Josué 2:14 - Kaxinawá Bíblia (BR)

¹⁴ hawẽ hãtxa betxipaikĩ betsã yuikĩ: —Mĩ nukukiri hawa hatu yuiama nuku tenãbumawẽ taea mia inũ minaburi mã mawama ishanaii, nukũ hiwea inananaĩ keskairã. Na mai pakea inũ mĩ mae Senhor Deusũ nuku ibu wamaya miwẽ nuikĩ nũ mia duawashanaii, mia parãmarã— aka

Josué 2:14 Referencias Cruzadas

Gênesis 24:49

“Natiã ẽ tsumakiri ẽ matu yuishu haskara mã hakiri duawati shinaĩmẽkaĩ, ea yuirikãwẽ”, iwanã, “Ha dikabi txipash Rebeca mã ebe nitxĩkatsi ikama ea yuiriakãwẽ, mã ea haska wamakẽ hiwe betsanua ẽ benashunaii, txipash betsarã”, hatu wa

Gênesis 47:29

shaba betsatiã Israel hawẽ yura mei ma anibuhairai babui mawakatsis ikĩ hanushũ hawẽ bake José txanima yuishũtanabu hua yuikĩ: —Epaã, ẽ ma mia shunũkatsis ikaii, ẽ ibubuki nukui kairã. Txanima mĩ ea merabewakatsis ikairã, mĩ mekẽwẽ ea kishwakekĩ ea bakewe, nũ yubakanunã— atã yuikĩ: —Ẽ matu mawashuna ewẽ nuikĩ ẽ yura na Egito anu ea mai wama hari mĩ hutxi ẽ mai wani anu hariri ea maiwakĩ buriashãwẽ— aka —Dateyamawe, haska mĩ ea yuiai keskarã, ẽ mia ashanairã— abia

2 Samuel 2:5

nĩkatã benimakĩ hãtxa bumisbu Davĩ yunukĩ: “Eska hãtxa ea hatu yuishũtãwẽ: ‘Matũ shanẽ ibu Saul duawakĩ hawẽ yura pewakĩ mã maiwaimawẽ taeshũ hau Senhor Deusũ hawẽ pepawẽ matu duawakubaĩshanũwẽ.

2 Samuel 2:6

Ha dikabi hakimama hau Senhor Deusũ matu duawai hawẽ pepawẽ matuwẽ nuikĩ matu merabewakubaĩshanũwẽ. Haska mã Saul merabewaima keskari wakĩ ha shinãkĩ ẽtseri ẽ matu duawakubaĩshanaii.

2 Samuel 9:1

Shaba betsatiã Jônataskiri shinãbaũ Davĩ hatu yukakĩ: “Ẽ haibu Jônatas shinãkĩ ẽ duawakatsi ikaiwẽ taea Saulũ enabu huni betsa tesheni hiweyuamẽ?” hatu wa

Provérbios 14:22

Tsuãra txakabuwanũ ishũ benabaũkinã, bai pepa benumisbuki. Hakia tsuãra pepa besti anũ ishũ benamisburã, yurabũ hatu betxipaikĩ txibãkĩ hatu hawa heneisbumaki.

Provérbios 18:24

Huni haibu itxapa hayabia habũ hawaira itxakawatã henebaĩtirubuki. Hakia hawẽ haibu hatiribũ hawẽ betsa kayabi binumakĩ duahairawatirubuki.

Mateus 5:7

—Ha inũ, tsuabura nuikipabuwẽ Deus nuiriashanaiwẽ taea benimapaketi xinaĩ benimakubaĩkanikiki.

Hechos 23:22

comandantẽ nĩkatã berunã yuikĩ: —Haska mĩ ea yuishu tsua kakawayamatãwẽ— ashũ nitxiã berunã kaya

Josué 2:13

Ẽ epa inũ, ẽ ewa inũ, ẽ puibu inũ, ẽ betsabu inũ, hatũ enabus hau mawayamashanũbũ mã hatu deteama ishanai txanima hãtxawẽ ea yuikãwẽ— hatu wa

Josué 2:15

ha mae mishkiwẽ kenekĩ kebẽbaunibu mamaki ha aĩbu ibuã hanu hiwe waniwẽ taeshũ hanu uĩti shui manaũri anushũ shabakã meshu merã tsuã uiãma dispiwẽ hatu butumakatsi

Josué 6:17

Ha mae meribiki. Ha inũ, ha merã mabu Senhor Deusunaki. Huni dabe nũ yunua merabewakĩ ha aĩbu hininipa dasibibũ memis Raabẽ hatu arukĩ huneshinawẽ taea Raabe inũ hawẽ hiwe meranuabu ha besti tenãma hiwemakãwẽ. Hanushũ betsabu dasibi tenãkãwẽ. Hakia hatũ mabu dasibi meribiki, Deusunarã. Mekĩ biãyamakãwẽ. Ha mabu meribiwẽ kemukĩ bikĩ mã ibu wakẽ Senhor Deus mã nukuki sinatamatiruki. Uĩrakãwẽ. Nukuki sinatakĩ nuku kupikĩ yuputiruki. Hakia hatũ prata inũ, hatũ ouro inũ, hatũ bronze mane mabu inũ, hatũ ferro mane mabu meribiki, dasibi Senhor Deusunarã. Itxawatã Senhor Deus nũ arushũshanaii”, hatu wa

Josué 6:22

hanua huni dabetũ hune uĩbaũtãshinabu Josué hatu yuikĩ: “Aĩbu hininipã hiwe anu hikishũ haska mã habe yubakashina keska wakĩ ha aĩbu inũ hawenabu hatu tashnimatãkãwẽ”, hatu wa

Josué 6:25

Hau uĩtanũbũ huni dabe Josué yunua hatu huneshinawẽ taea Raabe inũ hawenabu Josué hatu mekekĩ tenãma iniwẽ taea ikis Israelĩ enabube Raabẽ enabu husini ma hiweabukiaki.

1 Samuel 20:8

Haska ekiri hãtxashãwẽ. Ẽ ma mĩ dayarukirã, Senhor Deusũ nuku nĩkaya mibe haibunamei nũ yubakanameimaki. Haskawẽ taeshũ ẽ kaneshĩkẽ mĩ epa anu ea iyuama miã ea tenãriyushãwẽ— aka