1 João 4:21 - Kaxinawá Bíblia (BR)

²¹ Jesus Cristõ nuku yunukinã, eska yuiniki: “Tsuãra Deus abukinã, matubetã ikũwaĩburi hatuwẽ nuikĩ aburiakubaĩkãwẽ”, nuku waniki.

Kashinawa : Diosun Jesúswen taexun yuba bena yiniki

²¹ Jesucriston nuku yunukinan, eska yuiniki: “Tsuanda Dios bechipaikinan, matubetan ikunwainbudi jatuwen nuikin bechipaidiakubainkanwen”, nuku waniki.

1 João 4:21 Referencias Cruzadas

Mateus 5:43

ana hatu yuikĩ: —Haska inũ, betsarã, matũ yusĩnãbũ Deusũ hãtxa matu yusĩkĩ yuikĩ: “Matunabuwẽ besti nuikubaĩkãwẽ, nawabu matuki sinatamisbu abuamarã”, akĩ matu yusĩmisbuki.

Lucas 10:37

yusĩmistũ Jesus yuikĩ: —Ha huni hawẽ nuimaki— aka hanushũ Jesusũ yuikĩ: —Miari hatuya habiaskariakũkaĩwẽ— abaini

João 15:12

Tsuara hawẽ haibuaibuwẽ nuikĩ abukĩ hatu merabewai mawashunai tsuã haskakĩ ana betsã binutirumaki. Ẽ hãtxa mã txibãkubainai mã ẽ haibuki. Eskaki, ẽ matu yunuairã. Ẽ matuwẽ nuikĩ abumiski. Haska txibãkĩ betsabuwẽ nui abunamekubaĩshãkãwẽ.

Gálatas 5:14

Ha inũ, Deusũ hawẽ nemati inũ hawẽ yunuti Moisés nuku yusĩmakĩ itxawani matu yuinũ nĩkairakãwẽ: “Mimebi mĩ nuimis keskawẽ huni betsa nuitapai hawaumawẽ nuikĩ hatu merabewakubaĩkãwẽ”, iwanã, Deusũ Moisés kenema nukũ shenipabu nuku yusĩshuniki.

Gálatas 5:6

Haska inũ, Jesus ikũwãkĩ hina kubitxi meshteaibu inũ meshteabuma hamẽ ikanikiki. Hakia Jesus Cristo ha besti ikũwaĩ nui benimai nũ haki txiti ikubainaibu besti nũ hawenabuki.

1 Tesalonicenses 4:9

Ha inũ: “Jesus matubetã ikũwaĩbu hatube abunamei hatuwẽ nuikubaĩkãwẽ”, akĩ Deusũ ibubis matu yusĩkĩ yunuima tapĩmashũ mã akai Macedônia mai pakeanushũ ikũwaĩ dasibibũ mã hatube haskaiwẽ taeshũ hawa ana betsa maewama nui abunametxakayamakũkaini beshtekeama ipakekãwẽ. Mã haskakũkainaiwẽ taeshũ ana haskakiri nũ matu keneshũtirumaki.

1 Pedro 3:8

Haska tibi ẽ matuki txanishurã, haska bestiwẽ hiwekĩ Jesus ikũwaĩbu tibibube habias xinãwãtã hatuki dasia binunãnãma pepai babu keskatã keãma abunamekubaĩkãwẽ.

1 Pedro 4:8

Matu dasibirã, eska besti ikubaĩkãwẽ. Hawara mã hatubetã kanemis mã nui itxapa hayarã, hawẽri matũ txakabu mã buatiruwẽ taea nuinamei inũ abuname kayabikubaĩkãwẽ.

1 João 2:7

Ẽ betsabu inũ ẽ puibuũ, ẽ matuwẽ nuikĩ ha dukũ Jesus Cristõ nuku yununi bena ẽ betsa wamaki. Habias nukũ betsabũ matu yusĩaĩbu mã nĩkakĩ taewanirã, harã, mã ma nĩkaniki. Xinaĩrakãwẽ, mã abunamekubainũbunã.

1 João 3:11

Jesus mã ikũwãkĩ taewaya matu yusĩkĩ: “Matubetã ikũwaĩbube nui hatube abunamekubaĩkãwẽ”, ika hãtxa mã nĩkanirã, habiaskari ana ẽ matu xinãmaii.

1 João 3:14

Uatiã nũ abunameamarã, nũ mawa keska inibuki. Na haska unãkinã, natiã nukũ betsabube nũ abunameaiburã, nũ hiwea hayaki. Hakia habu abunameabumarã, ma mawanibu keska hiweyuabuki.

1 João 3:18

Ẽ bake keskabuũ, txanima Deus abukĩ duawakinã, hãtxa bestiwẽ akama ikũwaĩ betsabuwẽ nui merabenãkĩ hatu uĩmakĩ ashũkubainãkãwẽ.

1 João 3:23

Hawẽ bake Jesus Cristo nũ ikũwãshanũbũ inũ nũ abunamekubainũbũ Deusũ hawẽ yunuti yununiki. Habias keskari hawẽ bakẽ nuku yunurianiki.

1 João 4:11

Ẽ betsabu inũ ẽ puibuũ, ẽ matuwẽ nuikũkainairã, txanima nuku haska wakĩ Deusũ nuku abunikenã, nukuburi habiaskariai ikũwaĩ betsabube nui abunamekubainãkãwẽ.