Gênesis 1:28 - Kaxinawá Bíblia (BR)

²⁸ hatu duawakĩ yunukĩ yuikĩ: “Matũ bakebu bawakĩ hatu pa wapakeshãkãwẽ. Hiweakeakebaũkĩ mai hirabi anu matuna wakĩ ibu wai shanẽ ibupakeshãkãwẽ, hene anu baka inũ, manaũria peiyabu inũ, yuinaka dasibi maĩ sharaibu dikabi ibu wakinã”, iwanã,

Gênesis 1:28 Referencias Cruzadas

Gênesis 1:22

pepawakĩ Deusũ hatu yunukĩ: “Bake wakĩ hau pa wapakeshanũbũwẽ. Hene tibi merã hau matashanũbũwẽ. Mai hirabi anu peiyabu betsa betsapari hau papakeshanũbũwẽ”, hatu watã

Gênesis 17:16

Sara duawakĩ ẽ pepawashanaii. Haki ẽ mia huni bake inãshanaii. Hanushũ duawakĩ Sarã bakewẽ shukua betsa betsapabu hawenabu wakĩ ẽ hatu washanaii, shanẽ ibu itxapabu kushipa wakinã— aka

Gênesis 17:20

Ismaelkiri mĩ ea yuiai ẽ nĩkashurã, uĩwẽ. Ismaelrã, ẽ tari duawariashanaii. Hawenabũ bakebu hatu pawakĩ itxapahaira hatu wariakĩ 12 shanẽ ibubu kushipa iriashãkanikiki, hawẽ taea hawenabu itxapa kushipa tari hayariairã.

Gênesis 26:24

meshu merã Senhor Deus haki nukushũ Isaque yuikĩ: —Dateyamawe. Ẽ mĩ epa Abraão mekenika Deuski. Hawara ẽ yunua Abraão txibãkĩ akubainiki. Haskawẽ taeshũ haibuwakĩ ẽ mia duawariashanaii, minabu itxapa mia pa washũkinã— atã kakẽ

Gênesis 33:5

Haskai menetã Esaú bewenikitã hatu uĩbaũkĩ aĩbu hawẽ bakebuya betxikĩ Jacó yukakĩ: —Na mibe beaiburã, mĩ tsuabumẽ?— aka —Enabuki. Deusũ ea hatu inãkubaĩshinaki, mĩ tsuma ẽ earã— akaya

Gênesis 49:25

Ẽ mekenika Deusũ mia ea merabewashũmis ẽ kẽwaiĩ. Deus kushipahaira dasibi binuatũ hau mia inũ minabu duawakubaĩshanũwẽ. Nai anua minabu hamapai inãkĩ hene meranua hatu inãriakĩ bake itxapa hatu bawamakĩ txutxu mirima hatũ bakebu amakĩ hau minabu duawapakeshanũwẽ”, akĩ

Gênesis 6:1

Yurabu hiwei pai mai anu nati iki taekĩ aĩbuaibu yumei ewaibu

Gênesis 8:17

Yuinaka pitibu inũ, pitibuma inũ, habu mã ina waisma inũ, habu mã ina wamis yuinaka betsa betsapa tibi inũ, nutawẽ sharai mapumisbu inũ, peiyaburã, dasibi kaĩmariwe, haburi mai hirabi anu hau bua haria bakeyai paritanũbunã”, aka

Gênesis 9:1

Deusũ Noé inũ hawẽ bakebu duawakĩ yuikĩ eska wanikiaki. “Bake itxapa bawai ana pai mai anu ana iake iakebaũshãkãwẽ, hiwebaunirã”, iwanã ana yuikĩ:

Gênesis 9:7

ana hatu yuikĩ: “Hakia matu hiwekinã, bake itxapa bawakĩ ana itxai pakũkaĩkĩ mai hirabi matakĩ ibu wapashãkãwẽ”, iwanã,

Jó 39:11

Mĩ daya hau ibubis mia ashũkubainũ ina awa bene pubẽ kushipawẽ taeshũ mia pe dayashunũ ha besti mĩ henetirumẽ?

Jó 42:12

Hanua Jó anibui bari itxapa hawẽ henei hiwekũkainaya haska uatiã duawani binumakĩ dabeki keska Senhor Deusũ Jó ana duawakubaina hawẽ txashuwã 14.000 inũ, 6.000 camelo inũ, 1.000ti dabebaĩbaina ina bene hau ana pubeãma pe dayakubainũbũ hawẽ hubu hatu meshtemamis inũ, 1.000 jumenta yushã Jó hayakũkaini

Salmos 115:16

Nairã, Senhor Deusunaki. Hamẽ mairã, yurabu yununiki.

Salmos 69:34

Dasibi nai inũ, mai inũ, ianẽwã inũ, dasibi habu tibi anu dami wakĩ Deusũ hiwemani hiwebaunabũ habũ hau kẽwãkubainũbũwẽ.

Salmos 8:6

Dasibi mĩ dami wani yurabũ ibu wakĩ hatu pe mekei hau hatũ shanẽ ibu ikubaĩshanũbũ mĩ hatu yununiki,

Salmos 8:7

txashuwã dasibi inũ, ina awa dasibi inũ, ni merã yuinaka hiweabu inũ,

Isaías 45:18

Nai dami wanika Senhor Deusũnã, mai dami wakĩ tashnimaniki. Haska watã mestẽwaniki. Hatũ mai dami watanã, hau shaka bestiyamanũ yurabu dami wariatã hiwemakĩ yuikĩ: “Ea besti ẽ Senhor Deuski, betsa hayamarã.

1 Timóteo 4:3

Ha hunibũ yusĩanã, aĩyaĩ inũ beneyatikiri inũ piti betsa tibikiri piaibu nemamisbuki. Hakia Deusũ piti xarabu damiwani tsuabũra habũ Cristo ikũwaĩbũ txanima unãkĩ Deus kẽwãtã pitirububiakẽ ha piti betsakiri hatu nemamisbu habũ mesewakĩ yusĩaĩbu nĩkakĩ txibãshãkanikiki.