Gênesis 47:29 - Kaxinawá Bíblia (BR)

shaba betsatiã Israel hawẽ yura mei ma anibuhairai babui mawakatsis ikĩ hanushũ hawẽ bake José txanima yuishũtanabu hua yuikĩ: —Epaã, ẽ ma mia shunũkatsis ikaii, ẽ ibubuki nukui kairã. Txanima mĩ ea merabewakatsis ikairã, mĩ mekẽwẽ ea kishwakekĩ ea bakewe, nũ yubakanunã— atã yuikĩ: —Ẽ matu mawashuna ewẽ nuikĩ ẽ yura na Egito anu ea mai wama hari mĩ hutxi ẽ mai wani anu hariri ea maiwakĩ buriashãwẽ— aka —Dateyamawe, haska mĩ ea yuiai keskarã, ẽ mia ashanairã— abia

Gênesis 47:29 Referencias Cruzadas

Gênesis 24:2

hanushũ hawẽ beya txibãkĩ Abraão hawẽ tsuma shanẽ ibu haki txiti ika hatũ dasibi hatu mekemis inũ hawẽ mabu mekeshuna Eliézer kenashũ yuikĩ: —Ẽ mia yuiai ea dapi huwe. Deusũ nuku uiãwẽ taeshũ ẽ mia yubamaii. Nukũ beya txibãkĩ ea unãti wamakĩ tsitsaukaĩ ea kishwakewe, mĩ ea haska waya ẽ mia yuiairã. Canaã nawabu nũ hatube hiweabu anua aĩbu Isaque ẽ bimakatsi ikamaki. Hakia hanua ẽ huni anu kashũ enabu anua aĩbu ẽ bake Isaque ishũtãshãwẽ. Senhor Deusũ nai inũ mai damiwanitũ nuku uiãyã haska ẽ mia yunuai inũ ẽ mia yubamai ea ashũtãwẽ— aka

Gênesis 24:49

“Natiã ẽ tsumakiri ẽ matu yuishu haskara mã hakiri duawati shinaĩmẽkaĩ, ea yuirikãwẽ”, iwanã, “Ha dikabi txipash Rebeca mã ebe nitxĩkatsi ikama ea yuiriakãwẽ, mã ea haska wamakẽ hiwe betsanua ẽ benashunaii, txipash betsarã”, hatu wa

Gênesis 27:2

ana hawẽ epã yuikĩ: —Uĩwẽ. Ma ẽ mestebuhairai anibuhairaki. Hatiãra ẽ matu mawashũshanai ẽ unãmawẽ taeshũ ẽ hãtxa nĩkawe. Mĩ piaya kashũ txashu tsakashũ beshũ yutxiyabi ea bawashũwẽ, haska ẽ betxipaimis keska piti nuweparã. Pitã ẽ huĩti benimakĩ mĩ ẽ bake iyua hau Senhor Deusũ mia duawakubaĩshanũ ẽ mia pepakiri hãtxa wairã, ẽ mawariamarã— iki

Gênesis 47:9

hatũ yuikĩ: —Ẽ bari itxapa tekikaĩriamaki, natiã 130 ano na mai anu maea akeakekĩ bika betsa betsapa tenei ẽ hiweyuaii, ẽ shenipabu hiweniti ẽ bari kemariamarã— akĩ

Gênesis 48:21

Hanushũ hawẽ bake José yuikĩ: —Uiã. Ẽ ma matu mawashũkatsis ikaii. Hakia ewẽ dateyamashãkãwẽ. Txanima Deusũ matu merabewapakekĩ ana nukũ shenipabu hiwekubaunibu anu matu txĩtũwãshanikiki.

Gênesis 50:12

Haska hatũ epã hatu yunuima akĩ Hene Jordão pukebaĩ Israelĩ yura Canaã anu bushũ Manre bari huaikiri dapi Macpela bai Heteu nawa Efrom anua hawenabu mawa hanu mai wati tãpe Abraãonẽ bini anu Israel hawẽ bakebũ mai wanibukiaki, ha mai wati mishki tãpe kini meranã.

Gênesis 50:5

Ẽ epabe ẽ habe yubakaima ma ea henebaĩshina Canaã anu ẽ mai wai kakatsis ikaii, hari hawenabu mai wamisbu anurã, mai watani ẽ ana txĩtũkatsis ikairã— hatu wa haska Faraó yuishunabu

2 Samuel 7:12

Anibuhairakũkaini hiwea mĩ ma debunikẽ hau mĩ shãtukũ Israelĩ enabu yununikai shanẽ ibushanũ eã minabu anua mĩ baba bestitxai hawẽ shanẽ ibu keyutima ẽ mia yunushũshanaii.

1 Reis 2:1

Davi ma mawa kemashũ unãkĩ hawẽ bake Salomão Davĩ yunukĩ:

Jó 30:23

Hanu mawa bushanaibu anu mĩ ea iyukatsis ikai ẽ unaiĩ, dasibi mawabu hanu hatu mekekĩ mĩ iyumis anurã.

Hebreus 11:22

Ha inũ, Deusũ Israelbu Egito anua hatu tashnimabainũbariai Josẽ ikũwaĩ mawakĩ hawenabu hatu yuikĩ: “Nenua kaĩbaĩkinã, mai pakea pepa Deusũ matu ibu wamashanai anu ẽ shau ẽ bababũ hau ea bunũbarinũbũwẽ”, akĩ hatu yununikiaki.

Hebreus 9:27

Yurabu dasibi besti wai mawamiskẽ hanushũ txipu Deusũ hatu unãti washanikiki.

Josué 2:14

hawẽ hãtxa betxipaikĩ betsã yuikĩ: —Mĩ nukukiri hawa hatu yuiama nuku tenãbumawẽ taea mia inũ minaburi mã mawama ishanaii, nukũ hiwea inananaĩ keskairã. Na mai pakea inũ mĩ mae Senhor Deusũ nuku ibu wamaya miwẽ nuikĩ nũ mia duawashanaii, mia parãmarã— aka

Josué 23:14

Yura dasibi ishanaibu keskai ikis eari ẽ matu mawashũshanaii. Hawara pepa matũ mekenika Senhor Deusũ matu yubani ashũkĩ ma keyushinarã, matũ huĩti merã inũ matũ yushĩwẽ mã unãhairaii. Dasibi matu ashũkĩ hawẽ yubati hãtxa dasibi hakimama ishiãki.