Gênesis 27:2 - Kaxinawá Bíblia (BR)

^2-4 ana hawẽ epã yuikĩ: —Uĩwẽ. Ma ẽ mestebuhairai anibuhairaki. Hatiãra ẽ matu mawashũshanai ẽ unãmawẽ taeshũ ẽ hãtxa nĩkawe. Mĩ piaya kashũ txashu tsakashũ beshũ yutxiyabi ea bawashũwẽ, haska ẽ betxipaimis keska piti nuweparã. Pitã ẽ huĩti benimakĩ mĩ ẽ bake iyua hau Senhor Deusũ mia duawakubaĩshanũ ẽ mia pepakiri hãtxa wairã, ẽ mawariamarã— iki

Gênesis 27:2 Referencias Cruzadas

Gênesis 47:29

shaba betsatiã Israel hawẽ yura mei ma anibuhairai babui mawakatsis ikĩ hanushũ hawẽ bake José txanima yuishũtanabu hua yuikĩ: —Epaã, ẽ ma mia shunũkatsis ikaii, ẽ ibubuki nukui kairã. Txanima mĩ ea merabewakatsis ikairã, mĩ mekẽwẽ ea kishwakekĩ ea bakewe, nũ yubakanunã— atã yuikĩ: —Ẽ matu mawashuna ewẽ nuikĩ ẽ yura na Egito anu ea mai wama hari mĩ hutxi ẽ mai wani anu hariri ea maiwakĩ buriashãwẽ— aka —Dateyamawe, haska mĩ ea yuiai keskarã, ẽ mia ashanairã— abia

Gênesis 48:21

Hanushũ hawẽ bake José yuikĩ: —Uiã. Ẽ ma matu mawashũkatsis ikaii. Hakia ewẽ dateyamashãkãwẽ. Txanima Deusũ matu merabewapakekĩ ana nukũ shenipabu hiwekubaunibu anu matu txĩtũwãshanikiki.

Marcos 13:35

Hawa txikixama ea manakashãkãwẽ. Hawa barira hiwe ibu humis keskai eari ẽ ana hushanai mã unãmariki. Mexui taeayamẽkaĩ. Yamenapũmẽkaĩ. Takara keui taeayamẽkaĩ. Mexukirimẽkaĩ.

Santiago 4:14

Mexukiri hawara kaĩkĩ mia itimaska watiru mĩ unãmaki. Nukũ hiwearã, basnũ keskakiri nũ xinãtirubuki. Penama basnũ bututã mayakabiashu hawaira pua iki maĩbaĩmis keskai natiã mã hiwebia mexukiri mã mawatiru tsuã unãmariki.

1 Samuel 20:3

hakia nĩkamas Davĩ ana yuikĩ: —Mĩ ea betxipaihairai mĩ epã unãkĩ mia nuimakatsi ikama ea tenanũ ishũ mia haska yuikatsi ikamaki. Senhor Deus inũ miã mĩ ea nĩkaya ma ẽ debu kema txanima shabakabi ẽ matu yuiaii— aka