1 Reis 2:1 - Kaxinawá Bíblia (BR)

¹ Davi ma mawa kemashũ unãkĩ hawẽ bake Salomão Davĩ yunukĩ:

1 Reis 2:1 Referencias Cruzadas

Gênesis 47:29

shaba betsatiã Israel hawẽ yura mei ma anibuhairai babui mawakatsis ikĩ hanushũ hawẽ bake José txanima yuishũtanabu hua yuikĩ: —Epaã, ẽ ma mia shunũkatsis ikaii, ẽ ibubuki nukui kairã. Txanima mĩ ea merabewakatsis ikairã, mĩ mekẽwẽ ea kishwakekĩ ea bakewe, nũ yubakanunã— atã yuikĩ: —Ẽ matu mawashuna ewẽ nuikĩ ẽ yura na Egito anu ea mai wama hari mĩ hutxi ẽ mai wani anu hariri ea maiwakĩ buriashãwẽ— aka —Dateyamawe, haska mĩ ea yuiai keskarã, ẽ mia ashanairã— abia

2 Samuel 7:12

Anibuhairakũkaini hiwea mĩ ma debunikẽ hau mĩ shãtukũ Israelĩ enabu yununikai shanẽ ibushanũ eã minabu anua mĩ baba bestitxai hawẽ shanẽ ibu keyutima ẽ mia yunushũshanaii.

1 Reis 1:53

Deus kẽwãti txi tapu anua hau iwenũbũ Salomãonẽ hatu yunua kashũ Adonias iweabu hau hawẽ nuinũ shanẽ ibuhaira Salomão bebũ Adonias di iki beutã beti ika daka Salomãonẽ yunukĩ: “Hawa txakabuwama mĩ hiwekũkaĩkatsis ikairã, mĩ hiwe anu unanuma kariwe”, aka hawa yuiama benimai kaĩkaĩkẽ

Números 27:19

Hanushũ mamepitã Israelĩ enabu dasibibũ uiaĩbũ ebe hatu hãtxashunika Eleazar bebũ nitxĩshũ mĩ shãtukũ Josué shanẽ ibu washãwẽ.

1 Timóteo 1:18

Timóteoõ, ebetã Jesus Cristo dayashuni mĩ ẽ bake keskaki. Ea nĩkawe. Jesus Cristo ikũwaĩ haki dakeama txakabu nemakĩ txanima hãtxa mĩ hatu yusĩpakẽnũ Deusũ hatu yunua Jesus Cristo ikũwaĩbu yusĩnã mekenikabũ mia katunibuki. Habiaskari xinãkĩ eãri ẽ mia yunuaii, mĩ kaneama ishanai unaĩnã. Hakia yura betsabu hatiritũ Jesus Cristo ikũwãkĩ taewabianishũ txakabu metã ma txĩtuãbuki, hanushũ kupishanai anu buirã.

1 Timóteo 6:13

Deusũ dasibi damiwakĩ hiwea hatu inãkĩ keyumis inũ nukũ Shanẽ Ibu Jesus Cristõ haska shabakabi huni dateama Romano shanẽ ibu Pôncio Pilatoski txanikĩ ma yuinitũ natiã nuku uĩaĩbũ mia merabewakĩ ẽ mia yunuaii.

2 Timóteo 4:1

Epa Deus inũ Jesus Cristo ha shanẽ ibuhairai hawẽ kuxipawẽ hushũ mawabu inũ hiweabu unãti washanaitũ nuku shabakabi uĩaĩbũ ẽ mia yunutxakayamai ea nĩkairawe.

2 Timóteo 4:6

Hamẽ earã, natiã ma ẽ yura Jesus Cristo inãkĩ ẽ mawashũshanai ma kemaikiki.