Mateus 19:4 - Kaxinawá Bíblia (BR)

^4-5 Jesusũ hatu yuikĩ: —Deusũ hãtxa Moisés nukũ shenipabu yusĩshũ kenenirã, mã uĩsmamẽ? Matu yuinũ nĩkakãwẽ. Deusũ damiwakĩ taewakinã, huni inũ aĩbu damiwaniki. Hanushũ Deusũ Moisés yurabu hatu yusĩmakĩ yuikĩ: “Hunĩ aĩbu aĩwãkatsi hawẽ ibubu dapashkabaini ka aĩyãtã hawẽ aĩbe ketashameawẽ taea ana yura dabema habias yura bestitxai keska hiwetirubuki”, aniki.

Kashinawa : Diosun Jesúswen taexun yuba bena yiniki

^4-5 Jesúsun jatu yuikin: —Diosun jancha Moisin nukun xenipabu yusinxun kenenidan, ¿man uinsmamen? Matu yuinun ninkakanwen. Diosun damiwakin taewakinan, juni inun ainbu damiwaniki. Januxun Diosun Moisés yudabu jatu yusinmakin yuikin: “Junin ainbu ainwankatsi jawen ibubu dapaxkabaini ka ainyantan jawen ainbe ketaxameawen taea ana yuda dabema jabias yuda bestichai keska jiwetidubuki”, aniki.

Mateus 19:4 Referencias Cruzadas

Gênesis 1:27

ha itsa huni inũ aĩbu hatu damiwashũ

Gênesis 2:18

ana shinãkĩ: “Huni ha mesti hiwearã, pemaki”, ishũ “Hau hatũ merabewapakeshanũ, ẽ damiwashuaiĩ, ha itsarã”, ishũ

Gênesis 2:23

yuikĩ: “Narã, hawẽ nami ẽ namiki. Hawẽ shau ẽ shauriki”, iwanã, “Huni anua tsekawẽ taeshũ kenakĩ: ‘Aĩbuki’ ”, anikiaki.

Malaquias 2:15

Na habias Deusunã, nukũ yura inũ nukũ yushĩ nuku inaĩsmamẽ? Deusũnã, eska betxipaimiski. Tsuabura hawenabus meribi pepabu watã hatu hiwemakatsis imiski. Haskawẽ taeshũ berunãtũ aĩbu mã aĩwaĩ habe yubakani hawa kaneama habe hiwekĩ matũ yushĩ ibubis pe mekekubaĩkãwẽ.

Mateus 12:3

Jesusũ hatu kemakĩ: —Bunikĩ hawara nukũ shenipabu pepa Davĩ hawẽ haibuaibubetã anirã, mã uĩsmamẽ? Matu yuinũ nĩkakãwẽ.

Mateus 21:42

Jesusũ ana hatu yuikĩ: —Deusũ hãtxa kenenibu yuikĩ mã uĩsmamẽ? Matu ana yusĩnũ nĩkakãwẽ: ‘Hiwe wanikabũ mixki danãbiaibũ habias mixki Deusũ bishũ deshũ makeresh wakĩ hawẽ kene mestẽwã keska wakĩ nuku uĩmakĩ: Habaa! imakĩ nuku harakiri xinãtima washanikiki’, ashũ keneniki.

Mateus 21:6

ha dabe kashũ haska Jesusũ hatu yuia habiaskari wakĩ

Mateus 22:31

Mawakubainaibu besteĩ ana hiweshanaibukiri matu xinãmanũ nĩkakãwẽ. Hi mashu kua here hi ikai anushũ Deusũ Moisés hãtxa wakĩ: “Earã, natiã ẽ Abraãonẽ mekenikaki. Ẽ Isaquẽ mekenikaki. Ẽ Jacõ mekenikariki”, ikai nĩkayamashũ Moisés kenenirã, mã uĩkĩ yuismamẽ? Deusrã, mawabunamaki. Hakia hiweabunaki. Haskakẽ Abraão inũ Isaque inũ Jacõ hatũ yushĩ hiweabuki. Txipu ana yura bena Deusũ hatu inãshanai xinãma mã kanehairamiski— hatu wai

Marcos 12:10

—Deusũ hãtxa kenenibu uĩkĩ mã yuismamẽ? Matu ana xinãmanũ nĩkakãwẽ: ‘Hiwe wanikabũ mixki danãbiaibũ habias mixki Deusũ bishũ deshũ makeresh wakĩ hawẽ kene mestẽwã keska wakĩ

Marcos 12:26

Mawakubainaibu besteĩ ana hiweshanaibukiri matu yusĩnũ nĩkakãwẽ. Hi mashu kua here hi hi ikai anushũ Deusũ Moisés hãtxa wakĩ: “Earã, natiã ẽ Abraãonẽ mekenikaki. Ẽ Isaquẽ mekenikaki. Ẽ Jacõ mekenikariki”, ikai nĩkayamashũ Moisés kenenirã, mã uĩkĩ yuismamẽ?

Marcos 2:25

Jesusũri hatu yuikĩ: —Bunikĩ hawara nukũ shenipabu pepa Davĩ hawẽ haibuaibubetã anirã, mã uĩsmamẽ?

Lucas 10:26

Jesusũri yukakĩ: —Moisés kenenirã uĩkĩ hawa mĩ yuimismẽ?— aka

Lucas 6:3

Jesusũ hatu yuikĩ: —Bunikĩ hawara nukũ shenipabu pepa Davĩ hawẽ haibuaibubetã anirã, mã uĩsmamẽ, Deusũ hãtxarã?