ana shinãkĩ: “Huni ha mesti hiwearã, pemaki”, ishũ “Hau hatũ merabewapakeshanũ, ẽ damiwashuaiĩ, ha itsarã”, ishũ
ana shinãkĩ: “Huni ha mesti hiwearã, pemaki”, ishũ “Hau hatũ merabewapakeshanũ, ẽ damiwashuaiĩ, ha itsarã”, ishũ
Senhor Deusũ mai mishpu bitã damiwakĩ ha keska wakĩ huni hiwemanũ ishũ hawẽ dekĩ anu shũ aka huni haskai hiwei taenikiaki.
Haskawẽ taea e itã ẽ mia kẽwaiĩ, mĩ ea pehaira waniwẽ taeshunã. Na yura ẽ hayarã, mĩ ea pehaira wani txanima ẽ ikũwaiĩ.
Dasibi enabu ẽ kenaya habũ ea duawakĩ yurabu ẽ kushipa hau uĩmashanũbũ hatu dami wakĩ ẽ bawanirã, ea anu ana hatu iwerikãwẽ’ ”, iwanã,
Na habias Deusunã, nukũ yura inũ nukũ yushĩ nuku inaĩsmamẽ? Deusũnã, eska betxipaimiski. Tsuabura hawenabus meribi pepabu watã hatu hiwemakatsis imiski. Haskawẽ taeshũ berunãtũ aĩbu mã aĩwaĩ habe yubakani hawa kaneama habe hiwekĩ matũ yushĩ ibubis pe mekekubaĩkãwẽ.
Jesusũ hatu yuikĩ: —Deusũ hãtxa Moisés nukũ shenipabu yusĩshũ kenenirã, mã uĩsmamẽ? Matu yuinũ nĩkakãwẽ. Deusũ damiwakĩ taewakinã, huni inũ aĩbu damiwaniki. Hanushũ Deusũ Moisés yurabu hatu yusĩmakĩ yuikĩ: “Hunĩ aĩbu aĩwãkatsi hawẽ ibubu dapashkabaini ka aĩyãtã hawẽ aĩbe ketashameawẽ taea ana yura dabema habias yura bestitxai keska hiwetirubuki”, aniki.
Hakia Deusũ dasibi damiwakĩ taewakinã, huni inũ aĩbu hau ha dabe ketashamenũbũ, iwanã, Deusũ hatu damiwaniki.
Deusũ haska nukukiri xinãkĩ hatũ nuku damiwakinã, hawẽ bake Jesus Cristoki dasitã hawenabũ hawẽ daya pepa inũ hawẽ bai pepa txibãkĩ ashuĩ nũ hiweyukubaĩshanũbũ Deusũ bebũkiri nuku katukĩ pewaniki.
Matũ hiwea bena tari bena sawea keskakĩ matũ yushĩ bena wakĩ Deusũ matu damiwani hawẽ Yushĩ keskarikãwẽ. Haska txakabu pashkatã meribikũkaini mã hiwea pepaswẽ txanima hãtxa besti txibãkubaĩshanaii.
Shinãkãwẽ. Unu hiwei taenibutiã inũ hari mã hiwei taenitiã ikubirãshinaburã, Senhor Deusũ mai hirabi dami wakĩ huni wani anua mai nati ikĩ tsuabura mã hatu yukatiruki. Na haska ẽ matu yuiai keska nukũ Senhor Deusũ kushipa keska betsabũ unanibumẽkaĩ. Uĩriakanimẽkainã, na haska nũ uĩshina keskarã.
Deus tsuã uĩtirumabiakẽ Cristo ha itsa shabakabi uĩkubainibuki. Hawa dasibi dami wariama hawẽ bake kayabi bestitxai hayaniki.
Na haska ẽ matu yuiairã, Deusũ hawẽ kakape Cristokiri bari itxapahaira huneni yura betsa betsapa bari betsatiã hiwekubiranibu hatu yusĩama hunenishũ natiã habu Cristowẽ Deusũ meribi hatu wairã, Deusunã, ma shabakabi nuku uĩmaikiki.
Tari bena sawea keska wakĩ matũ hiwea mã ma benawaki. Matũ hiwea ma benawairã, haska Deusũ abumis keska hiweshũbaĩkãwẽ, hatũ matu damiwani keskairã. Haskakĩ itxapa mã hakiri unãshanaii.