirubuki.
Ha inũ, matũ betsa kayabi keska wakĩ ikũwaĩbu betsabu hawara pepa mã amis xinãma hakia ikũwaĩbu betsabube merabenamekĩ habube nuinamei duanamekubaĩkãwẽ.
Haskakẽ tsuabura hatube hiweabuwẽ nuimisrã, haburã, hawa txakabuma hatuwẽ nuikĩ dasibi Deusũ yunuti inũ hawẽ nemati txibãkubaĩkanikiki, hawa kaneamarã.
Haska inũ, yura betsabu devetã hawaira hatu paka keyukubaĩkãwẽ. Haska keskari xinãkãwẽ. Matube hiweabuwẽ nui merabenaĩ mã hatu devea inaĩ keskai duanamekubaĩkãwẽ. Haska wakĩ hatukiri haska xinãkĩ ha Deusũ yununi txibãkĩ matũ akĩ menekĩ ma kaneamaki.
Hamẽ betsarã, heshe pepa banabu pepa hukũmis keskai tsuabura Deusũ Yushĩ Pepatũ mekeshũ amakĩ hatu pe hiwemabainairã, eska shabakabi hatu anua tashnimiski, abunamei hawenabuwẽ nuirã, benimakĩ Deus kẽwaĩnã, unãnuma hiwea tsuki sinatamarã, hĩ hĩ ikama hawara teneirã, hatu txikixwabu kũyã akamarã, hatu duawairã, yauxiama hawara pepa hatu inãkubainirã, hawara yubakashũ kaneama akirã,
Haska inũ, Jesus ikũwãkĩ hina kubitxi meshteaibu inũ meshteabuma hamẽ ikanikiki. Hakia Jesus Cristo ha besti ikũwaĩ nui benimai nũ haki txiti ikubainaibu besti nũ hawenabuki.
Haskawẽ taeshũ hawara nũ hayawẽ dasibi nukubetã ikũwaĩbu nuitapaibu hatu merabewakubainãkãwẽ, ha katxu betsaburi ikũwãriabuma hatu merabewariakinã.
Haska inũ, matunabũ shãkama iabiranaibu mã hatu merabewamis keska wakĩ tsuabũra hawara bika teneaibu inũ tsuabũra kaneaibu hatu merabewariakubaĩkãwẽ. Hatu haska wai haska Cristõ nuku yusĩkubaini keska ashũkĩ hawẽ hãtxa mã meneshũshanaii.
Haska inũ, Cristõ nuku abukĩ Deus duawanũ ika Deusũ kupiti nuku bishuĩ mawai inĩti hawẽrua keska puekĩ Deus benimawanikẽ haska Cristo nuku ishuni keskariakĩ nukubetã ikũwaĩbu dasibibube nui abunamei hiwekubaĩkãwẽ.
Matukiria kaka huai ẽ nĩkamiski, mã Jesus Cristo ikũwaĩ nukubetã ikũwaĩbu betsa hatube abunamei mã hatuwẽ nuimis nĩkairã.
Ha inũ, nukũ Shanẽ Ibũ hau matu ana ewawakĩ abunamemakĩ nui itxapa matu inãkubainũwẽ. Matu haska wa hayatã ikũwaĩ betsabuwẽ nuikĩ yurabu dasibiwẽ nuitixara ikubaĩkãwẽ, haska nũ matuwẽ nuikũkainai keskairã.
Ẽ betsabu inũ ẽ puibuũ, txanima matũ xinãnẽ Jesus ikũhairawai mã ma yumei kuxipai ẽ matu unaiĩ. Haskakĩ ana heneama ikũwaĩ betsabube kuxipai nui henenameyamakubaĩshãkãwẽ. Mã haskaya matukiri xinãkĩ Deus matu yukashũkĩ matuwẽ nũ Deus kẽwãkubainaii, haska nuku yunuayarã.
Ma hawẽ henea yusĩa kene ẽ matu bumai uĩkãwẽ. Jesus matubetã ikũwaĩbube nui heneama hatube abunamei duanamepakekubaĩkãwẽ.
Haska Deusũ hawẽ hãtxa yuishunikabu hatu kenemakĩ hatu yusĩmakeakeni tibi binua Jesusũ ha kene ana hatu yusĩni matu ana yuinũ nĩkairakãwẽ: “Mimebi mĩ yura mĩ nuimis keskakĩ yura betsabu tibiwẽ nuikubaĩkãwẽ”, iniwẽ taea haska txibãkubaĩkĩ hawara Deusũ abumis akĩ mã txibãkĩ akĩ pewairã, haskarã, peki.
Mã ma haskawẽ taea natianã, Deusũ kakape Jesuskiri nĩkatã ha hãtxa txanima txibaĩ mã ma meribi pepabuki. Haskakubaĩkinã, ikũwaĩ betsabube abuname kayabikubaĩkãwẽ. Haskakĩ matũ huĩti hawa txakabu hayama inũ matũ kuxipa hirabiwẽ betsabu merabewai hatuwẽ nui abunamei hatube duanamepakekãwẽ.
Jesus mã ikũwãkĩ taewaya matu yusĩkĩ: “Matubetã ikũwaĩbube nui hatube abunamekubaĩkãwẽ”, ika hãtxa mã nĩkanirã, habiaskari ana ẽ matu xinãmaii.
Hawẽ bake Jesus Cristo nũ ikũwãshanũbũ inũ nũ abunamekubainũbũ Deusũ hawẽ yunuti yununiki. Habias keskari hawẽ bakẽ nuku yunurianiki.
Jesus Cristõ nuku yunukinã, eska yuiniki: “Tsuãra Deus abukinã, matubetã ikũwaĩburi hatuwẽ nuikĩ aburiakubaĩkãwẽ”, nuku waniki.
Ẽ betsabu inũ ẽ puibuũ, natiã matuwẽ nuikĩ matukiri xinãkĩ matu ea akĩ ẽ matu yunuaii, nukũ betsabube nui nũ abunamekubainũbunã. Na haska ẽ matu keneshunairã, yunuti bena ẽ matu ashũamaki. Hakia habias Jesus Cristõ nuku yusĩ taewani ẽ matu ana xinãmakĩ ashuaiĩ.